Ինչպես հասկանալ, որ տղամարդը սիրում և համակրում է քեզ

Հետևեք մեր YouTube-յան ալիքին՝ «Ժամանց & Տեղեկատվություն»։ Ֆեյսբուքյան էջին՝ erkusov.com: Մենք՝ Ինստագրամում։

Բոլոր ժամանակներում տղամարդկանց և կանանց փոխհարաբերությունները յուրահատուկ խաղ են հիշեցրել: Մեր օրերում էլ շատ բան չի փոխվել. տղամարդիկ դեռ չեն սովորել անթաքույց և ուղիղ խոսել իրենց զգացմունքների, ցանկությունների ու մտադրությունների մասին: 

Եվ դա այդպես է ոչ թե նրա համար, որ նման բաների մասին հաճելի չէ խոսելը, այլ այն պարզ պատճառով, որ տղամարդիկ հենց իրենք հաճախ վստահ չեն, թե իրականում ինչ են ուզում և ինչ են զգում: Մարդու հոգեբանությունը, սակայն, այնպիսին է, որ ամենապարզ ժեստերը, հայացքը, պահվածքը կարող են մատնել մարդուն և ասել ավելին, քան կարող են ասել բառերը: Այդ պատճառով էլ ուշադիր և հետևողական աղջիկները միշտ կարող են գլխի ընկնել, երբ իրենց հանդեպ անտարբեր չեն:

Ցանկալին չշփոթել իրականի հետ

Եվ այսպես, ինչպե՞ս հավաստիանալ, որ տղամարդը ցանկանում է քեզ, հատկապես, երբ դա ակնհայտորեն չի դրսեւորվում, և նա բացահայտ կերպով չի խոսում իր ցանկությունների մասին: Պետք է պարզապես ուշադիր լինել, և պարզ նշանները կմատնեն նրան: Բաց նախևառաջ հարկավոր է անել մի հստակեցում. պետք չէ երբեք կիրքը և սեռական մղումը շփոթել սիրահարվածության հետ: Նման մոլորության մեջ հաճախ են հայտնվում կանայք ու աղջիկները: 

Պետք է հիշել, որ կնոջ հանդեպ սեքսուալ մղումը նշանակում է, որ վերջինս հետաքրքրել է իր գրավչությամբ, և տղամարդու բոլոր երևակայաությունները պայմանավորված են գեղեցիկ սեռի արտաքին հմայքներով: Իսկ դա դեռ չի նշնակում, որ տղամարդը սիրահարված է կամ լուրջ զգացմունքներ է տածում և չի պատկերացնում իր կյանքն առանց նրա: 

Հնարավոր է, իհարկե, որ հետագայում ավելի խոր զգացմունքներ առաջանան, պարզապես պետք է հիշել, որ կիրքը և սիրահարվածությունը միևնույն բանը չեն և ավելի խոր զգացմունքների ու հարաբերությունների համար պետք է շատ աշխատել: Այդ ամենի համար պետք է սովորել վերծանել բոլոր այն նշանները, որոնք գաղտնազերծում են տղամարդկանց ցանկությունները: Անդրադառնանք դրանց առանձին-առանձին:

Ամեն ինչ սկսվում է հատուկ վերաբերմունքից

Նա ձեզ հետ վարվում է ոչ այնպես, ինչպես բոլորի. սա արդեն առաջին նշանն է: Տղամարդու հետ շփվելով ընդհանուր միջավայրում` հեշտ է նկատել, երբ նա առանձնացնում է ձեզ մյուսներից: Հատուկ ուշադրություն դարձրեք, թե նա ինչպես է շփվում ձեր սեռի այլ ներկայացուցիչների հետ. խոսքը ձայնի հնչերանգի, խոսքի արտաբերման, աչքերի արտահայտության մասին է: Այնուհետև համեմատեք դրանք նույն նշանների հետ, բայց արդեն ձեր հանդեպ: Եթե դրանք ակնհայտորեն տարբերվում են, ապա կարող եք համապատասխան եզրակացություններ անել:

Ուշադրություն դարձրեք նաև նրա ժեստերին: 

Որպես կանոն, խոսակցության ընթացքում տղամարդու ձեռքերը գտնվում են նրա որովայնի կամ կրծքավանդակի մակարդակում, իսկ երբ նա շփվում է այն աղջկա հետ, ում հանդեպ յուրահատուկ կիրք է տածում, նրա ձեռքերի բոլոր շարժումները կենտրոնացած կլինեն կոնքերի շրջանում, հատկապես, եթե նստած է: Այս ամենը հոգեսոմատիկ բնույթ է կրում, իսկ դրա հետ անիմաստ է վիճել: Ոչինչ չես կարող անել. ժեստերը մատնում են ներքին ցանկություններն ու թաքնված մտքերը: Տղամարդն ակամա կարող է նաև կոնքերի շարժումներ անել կամ շարժել ծնկները: Դա արվում է շատ բնական կերպով և նույնիսկ աննկատ նրա համար, բայց իսկական նշան է այն բանի, որ մտովի արդեն ձեզ հետ կրքոտ սիրով է զբաղվում:

Նրա խոսքը և ձայնի երանգը նույնպես կտարբերվեն: 

Լսեք, թե նա ինչպես է խոսում այլ աղջիկների հետ և համեմատեք: Եթե ձեզ հետ խոսակցության ընթացքում նա փորձում է լինել սիրալիր, նրա ձայնն ավելի նուրբ է և ցածր, դա նույնպես ակնհայտ նշան է, որ դուք ձգում եք նրան:

Եթե նա լռում է, ապա ամեն ինչ կասեն նրա աչքերը

Եթե խոսակցության ընթացքում նա նայում է ձեր շուրթերին, կրծքերին, պարանոցին, ոտքերին, ապա ակնհայտ է, որ նա ցանկանում է ձեզ, ընդ որում, ամենից հաճախ նման հայացքները նպատակադրված չեն: Այդպիսին է ուժեղ սեռի էությունը` նրա հայացքը ակամայից որսում է գեղեցիկ սեռի մարմնի ամենագեղեցիկ հատվածները, և դրա հետ ոչինչ անել հնարավոր չէ, այնպես որ, հետևեք աչքերին, որոնք շատ բան կարող են պատմել: 

Դա հատկապես ակնհայտ է, երբ դուք գտնվում եք նրա հետ նույն տարածքում, բայց ոչ անմիջապես նրա կողքին: Երբ տղամարդը մեծ կիրք է տածում կնոջ հանդեպ, ապա հայացքներ կնետի դեպի նա յուրաքանչյուր մի քանի վայրկյանը մեկ: Դա կարելի է ստուգել ընդհանուր միջավայրում. մի կողմ քաշվել և հետևել, մինչ նա զբաղված է իր գործով կամ զրուցում է մեկ ուրիշի հետ: Նա, միևնույն է, աչքերով կգտնի ձեզ և պարբերաբար հայացքներ կնետի ձեր ուղղությամբ:

Հաճոյախոսություններ և ուշադրության ակնհայտ նշաններ

Իրականում հասկանալ` արդյոք տղամարդը հետաքրքրված է ձեզնով, այնքան էլ բարդ չէ, քանի որ եթե այդպես է, նա չի էլ փորձի դա թաքցնել: Աղջիկների համար է կարևոր թաքցնել համակրանքը, լինել խորհրդավոր և ստիպել տղամարդկանց տանջվել անորոշության մեջ: Իսկ ահա ուժեղ սեռը այլ «կառուցվածք» ունի. նրանք սովորաբար շատ ուղիղ են, բաց և համառ: Այսպես, թե այնպես տղամարդը կսկսի ուշադրության նշաններ ցուցաբերել, քանի որ նա ոչ միայն ցանկանում է այդ կնոջն, այլ, անկասկած, մտածում է, թե ինչպես հասնի նրան: Իսկ դրա համար պետք է համառորեն սիրահետել, ծաղիկներ ու նվերներ մատուցել, հաճելի անակնկալներ, հաճոյախոսություններ անել և այլն: 

Սեքսուալ մղումը կստիպի նրան ընտրել հատուկ նվերներ և արտաբերել հատուկ խոսքեր: Դա հաստատ կտարբերվի ռոմանտիկ պատանեկան պոռթկումներից և կունենա սեքսուալ նուրբ ենթատեքստ: Այսպիսով, դուք կկարողանաք հասկանալ, թե ինչ կա նրա մտքին: Նրա մատուցած նվերների բնույթից եւս կարելի է հասկանալ նրա մտադրություները: 

Եթե, օրինակ, նվերը խիստ անձնական բնույթի է, ասենք` ներքնազգեստ կամ օծանելիք, ապա դա արդեն ակնհայտ առաջարկություն է, բայց նման բնույթի նվերներն այդքան էլ հաճախակի չեն լինում: Ավելի հաճախ տղամարդը, ով ցանկանում է կնոջը, կնվիրի զարդեր, ծաղիկներ ու քաղցրավենիք: Հանկարծ նա այնքան հմայիչ դարձավ… :)

Յուրաքանչյուր տղամարդ հասկանում է` որպեսզի դուք հայտնվեք նրա ամուր գրկում, պետք է գրավիչ լինի: Այնպես որ, նա հանկարծակի կսկսի ավելի շատ հետևել իր արտաքինին, նոր վերնաշապիկներ հագնել, սափրվել, միշտ բուրել անուշ օծանելիքով: Արտաքին տեսքը ձեզ ուղիղ պատասխան կտա. եթե նա սկսել է հատուկ հետևել իրեն ձեզ հետ հանդիպելիս, ապա հավանական է, որ նա սեքսուալ հակումներ ունի ձեր հանդեպ և միշտ պատրաստված է:

Նրա ձեռքերը ձգվում են դեպի ձեզ, ասես, մագնիսով

Տղամարդու համար կնոջ մարմինը հիացմունքի առարկա է, և, հետեւաբար, երբ նա ֆիզիկական հակում ունի ձեր հանդեպ, անհագ ցանկություն կունենա դիպչել ձեզ: Տարբերել պարզ ընկերական հպումները նրանցից, որոնք կրում են սեքսուալ ենթատեքստ, շատ հեշտ է: Եթե նրա հպումները նուրբ են, շատ թեթև, հաճախ իբրև թե պատահական, ապա դա ակնհայտ ակնարկ է: Պետք է նաև իմանալ մարմնի այն մասերը, որոնք դեպի իրենց են ձգում տղամարդկանց ձեռքերը: 

Դրանք են իրանի ներքևի հատվածը (թեև դաստիարակված տղամարդը դժվար թե դիպչի ձեր հետույքին, չնայած` նման ցանկություն նա անպայման կունենա), վարսերը, պարանոցը, դաստակը, կոնքերը, ծունկը, ոտքերը: Տղամարդուն գրգռում է կնոջ բույրը, այդ պատճառով էլ դուք անկասկած կնկատեք, որ նա ձգտում է «շնչել» ձեզ, ինչ-որ բան շշնջալ ձեր ականջին` այդ ընթացքում առնելով ձեր մազերի բույրը, համբուրել, զգալ օծանելիքի բույրը:

Նրա ձեռքերը գրպանում են, երբ խոսում է ձեզ հետ

Ամենաառաջին դիրքը, որ հուշում է տղամարդու անզուսպ ցանկությունների մասին, այն է, երբ նրա ձեռքերը գրպանում են, իսկ բթամատները` գրպանից դուրս: Ավելի մեծ սեքսուալ ժեստ դժվար թե հնարավոր լինի պատկերացնել: Միեւնույն ժամանակ, այս ակնարկի ենթատեքստն այն է, որ սպասվելիք սեքսուալ խաղում նախաձեռնողը և գլխավոր դերակատարը հենց նա է և խաղը լինելու է հենց իր կանոններով:

Մերկացնող հայացք

Կնոջ համար դժվար չէ հասկանալ, որ իրեն ցանկանում է տվյալ տղամարդը: Այդ ցանկությունն արտահայտվում է աչքերի արտահայտությամբ, հայացքում, որը փախչում է և չի կարողանում կանգ առնել ձեր աչքերում: Նա մի փոքր նյարդայնանում է, ակնհայտ ուշադրություն դարձնում ձեզ վրա և, կարծես, հետևում է ձեզ: 

Նույնիսկ ամենահամեստ և անհամարձակ երիտասարդը չի կարողանա թաքցնել իր ցանկությունները, և դրանք այսպես, թե այնպես կարտահայտվեն: Բայց ամենապարզ ժեստը, որը կարող է բացահայտ կերպով ականարկել տղամարդու սեքսուալ ցանկությունների մասին, թերևս մերկացնող հայացքն է, որը կարող է փշաքաղվելու աստիճան համառ լինել: Հիշեք, այսպիսի հայացքով նայում են կանանց, ում իսկապես շատ ցանկանում են:

Ի՞նչ են ասում շուրթերը

Տղամարդիկ հաճախ օգտագործում են ժեստեր, որոնց միջոցով հուշում են, որ ցանկանում են համբուրել ձեզ: Ուշադրություն դարձրեք, թե ինչպես է նա մատով դիպչում իր իսկ շրթունքներին: Այս կերպ նա փորձում է ձեր ուշադրությունը հրավիրել դրանց վրա և հուշել, թե ինչ է պետք անել: Այսպիսով, նա ակնարկում է, որ ինքն էլ ուզում է դիպչել ձեր շուրթերին: Իսկ եթե խոսակցության ընթացքում նա մարմնով մի փոքր թեքված է դեպի ձեզ, ապա հասկացեք, որ նա դեմ չէ շարունակել ձեզ հետ շփումն ավելի ինտիմ միջավայրում: Այս կերպ տղամարդը հասկացնում է, որ իր ուշադրությունն ամբողջությամբ կենտրոնացած է ձեզ վրա:

Կան բազմաթիվ այլ նշաններ ևս, սակայն սրանք այն հիմնականներն են, որոնց միջոցով կարելի է հաստատ իմանալ, թե ինչ է կատարվում տղամարդու հետ, երբ նա ձեր կողին է, ինչ է ակնարկում նա հաճախ նույնիսկ ենթագիտակցորեն: Բոլոր ժամանակներում էլ կանայք ցանկացել են կարդալ տղամարդկանց մտքերը, հասկանալ այն, ինչի մասին նրանք լռում են, կարդալ նրանց խոսքերի և շարժումների տողատակը: Փաստորեն, տղամարդկանց գաղտնազերծելն այնքան էլ դժվար չէ, պարզապես պետք է ապակոդավորել նրանց շարժումները:

Կիսվել...