Հետևեք մեր YouTube-յան ալիքին՝ «Ժամանց & Տեղեկատվություն»։ Ֆեյսբուքյան էջին՝ erkusov.com: Մենք՝ Ինստագրամում։
Աղացած մսից ուտեստներ պատրաստում են գրեթե բոլոր ընտանիքներում: Շատ հաճախ տնտեսուհիները սառեցնում են աղացած միսը: Բայց այս հարցում պետք է զգույշ լինել, որովհետև մսի սառեցման կանոնները խախտելու դեպքում վտանգվում է այն օգտագործողների առողջությունը:
Նախ, երբեք մի՛ գնեք արդեն պատրաստի աղացած միս, որը դրված է ցուցափեղկում, գնեք միայն այն դեպքում, երբ աղում են ձեր աչքերի առջև: Ընտրեք ձեզ դուր եկած կտորը և եթե չեք ցանկանում տանը աղալ, խնդրեք, թող դա անեն խանութում:
Եթե սառեցրել եք օրինակ 1 կգ աղացած միս և հալեցնելուց հետո օգտագործում եք, ասենք, ընդամենը 500 գր, մնացած մասը կարող եք լցնել աղբամանը, որովհետև չօգտագործված մասում ի հայտ են գալիս միկրոբներ: Կրկնակի սառեցումը դրանք չի վերացնում, բացի այդ՝ տվյալ մսից պատրաստված ուտեստը համեղ չի ստացվի:
Գնված միսը բաժանել մասերի, տեղավորել սառեցման համար նախատեսված փաթեթներում: Այնպես լցրեք, որ փաթեթի մեջ օդ չմնա:
Փաթեթի վրա նշեք ամսաթիվը, դա հարմար է, քանի որ կիմանաք, թե որ փաթեթը պետք է առաջինը օգտագործել:
