YouTube-յան ալիք՝ «Ժամանց & Տեղեկատվություն»։ FB էջ՝ erkusov.com: Մենք՝ TikTok-ում: Մենք՝ Ինստագրամում։
Երջանիկ մարդկանց 9 սովորույթ, նրանք կարողանում են կյանքից հաճույք ստանալ
Այս սովորույթները բնորոշ են երջանիկ մարդկանց, այն մարդկանց, ովքեր կարողանում են կյանքից իսկապես հաճույք ստանալ: Այսպիսի կենսակերպը, կյանքի հանդեպ վերաբերմունքն ու քայլերը իրենց դրական ազդեցությունն են ունենում մարդու ներաշխարհի ու զգացողությունների վրա և ավելի երջանիկ դարձնում նրանց: Փորձեք կիրառել դրանք նաև դուք:
ԵՐՋԱՆԻԿ ՄԱՐԴԻԿ ԱՄՈՒՐ ԿԱՊԵՐ ԵՆ ՍՏԵՂԾՈՒՄ ՇՐՋԱՊԱՏԻ ՀԵՏ
70 և ավելի տարեկան մարդկանց շրջանում արված հետազոտությունները ցույց են տվել, որ այն մարդիկ, ովքեր իրենց կյանքի ընթացքում գնահատել են մտերիմների հետ հարաբերություններն ու ամեն ինչ արել են ամուր կապեր ստեղծելու համար, շատ ավելի երջանիկ են, քան իրենց մյուս հասակակիցները:
ՆՐԱՆՔ ԺԱՄԱՆԱԿՆ ԱՎԵԼԻ ԹԱՆԿ ԵՆ ԳՆԱՀԱՏՈՒՄ, ՔԱՆ ՓՈՂԸ
Հարցումների արդյունքում պարզ է դարձել, որ երջանիկ մարդկանց մեծ մասը կնախընտրեր ավելի շատ ժամանակ ունենալ, քան գումար: Սա ևս մեկ անգամ ապացուցում է այն փաստը, որ մարդիկ, ովքեր ժամանակն ավելի են կարևորում նյութական բարիքներից, կարողանում են կյանքից առավելագույն հաճույք ստանալ:
ՊԼԱՆԱՎՈՐՈՒՄ ԵՆ ԻՐԵՆՑ ԾԱԽՍԵՐՆ ՈՒ ԱՊՐՈՒՄ ԵՆ ԻՐԵՆՑ ՀԱՆՐԱՎՈՐՈՒԹՅՈՒՆՆԵՐԻ ՍԱՀՄԱՆՈՒՄ
Յուրաքանչյուր մարդու համար սթրեսային իրավիճակ է, երբ նա չի կարողանում վճարել անհրաժեշտ հաշիվներն ու վարձերը: Այդ պատճառով հետազոտողները խորհուրդ են տալիս իրատեսորեն գնահատել ձեր հնարավորությունները և ապառիկով չգնել այնպիսի իրեր, որոնք իրականում ձեզ թույլ տալ չէիք կարող:
ԵՐՋԱՆԻԿ ՄԱՐԴԻԿ ԿԱՐՈՂԱՆՈՒՄ ԵՆ ՆԿԱՏԵԼ ԳԵՂԵՑԻԿՆ ԻՐԵՆՑ ՇՈՒՐՋ
Իրենց հետ տեղի ունեցող հաճելի մանրուքներին հաճախ ուշադրություն դարձնող մարդիկ շատ ավելի երջանիկ են մյուսներից: Նրանք նկատում են գեղեցիկ բաներն իրենց շուրջ, գոհ են կյանքից, երջանիկ են այն ամենով, ինչ ունեն այդ պահին:
Ժամանակը, որը մարդն անց է կացնում իր ընկերների հետ, նրան շատ ավելի երջանիկ է դարձնում: առավել մեծ հաճույք մենք ստանում ենք մեր այն ընկերների հետ շփումից, ովքեր իրենք էլ իրենց երջանիկ են համարում: Նրանց ուրախության զգացողությունը արագ փոխանցվում է այն մարդկանց, ովքեր գտնվում են իրենց շրջապատում:
ՀՈԳ ԵՆ ՏԱՆՈՒՄ ԻՐԵՆՑ ՀԱՐԱԶԱՏՆԵՐԻ ՄԱՍԻՆ ԵՎ ՈՒՐԱԽԱՑՆՈՒՄ ԵՆ ՆՐԱՆՑ
Հոգեբանները վստահ են, որ այն մարդիկ, ովքեր հաճախ են բարության ինքնաբուխ քայլեր անում իրենց շրջապատի հանդեպ, շատ ավելի երջանիկ են նրանցից, ովքեր դա չեն անում:
ԳՈՒՄԱՐ ԵՆ ԾԱԽՍՈՒՄ ՏՊԱՎՈՐՈՒԹՅՈՒՆՆԵՐԻ, ԱՅԼ ՈՉ ԹԵ ՆՅՈՒԹԱԿԱՆ ԻՐԵՐԻ ՎՐԱ
Մարդիկ ավելի երջանիկ են դառնում, երբ ծախսում են իրենց գումարը դրական հույզերի ու զգացողությունների վրա: Ու թեև ցանկալի իր ձեռք բերելը նույնպես կարող է երջանկացնել, բայց դա տևում է շատ ավելի կարճ և արագ իր տեղը զիջում է նոր ցանկություններին: Իսկ ահա անմոռանալի ճամփորդությունների պարգևած տպավորություններն ուղեկցում են մեզ ողջ կյանքի ընթացքում, և այդ հիշողությունների գույները ոչ թե խամրում են, այլ տարիների հետ միայն ավելի վառ դառնում:
ԵՐՋԱՆԻԿ ՄԱՐԴԻԿ ՀԵՏԵՎՈՂԱԿԱՆՈՐԵՆ ԶԲԱՂՎՈՒՄ ԵՆ ՍՊՈՐՏՈՎ
Ապացուցված է, որ ֆիզիկական վարժություններն օգնում են հաղթահարել հոգեբանական խնդիրներն ու սթրեսային իրավիճակները: Եվ սպորտով զբաղվելուց հետո կտրուկ ավելանում է երջանկության մակարդակը:
ՎԱՅԵԼՈՒՄ ԵՆ ԿՅԱՆՔԸ ՀԻՄԱ ԵՎ ԱՅՍՏԵՂ
Զգալ ամեն օրվա կարևորությունը, վայելել մեզ ընձեռնված ամեն րոպեն. այս սովորույթը հատուկ է երջանիկ մարդկանց: Նրանք գիտեն, որ յուրաքանչյուր օր մեզ տրվում է կյանքը վայելելու, այլ ոչ թե փնթփնթալու և ինչ-որ անհայտ բանի սպասելու համար:
