RSS բաժանորդագրություն 

Загрузка...

Գլխավոր էջ » ԸՆՏԱՆԵԿԱՆ

10 խորհուրդ ամուսնական կյանքն ավելի ջերմ դարձնելու համար  5958

Загрузка...
 
 

Խորագիրը՝  ԸՆՏԱՆԵԿԱՆ,   


10 խորհուրդ ամուսնական կյանքն ավելի ջերմ դարձնելու համար

  Հարցում

Դիտու՞մ եք հայկական սերիալներ


Կարդալ Top- հոդվածներ


 

Ցանկացած կին վաղ թե ուշ բախվում է իրավիճակի, երբ ամուսնու զգացմունքներն այնքան բուռն չեն, ինչպիսին էին նախկինում: Որքան էլ ամուսնական կյանքը երջանիկ թվա, ժամանակի հետ կիրքը թուլանում է, դուք ավելի ուշ-ուշ եք իրար վայելում անկողնում, երբեմն ջղագրգիռ եք միմյանց հանդեպ: Եվ հենց այդ ժամանակաշրջանում դուք պետք է կարողանաք պահպանել ձեր ընտանիքը, թարմացնել զգացմունքները, որպեսզի ձեր հարաբերությունները լիակատար ճգնաժամի մեջ չմտնեն:

Ահա 10 խորհուրդ զգացմունքներն ավելի ջերմ դարձնելու համար, որոնք հիմնված են հոգեբանների, սեքսոլոգների և պարզապես փորձառու կանանց խորհուրդների վրա:

 

Սեքս

Համատեղ կյանքի առաջին տարիներին ամուսինների սեքսն ավելի հախուռն ու անկրկնելի է լինում, իսկ տարիքի հետ կանայք սկսում են «գլուխ պահել»:  Արդեն ավելի դժվար է լինում, ինչպես երիտասարդ ժամանակ էր, չքնել ամբողջ գիշեր, իսկ առավոտյան վարդից էլ թարմ տեսք ունենալ: Դուք ավելի ու ավելի հաճախ եք ամուսնուց ակնարկներ կամ ուղղակի դիտողություններ լսում ավելորդ կիլոգրամների մասին, ինչի արդյունքում որոշակի բարդույթներ են ի հայտ գալիս: Ընտանեկան հոգսերը ձեզ այնպես են հոգնեցնում, որ այդ պահին ձեր աչքին ոչ թե սեքսն է գալիս, այլ գոնե մի քանի ժամվա հանգստացնող քունը:

Հիշեք, որ սեռական բավարարվածությունից է կախված ձեր բավարարվածությունը ամուսնական կյանքից:  Եթե դուք  գոհ եք ձեր ինտիմ հարաբերություններից, ապա ձեզ մոտ ամեն ինչ լավ կլինի նաև մյուս ոլորտներում: Իսկ եթե առօրյայում կարողանում եք ներդաշնակ շփվել, ապա սեքսի հարցում էլ ոչ մի խնդիր չի լինի:

 

«Երես տվեք» իրար

Բազմաթիվ կանայք թույլ են տալիս միևնույն սխալը: Նրանք չեն կարողանում զերծ մնալ փնթփնթանությունից, անընդհատ արտահայտում են դժգոհություն, հաճախ հանդիմանում այս կամ այն հարցի շուրջ` բացարձակ մոռանալով քնքշանքի մասին:

Հիշեք, թե ինչպես էիք ժամերով զբոսնում այգիներում ու համբուրվում լուսնի տակ, ինչ սիրով էիք սուրճ մատուցում անկողնում… Այն կանայք, ովքեր չեն զլանում քնքշություն և ուշադրություն ցուցաբերել սիրելիի հանդեպ, անկողնում կրքի թուլացման խնդիր չեն ունենում:  Ինչքան շատ նրբություն և քնքշանք նվիրեք միմյանց, այնքան սիրառատ  կլինեն ձեր հարաբերությունները:

Սիրով մի' զբաղվեք, երբ հոգնած եք

Շատ հաճախ է ստացվում այնպես, որ ամուսիններից մեկը հոգնած է լինում և չի ցանկանում սիրով զբաղվել: Նման դեպքերում պետք չէ բռնանալ ինքներդ ձեզ և սիրով զբաղվել միայն սիրելիին չնեղացնելու համար: Փորձեք սիրաշահել նրան և ընդհանուր հայտարարի գալ, խոստացեք, որ հենց գալիք հանգստյան օրերին կկազմակերպեք այնպես, որ բոլորովին մենակ կլինեք և կվայելեք իրար մինչև վերջ:

Հիշեք, որ կարևորը ոչ թե սեքսի քանակն է, այլ որակը:

 

Աշխատանքային խնդիրները տուն մի բերեք

Ոչ մի դեպքում աշխատանքի հետ կապված խնդիրները մի տարածեք տան մթնոլորտի վրա: Խուսափեք գործերը տանը շարունակելու սովորությունից: Հետաձգեք ընկերուհու հետ հեռախոսազրույցները, որոնք ժամից ավելի են տևում: Իսկ եթե շտապ գործեր կան, և այլ ելք չունեք, քան դրանք տանն ավարտելը, ապա այդ օրը ինտիմ ոչինչ մի պլանավորեք, քանի որ կիսատ թողած անելիքները թույլ չեն տա ձեզ լիարժեք լիցքաթափվել:

 

Ակնարկեք սիրելիին ձեր ցանկության մասին

Չարժե ուղղակիորեն ասել ամուսնուն, որ պատրաստվում եք այսօր սիրով զբաղվել նրա հետ: Աշխատեք հաճելիորեն տրամադրել նրան և ակնարկեք, որ իրեն գիշերը անակնկալ է սպասվում: Այդ կերպ դուք ձեր լավ տրամադրությունը կփոխանցեք ամուսնուն, ինչը նա, անկասկած, անմիջապես կզգա:

 

Փորձեք միշտ տարբեր լինել

Հաճախ, սեքսով զբաղվելիս, կանայք կիառում են փաղաքշանքի, հպումների միևնույն ձևերը, որոնք ըստ նրանց, հարյուր տոկոսանոց արդյունք են տալիս: Պետք է մտածել, որ հնարավոր է` եթե մարդուն ամեն օր կերակրեն միևնույն կերակուրով, այն հոգնեցնի: Այդպես և սեքսի մեջ է… Փորձեք միշտ տարբեր լինել, բազմազանություն մտցրեք ձեր սեռական կյանքի մեջ: Ձեր «մենյուն» թող միշտ նորացված լինի:

 

Ամուսնուն ընկերուհու մի' վերածեք

Հիշեք, որ ամուսինը չպետք է լինի ձեր ընկերուհին, քանի որ նա առաջին հերթին տղամարդ է, ում անհրաժեշտ է գայթակղել և անվերջ հմայել: Չարժե պատմել նրան, օրինակ, թե ինչ կրեմ եք գնել կամ քանի ավելորդ կիլոգրամ եք հավաքել: Մի սպասեք, թե նա կսկսի պնդել, թե հիանալի տեսք ունեք. սովորաբար նման դեպքերում տղամարդիկ լռում են:  Նրանք հավատում են ձեր խոսքերին և արդյունքում միգուցե ավելի մարած  ձգտումով պառկեն ձեր կողքին:

Հիշեք, չէ որ երբ նոր էիք ծանոթացել, դուք նրան ամեն ինչ չէիք պատմում: Ուրեմն` նույնը արեք և հիմա:

 

Հումոր մտցրեք հարաբերություններում

Նախկին կիրքը վերադարձնելու համար դուք պետք է ծիծաղեք: Օրինակ` տանը աշխատելու կամ թերթ կարդալու նրա խորացած պահին անսպասելի հայտնվեք  մերկ կամ կիսամերկ: Պատկերացրեք` ինչպես նա կզարմանա ու կսկսի ծիծաղել, քանի որ նման բան ընդհանրապես չէր սպասում: Եթե ձեր ամուսինն ունի հումորի զգացում, մի վախեցեք նմանատիպ  ինչ որ «խաղեր տալ»:

 

Ընդհանուր հիշողություններ

Եթե զգում եք, որ որոշակի սառնություն է մտել ձեր միջև, պարզապես հանեք համատեղ հին լուսանկարները: Սկսեք հիշել այն ամենալավը, որ ապրել եք միասին: Դրանք նայելիս` դուք անպայման կժպտաք և կծիծաղեք: Եվ հենց այդ պահերին կկարողանաք զգալ միմյանց սերը նախնական ջերմությամբ: Ակամա կհիշեք ձեր առաջին անմոռանալի գիշերներն ու անհագ կիրքը: Եվ հենց այդ հիշողությունների շնորհիվ դուք կսկսեք նորովի սիրել ձեր ամուսնուն:

 

Ֆլիրտ (սիրախաղ)

 

Բոլոր կանայք կարողանում են ֆլիրտի մեջ մտնել անծանոթ տղամարդկանց հետ: Բայց շատ ավելի դժվար է անել դա սեփական տղամարդու հետ: Առօրեական հոգսերի  արդյունքում դուք հաճախ մոռանում եք, որ ԿԻՆ եք: Աշխատեք սեքսուալ լինել, չէ որ դուք կարողանում եք դա… Ինչ-որ տեղ հյուր գնալուց առաջ նրա ականջին կրքոտ շշնջացեք, թե ինչպիսի գիշեր է սպասում նրան ավելի ուշ: Սեղանի շուրջ նստած ժամանակ երբեմն-երբեմն անտես հպվեք նրա ոտքերին: Ծիծաղեք նրա կատակների վրա, բոլորից աննկատ «չարաճճի» համբուրեք նրա ականջի բլթակը, հաճելի խոսքեր ասեք… Դուք կգիտակցեք, որ ձեր կիրքն ու զգացմունքները ոչ մի տեղ էլ չեն կորել: Պարզապես մոռացել էիք, որ նա այն նույն տղամարդն է, իսկ դուք կին եք:

Հուսով ենք` այս 10 խորհուրդների շնորհիվ դուք ավելի  կթարմացնեք ձեր հարաբերությունները և բազմազան կդարձնեք սեռական կյանքը:

Հաջողություններ ձեզ: Եվ մի խուսափեք  «փորձարկումներից»:

 

 


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ 10 խորհուրդ ամուսնական կյանքն ավելի ջերմ դարձնելու համար  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


ԸՆՏԱՆԵԿԱՆ բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: ԸՆՏԱՆԵԿԱՆ | Ավելացրեց: Admin (24.12.11) Դիտումներ: 5958 | Տեգեր: ընտանիք, ներդաշնակա հարաբերություններ, Ամուսնական կյանք, ընտանեկան հոգեբանություն, ամուսիններ | - Վարկանիշ -: 0.0/0