YouTube-յան ալիք՝ «Ժամանց & Տեղեկատվություն»։ FB էջ՝ erkusov.com: Մենք՝ TikTok-ում: Մենք՝ Ինստագրամում։
Կիտրոնն ամենաօգտակար ու համեղ մրգերից մեկն է, որը մարդիկ հաճախ են կիրառում իմունային համակարգի ամրապնդման ու առողջական մի շարք խնդիրների դեմ պայքարի համար։
Այս ցիտրուսային միրգը հարուստ է իմունախթան հակաօքսիդանտներով, ֆոլաթթվով, վիտամին С-ով, կալիումով ու մի շարք այլ օգտակար նյութերով, որոնց շնորհիվ էլ համարվում է սննդամթերքի ամենաառողջարար տեսակներից մեկը, սակայն այնուամենայնիվ ոչ բոլորին է հայտնի, թե ինչ օգտական հատկություններով է օժտված այս համեղ ու բուրավետ միրգը։
Մասնագետները ներկայացրել են կիտրոնի ամենաօգտակար հատկություններն ու նշել 5 պատճառ այն ամենօրյա սննդակարգում ներառելու համար:
Բարելավում է տրամադրությունը
Կիտրոնի հաճելի բույրով հագեցած օդը շնչելն օգնում է բարձրացնել տրամադրությունն ու խուսափել մռայլ մտքերից։ Արոմաթերապիայի համար կարելի է կիրառել թարմ կիտրոն, սակայն առավել արդյունավետ կարող է լինել կիտրոնի եթերայուղը։
Օգնում է վերահսկողության տակ պահել քաշը
Առավոտյան կիտրոնի հյութով գոլ ջուր խմելու սովորությունը քաշի նվազման գործընթացն արագացնող ամենապարզ միջոցներից մեկն է։ Այս ազդեցությունը պայմանավորված է կիտրոնի կեղևի մեջ պարունակվող բուսական միացություններով, որոնք, ինչպես ցույց են տվել հետազոտությունները, ճնշում են քաշի ավելացումն ու ճարպերի կուտակումները։
Նվազեցնում է զարկերակային ճնշումը
Կիտրոնի հյութի գործածությունը կարող է օգնել պահպանել զարկերակային ճնշման կայունությունն ու կանխել ճնշման կտրուկ բարձրացումներից։ Ընդ որում՝ հետազոտությունները ցույց են տվել, որ այս ազդեցությունը հատկապես ակնհայտ է լինում այն մարդկանց մոտ, որոնց մոտ հաճախ են նկատվում զարկերակային ճնշման բարձրացումներ։
Քայքայում է երիկամներում առաջացած քարերը
Կիտրոններում պարունակվող կիտրոնաթթուն հիանալի միջոց է նաև երիկամներում ձևավորված քարերի դեմ պայքարի համար։ Որքան շատ կիտրոնաթթու է պարունակվում մեզի մեջ, այնքան ցածր է երիկամներում քարերի ձևավորման հավանականությունը։
Պայքարում է վարակիչ մանրէների դեմ
Կիտրոնը պարունակում է հսկայական քանակությամբ վիտամին С, ինչի շնորհիվ օժտված է հզոր հակամանրէային հատկություններով։ Պարբերաբար կիտրոնի հյութ խմելը կօգնի կանխել բակտերիաներով, սնկերով ու վիրուսներով պայմանավորված վարակումները, ուստի այս ըմպելիքը հարկավոր է անպայման սննդակարգի մասը դարձնել։
