«Նրա գուշակությունները նույնությամբ կատարվեցին». Վանգային այցելած հայ հոգեբանի հուշերը


YouTube-յան ալիք՝ «Ժամանց & Տեղեկատվություն»։ FB էջ՝ erkusov.com: Մենք՝ TikTok-ում: Մենք՝ Ինստագրամում։




«Նրա գուշակությունները նույնությամբ կատարվեցին». Վանգային այցելած հայ հոգեբանի հուշերը։

Բուլղարացի աշխարհահռչակ պայծառատես Վանգայի մասին նորանոր լեգենդներ են ի հայտ գալիս անգամ նրա մահվանից 18 տարի անց: Կանխագուշակ Վանգային գործունեության շուրջ 55 տարիների ընթացքում այցելել է ավելի քան մեկ միլիոն մարդ, որոնց թվում եղել են ինչպես հասարակական-քաղաքական հռչակավոր գործիչներ, այնպես էլ ամենասովորական մարդիկ՝ իրենց բազմաթիվ խնդիրներով ու շարժառիթներով:

Ձեզ ենք ներկայացնում հայ հոգեբան, հոգեթերապևտ Գոգա Հարությունյանի հուշերը նրա հետ հանդիպումից: Մեդ-Պրակտիկի հետ զրույցում Գոգա Հարությունյանը փորձեց հիշել այդ տպավորիչ օրվա բոլոր մանրամասները, նաև ներկայացրեց հետագա տարիների ընթացքում ինքն իր համար արած բացահայտումները: Վանգայի առեղծվածը տարիների ընթացքում, էզոթերիկան ուսումնասիրելուն զուգահեռ, ավելի ու ավելի իրական երանգներ ու նրբություններ է ձեռք բերել հայ հոգեբանի համար…

1970 թ., ինչպես ստացվեց Վանգայի հետ հանդիպումը


ՀՀ վաստակավոր մարզիչ, մանկավարժ, հոգեբան և հոգեթերապևտ Գոգա Հարությունյանը, ով նաև Միացյալ ազգերի կազմակերպության և ՅՈւՆԵՍԿՕ-ի միջազգային ակադեմիայի կրթության դոկտոր է, ժամանակին եղել է բավականին հայտնի մարմնամարզիկ: Մարզական ակտիվ գործունեությունն ավարտելուց հետո նա սկսում է աշխատել Խորհրդային Միության աղջիկների հավաքականի հետ՝ պատրաստելով նրանց մրցումներին: Այդ ժամանակ հավաքականը գլխավորում էր աշխարհի և Եվրոպայի, ինչպես նաև օլիմպիական բազմակի չեմպիոնուհի Լարիսա Լատինինան: 1970 թ. Եվրոպայի առաջնությունն անցկացվում է Բուլղարիայում, և Լարիսա Լատինինան ու Գոգա Հարությունյանը աղջիկների հավաքականի հետ մրցումներից առաջ մեկնում են այնտեղ՝ նախապատրաստական հավաք անցկացնելու: Ունենալով մի փոքր ազատ ժամանակ՝ երկու մարմնամարզիկները որոշում են այցելել Բուլղարիայի այն գյուղաքաղաքը, որտեղ ապրում էր Վանգան. նրա մասին խորհրդավոր պատմությունները վաղուց արդեն ճանապարհորդում էին… Այդ ժամանակ Գոգա Հարությունյանն արդեն սկսել էլ հետաքրքրվել հոգեբանությամբ, էզոթերիկայով, և այդ տեսանկյունից բուլղարուհի գուշակն առանձնապես հետաքրքիր էր: Իմանալով, թե ինչքան դժվար է Վանգայի մոտ հասնելը, ինչ հերթեր են սպասում իրենց, տեսնում են բոլոր պատրաստությունները և գնում: Վանգայի տան մոտ հավաքված մարդկանց հերթում սպասելիս նրանք բավական շատ մանրամասներ են իմանում գուշակի կյանքի մասին… Մարդիկ պատմում էին իրար, որ Վանգան շատ հասարակ ընտանիքում է ծնվել. դաշտում աշխատելու ժամանակ մի օր հողմ է բարձրացել, կայծակ է եղել, որից հետո աղջիկը կուրացել է և ձեռք բերել արտասովոր ունակությունները…


«Վանգան կանչում է հոգեբանին»




Վանգայի մոտ մարդիկ մտնում էին հերթով, բայց լինում էր նաև, որ նա կանչում էր առանց հերթի, եթե ինչ-որ մեկը հատուկ հետաքրքրում էր իրեն: «Կանգնած էինք հերթում, դուրս եկավ նրա քրոջ աղջիկն ու ասաց՝ Վանգան կանչում է հոգեբանին», -պատմում է Գոգա Հարությունյանը: Նա և Լարիսա Լատինինան ներս են մտնում: «Վանգան նստած էր, առջևը՝ սրբապատկերներ, մոմեր, հեռախոս… Մեզ ասաց՝ սպասենք մի քիչ, իսկ ինքն արդեն ճանապարհում էր մեզնից առաջ եղած կնոջը: Նրան ասաց. «Ինչ ուզում ես արա, կլինի այն, ինչ լինելու է, քո բախտը դա է»: Ես մոտեցա, սկսեցի ներկայանալ, ասաց՝ ես գիտեմ, մի ասա: Խոսում էր գեղջկական կոպտությամբ: Տվեցի շաքարը (նրա մոտ բոլորը մի բուռ շաքարով էին մտնում): Ինձ ասաց, որ լուրջ գիտությամբ եմ զբաղվում. «Ես չեմ հավատում այդ գիտությանը, բայց դու մեծ հավատով ես ապրում և պահում ես Աստծու պատվիրանները, կկարողանաս մարդկանց օգնել»: Հետո սկսեց պատմել իմ մասին, անգամ վաղ մանկության տարիներին տեղի ունեցած դեպքեր, նաև ապագային վերաբերող բաներ ասաց, որոնք հետո նույնությամբ կատարվեցին: Այդ ամենն ասում էր գոռգռալով, ինձ մատնացույց անելով: Աչքերը փակ էին, բայց տպավորությունն այնպիսին էր, որ տեսնում է ինձ: Երբ դուրս եկա, կարծես գլուխս մեծացած, ուռած լիներ. ի՜նչ էներգետիկա էր այդ տանը»,- հանդիպման մանրամասներն է հիշում Գ. Հարությունյանը:

Վանգայի առեղծվածը

Գոգա Հարությունյանի համար հետագայում էզոթերիկան և հիպնոսը դարձան խորը ուսումնասիրությունների առարկա, ինչին զուգահեռ Վանգայի կիրառած մեխանիզմներն ավելի բացատրելի դարձան: Նա մեծ նշանակություն է տալիս շաքարի այն կտորներին, որոնք իր հաճախորդներից ուզում էր Վանգան: «Ի՞նչ է շաքարը … բյուրեղ: Օրինակ՝ երբ մարդը մահանում է, փակում են բոլոր ապակեպատ մակերեսները, քանի որ նրանք շատ հեշտությամբ են կլանում էներգիան: Մեր ափի մեջ է գտնվում մեր ամենահզոր չակրաներից մեկը, իսկ շաքարը մարդիկ փոխանցում էին ափից ափ… Վանգան ուժեղ տելեպատ է, նա կարողանում է միտք կարդալ: Մենք ինչ մտածում ենք, ֆլուիդների տեսքով արտամղում ենք, ինքն ունի ընդունելու ունակություն, և դրան մեծապես օգնում է բյուրեղը՝ շաքարի տեսքով: Շաքարի միջոցով հաղորդակցվելով քո բիոէներգիային՝ նա մտնում է քո սուբստանցիան՝ տիեզերական անծայրածիր ինֆորմացիայի ոլորտ, և նրա համար հասանելի են դառնում քո անցյալը, ներկան ու ապագան»,- բացատրում է մասնագետը:

Մենաշնորհային ունակություննե՞ր


Վանգայի ունակություններին մոտ կարողություններով մարդիկ Գոգա Հարությունյանին երկար տարիների պրակտիկայի ընթացքում էլի են հանդիպել, ճիշտ է՝ ոչ այդքան հզոր… Ստեփանավանում բավականին հայտնի էքստրասենս Արտյոմի ունակությունների ի հայտ գալուն մեծապես նպաստել է հոգեթերապևտը: Նրան հայրն է բերել Գոգա Հարությունյանի մոտ, երբ տղան 16-17 տարեկան է եղել, շատ վատ հոգեվիճակում. «Ես տեսա, որ նրա մոտ բացվում են ուղեղի որոշակի կենտրոններ, ինչին ինքը չի կարողանում հարմարվել: Ձայներ էր լսում, պատկերներ տեսնում: Հայրը համաձայնեց, որ ես սկսեմ աշխատել նրա հետ: Որոշ ժամանակ անց սկսեց վերականգնվել նորմալ հոգեվիճակը: Մի օր զանգում է հայրը և անհանգստացած պատմում՝ Արտյոմը երազում տեսել է, որ Հիսուսն իրեն ասում է՝ այսինչ տեղում պետք է փորել, գտնել սրբապատկեր ու խաչ: Նա մտածում էր՝ տղայի մոտ նորից կրկնվում է նախկին հոգեվիճակը: Ես խորհուրդ տվեցի գնալ ու փորել նշված տեղը: Փորում են ու գտնում: Այդ տեղում նրանք սկսեցին եկեղեցի կառուցել: Այսօր տղան օգնում է մարդկանց իր էներգիայով»:




Կիսվել...

Яндекс.Метрика

Թարմ հոդվածներ

Լավագույն դեղաբույսերը, որոնք պետք է լինեն յուրաքանչյուրի դեղատուփում

YouTube-յան ալիք՝  «Ժամանց & Տեղեկատվություն» ։ FB էջ՝  erkusov.com : Մենք՝  TikTok-ում : Մենք՝  Ինստագրամում ։ Տարատեսակ օգտակար դ...

Ընթերցվող․․․