Հավով տնական Նրբերշիկ. հեշտ, համեղ և արագ

Տնական նրբերշիկ պատրաստելը շատ հեշտ է, փորձեք և կհամոզվեք։

Բավական է ձեռքի տակ կաթսա ունենաք, սննդային թաղանթ և միս։ Ամեն ինչ շատ արագ է ստացվում, հեշտ և համեղ։ Նրբերշիկները կարելի է պահել սառցախցիկում և անհրաժեշտության դեպքում թավայի մեջ տապակել։

7 չափաբաժնի համար անհրաժեշտ բաղադրիչներն են.

հավի փափկամիս — 500 գր.
Ձու — 1 հատ
Կարագ – 50 գր.
Կաթ – 100 մլ.
Աղ – ըստ ճաշակի
Սև աղացած պղպեղ – 2 պտղունց
Կարմիր պղպեղ – 0.5 թ.գ.
Համեմի սերմ — 0,5 թ.գ.

Պատրաստման եղանակը

1. Միսը մանր կտրատեք և աղացեք։

2. Մի կտոր կարագ ավելացրեք և լավ խառնեք։

3. Ավելացրեք ձուն, համեմունքները, կաթը։ Նորից լավ խառնեք։

4. Սեղանի վրա փռեք սննդային թաղանթը, 2 ճ.գ. խճողակ դրեք և կոնֆետի նման փաթաթեք այնպես, որ օդ չմնա մեջը։ Ծայրերը թելով կապեք։

5. Դրեք կաթսայի մեջ, սառը ջուր լցրեք և եռացրեք։ Եփեք ցածր կրակի վրա 20 րոպե։

6. Պատրաստի նրբերշիկները տապակեք կարագով կամ բուսայուղով։

7. Մատուցեք տաք վիճակում։

Բարի ախորժակ։

Հետևիր մեզ TikTok-ում 😊

Կիսվել...