Հետևեք մեր YouTube-յան ալիքին՝ «Ժամանց & Տեղեկատվություն»։ Ֆեյսբուքյան էջին՝ erkusov.com: Մենք՝ Ինստագրամում։
№ 1. Շատ ջուր խմեք.
Հասուն մարդն իր քաշից կախված՝ պետք է օրական մեկուկես լիտրից 3 լ մաքուր ջուր խմի:
Ջուրը կօգնի շլակները հանել օրգանիզմից: Ուտելուց առաջ խմած ջուրը կօգնի ավելի քիչ ուտել:
№ 2. Աղիները մաքրեք սալորի հյութով
Սալորը հարուստ է բջջանյութով, դա նպաստում է աղիների աշխատանքի նորմալացմանը: Օրական երկու անգամ սալորի հյութ խմելով՝ մեկ շաբաթում ձեր աղիները կմաքրեք: Ամռանը հյութը կարելի է սալորով փոխարինել, բացի բջջանյութից՝ այն շատ վիտամիններ է պարունակում:
Բացի սալորից՝ սննդակարգում կարելի է ներառել տարբեր հատապտուղներ, ավոկադո, թուզ, բրյուսելյան կաղամբ:
№ 3. Շատ բջջանյութ օգտագործեք
Փորձեք այս մթերքները՝
Ավոկադո
Հատապտուղներ
Կոկոս
Թուզ
Բամիա
Բրյուսելյան կաղամբ
Աղիների առողջության համար 19-50 տարեկան կանայք պետք է օրական 25 գ. բջջանյութ օգտագործեն:
Այդ տարիքի տղամարդկանց անհրաժեշտ է 38 գ.:
50 տարեկանից հետո կանայք պետք է օգտագործեն 21 գ. բջջանյութ, տղամարդիկ՝ 30:
№ 4. Պարբերաբար կիտրոնի հյութ խմեք
Ցիտրուսային մրգերում պարունակվող վիտամին С-ն և հակաօքսիդանտներն օգնում են արագացնել մարսողությունը և նպաստում են աղիների մաքրմանը: Կիտրոնի հյութը կարելի է փոխարինել 1 բաժակ կիտրոնաջրով: Ամեն օր ցիտրուսային ըմպելիք խմելով՝ էներգիա կստանաք, կամրապնդեք իմունիտետը:
№ 5. Պրոբիոտիկներ օգտագործեք
Դրանք առանձնակի անհրաժեշտ են թունավորման ժամանակ կամ հակաբիոտիկներ ընդունելու դեպքում, նաև օգտակար կլինեն աղիների նորմալ գործունեության համար:
Կարելի է հատուկ դեղամիջոցներ գնել կամ յոգուրտ, կեֆիր և այլ կաթնաթթվային մթերքներ խմել:
№ 6. Գրեթե բոլոր ուտեստներին կտավատի սերմեր ավելացրեք
Կտավատի սերմերը հարուստ են բջջանյութով, պարունակում են օմեգա-3 ճարպային թթուներ:
№ 7. Մաքրում արեք խնձորի քացախով
Ըմպելիք պատրաստեք 2 ճ. գ. խնձորի քացախով, 2 ճ. գ. մեղրով և 250 մլ ջրով:
Խմեք նախաճաշի ժամանակ ամեն օր, մինչև խնդիրը լուծվի:
№8. Կոճապղպեղով թեյ խմեք
Կոճապղպեղը նպաստում է մարսողության լավացմանը, ինչից ուղղակիորեն կախված է աղիների աշխատանքը: Մարսողության պարբերական խնդիրների դեպքում կոճապղպեղով թեյ խմեք քրումքով, որը կնվազեցնի որովայնի փքվածությունը: Կես լ. ջրի համար բավարար է 1 թ. գ. քերած կոճապղպեղը և քրքումի մի քանի հատիկը: Համի համար թեյին կարելի է մեղր ավելացնել:
