Ինչպես կարող են կանայք կիրառել Ձվազատման թեստը


YouTube-յան ալիք՝ «Ժամանց & Տեղեկատվություն»։ FB էջ՝ erkusov.com: Մենք՝ TikTok-ում: Մենք՝ Ինստագրամում։




Ձվազատման թեստերն օգնում են որոշել բեղմնավորման ամենաբարենպաստ ժամանակը: Այս թեստերն արձագանքում են մեզում առկա լյուտեինիզացնող հորմոնին, որի քանակությունը կնոջ օրգանիզմում քիչ է, սակայն ձվազատումից 24-36 ժամ առաջ մակարդակը շեշտակի բարձրանում է, ինչը թույլ է տալիս որոշել բեղմնավորման ամենաբարենպաստ ժամանակը:

Այն պահին, երբ թեստը դրական արդյունք է ցույց տալիս, նշանակում է, որ հորմոնի մակարդակը հասել է իր բարձրակետին, ինչը ցիկլի ընթացքում միայն մեկ անգամ է լինում:

Եթե հորմոնն իր բարձրակետում է առավոտյան ժամերին, իսկ թեստն արել եք երեկոյան, ապա կարող է այնպես պատահել, որ այդ ընթացքում ԼՀ-ի մակարդակն իջնի, և թեստը կրկին բացասական արդյունք ցույց տա: Ուստի պետք է միշտ հիշել, որ հորմոնի բարձրակետը պահպանվում է առնվազն 24 ժամ: Այդ պատճառով էլ խորհուրդ է տրվում թեստն անցկացնելը օրվա ընթացքում երկու անգամ:

Ահա մի քանի կանոն, որոնք պետք է պահպանել ձվազատման թեստն անցկացնելիս՝

  • թեստը պետք է անցկացնել ամեն օր, ցանկալի է միևնույն ժամին,
    ամենահաջող ժամանակը առավոտյան 10-ից մինչև երեկոյան 8-ն է,
  • չի կարելի թեստավորման համար օգտագործել առավոտյան առաջին մեզը,
    թեստավորումից 1-4 ժամ առաջ կրճատեք հեղուկի քանակը,
    եթե ԼՀ պարունակող դեղորայք եք օգտագործում, ապա թեստավորումն իմաստ չունի:
  • Պահպանեք թեստի տուփի վրա նշված օգտագործման ցուցումները: Թեստի արդյունքը գնահատվում է անցկացումից 10-30ր անց:

Կա երեք տարբերակ՝

  • բացասական՝ երևում է միայն մեկ գլխավոր գծիկ կամ թեստային գծիկն ավելի թույլ է, քան գլխավորը,
  • դրական՝ թեստային գծիկն իր արտահայտվածությամբ նման է գլխավոր գծիկին կամ ավելի մուգ,
  • սխալ՝ թեստի վրա գլխավոր գծիկը բացակայում է:

Ե՞րբ անցկացնել թեստը

Մի քանի ամսվա ընթացքում որոշեք ձեր ցիկլի միջին տևողությունը: Հենց ձվազատման թեստը դրական արդյունք ցույց տա, կարող եք դադարեցնել թեստավորումը:

Կեղծ բացասական արդյունք

Գործոններ, որոնց պատճառով թեստը կարող է կեղծ բացասական արդյունք ցույց տալ՝

  • յուրաքանչյուր կնոջ օրգանիզմում ԼՀ-ն տարբեր քանակով է արտադրվում,
    ձվազատման թեստերը զգայունակությամբ տարբեր են,
  • մեզի խտությունը տարբեր է՝ պայմանավորված օգտագործած հեղուկի քանակից,
    թեստավորումն արվում է տարբեր ժամերի:
  • Այս առանձնահատկությունների պատճառով թեստային գծիկն ամբողջ ցիկլի ընթացքում միգուցե ավելի թույլ արտահայտվի, քան գլխավորը կամ ավելի վառ լինի 2-3 օր շարունակ: Սա դժվարացնում է ֆերտիլ օրերի որոշումը, ուստի պետք է հմտանալ ձվազատման թեստերն անցկացնելու հարցում:

Ձվազատման թեստերի թերությունները

Քանի որ թեստավորումն անհրաժեշտ է կատարել ամեն օր, ապա որոշակի ֆինանսական ներդրում է պահանջվում: Եթե թեստն անում եք մեկ անգամ, ապա ձվազատումը բաց թողնելու հավանականությունը խիստ մեծ է: Եթե ձեր ցիկլն անկանոն է, ապա ամենայն հավանականությամբ չեք կարող հիմնվել թեստի արդյունքների վրա:

Sotskiy.am




Կիսվել...

Яндекс.Метрика

Թարմ հոդվածներ

Օրենքով քանի՞ օր արձակուրդ է հասնում ժամկետային զինծառայողին

YouTube-յան ալիք՝  «Ժամանց & Տեղեկատվություն» ։ FB էջ՝  erkusov.com : Մենք՝  TikTok-ում : Մենք՝  Ինստագրամում ։ Կիսվել... ...

Ընթերցվող․․․