Հետևեք մեր YouTube-յան ալիքին՝ «Ժամանց & Տեղեկատվություն»։ Ֆեյսբուքյան էջին՝ erkusov.com: Մենք՝ Ինստագրամում։
Կիսվում ենք հիանալի մի պատմությամբ, որը թույլ կտա մարդկանց, հատկապես ավելորդ քաշ ունեցողների մասին չդատել՝ նայելով նրանց արտաքին տվյալներին:
Չէ՞ որ արտաքինը հաճախ խաբուսիկ է լինում, իսկ գիրուկ արտաքինի տակ՝ թաքնված նուրբ հոգի:
Ես բարձրացա շարժասանդուղքով, ձեռքի իրերս դրեցի ու նստեցի պատուհանի մոտ:
Հանկարծ լսեցի մի ձայն. «Ողջույն, ինչպե՞ս ես»:
Վերևից ժպտում էր անսահման գեր մի տիկին:
Նա նստեց իր նստատեղը՝ զբաղեցնելով ողջ ազատ տարածքը:
Ես զզվեցի ու շրջվեցի դեպի պատուհանը:
Նա թեքվեց իմ կողմն ու կրկնեց ողջույնը: Ես տհաճությամբ ոջունեցի նրան:
– Իմ անունը Լաուրա է: Ես Բրիտանիայից եմ, դո՞ւք:
- Մալայզիա:
– Եթե մենք պատրաստվում ենք 6 ժամ միասին թռչել, ավելորդ չէր լինի ընկերանալ, այնպես չէ՞:
Կարծես չնկատելով իմ դժգոհությունը՝ Լաուրան վարեց զրույցը: Նա ոգևորված պատմում էր, որ պատրաստվում է Հոնգկոնգ: Ես անտարբեր ու միատոն էի պատասխանում:
Ի զարմանս ինձ՝ մի քանի ժամ անց նա ինձ ներկայացավ բոլորովին այլ կերպ՝ նա ինձ թվաց մեղմ, զարգացած, լայն աշխարհայացքով, հումորով, լավ շարժուձևով:
Իսկ որոշ ժամանակ անց մեր չվերթի ողջ սպասարկող անձնակազմն էր ծիծաղում նրա կատակներից:
Ես հետաքրքրվեցի, թե արդյոք նա չի ցանկանում նիհարել:
– Ո՛չ, դա ինձ հարկավոր չէ:
– Ձեզ չի անհանգստացնում հիվանությունների բարձր ռիսկը:
– Հիվանդանում են նրանք, որոնք միայն մտածում են իրենց քաշի մասին: Երբ դու շուրջօրյա և տարվա ցանկացած ժամանակ քեզ դուր ես գալիս հայելու մեջ, ապա չես հիվանդանա: Ես ավելի կարևոր գործեր ունեմ: Ես առողջ սնունդ եմ ուտում ու քայլում եմ: Ես այսպիսին եմ քանի որ ծնվել եմ մեծ լինելու համար: Ահա և վերջ:
Ես ներքուստ շատ նիհարիկ եմ, իմ մեջ այնքան էներգիա կա, որ եթե, հավանաբար, իմ չափերը չլինեին, ես կվազեի տղամարդկանց հետևից: Այնպես որ, սա փրկարարական ժիլետի պես մի բան է:
Ես հարցրեցի, թե արդյոք տղամարդիկ նրանով հետաքրքրվում են:
- Իհարկե, ես երջանիկ ամուսնացած եմ, այդուհանդերձ, չեն դադարում ինձ երկրպագել ու առաջարկություններ անել:
Նրանց դուր է գալիս ինձ հետ զրուցելը:
Թռիչքի վերջում մեր կողքին հավաքվել էր խցիկի կեսը, որոնք կատակում էին Լաուրայի հետ, ծիծաղում:
Երբ մենք դուրս եկանք օդանավակայանից, ամբոխը գրկախառնվում էր նրա հետ, ինչպես լավ ընկերոջ:
Հետո նա շրջվեց իմ կողմն ու աչքով արեց ինձ:
Եվ ես հասկացա, որ նա ամենագեղեցիկ ու հիանալի կինն էր բոլորից, ում ես հանդիպել էի:
