Գլխավոր էջ » Հարցեր սեքսոլոգին (կանայք)
Միջոց ապագա երեխայի սեռն ընտրելու համար  1525

Գլխավոր էջ » Հարցեր սեքսոլոգին (կանայք) 

Խորագիրը՝  Հարցեր սեքսոլոգին (կանայք),   

 
Միջոց ապագա երեխայի սեռն ընտրելու համար

ogneci.com-ը գրում է՝

Սա մեկն է այն հարցերից, որն ամենաշատն է հուզում երեխա պլանավորող զույգերից գրեթե բոլորին: Տղամարդիկ, ի դեպ, ոչ միայն հայ, ցանկանում են ժառանգորդ ունենալ (ժառանգորդ ասելով` տվյալ դեպքում ենթադրում ենք տղա երեխա), ով ինչ-ինչ, բայց գոնե տոհմի ազգանունը կփոխանցի սերնդեսերունդ:


Դե, իսկ կանայք էլ փորձում են արդարացնել իրենց ամուսինների և նրանց ազգականների սպասելիքները: Եվ բոլորը փութաջանորեն անցնում են գործի. դիմում են տարբեր գուշակների կամ մասնագետների, ովքեր տիրապետում են ապագա երեխայի սեռը հաշվարկելու արվեստին: Այս առիթով հիշեցի իմ տատին, ով նույնպես տիրապետում էր այդ արվեստին և հաշվարկել էր մեր ցեղում ծնված երեխաների 80 տոկոսի սեռը ու, կարծեմ, ոչ մի անգամ չէր սխալվել իր հաշվարկներում:

Կարճ ասած, տատս քայլող ընտանիքի պլանավորման ինստիտուտ էր, բայց ոչ մեկին չէր բացում իր հմտությունների գաղտնիքը, և միայն նրա մահից մի քանի ամիս առաջ ամեն ինչ բացահայտվեց: Նա օգտվում էր ամենատարածված մեթոդից, որի կիրառմանն ամենաշատն են դիմում: Դա արյան երիտասարդության տեսությունն է, որի համաձայն՝ տղամարդկանց արյունը թարմանում է 4, կանանցը՝ 3 տարին մեկ անգամ:

Բեղմնավորման ժամանակ կնոջ տարիքը պետք է բաժանել 3-ի, տղամարդունը՝ 4-ի: Ում տարիքից ավելի քիչ մնացորդ մնա, այդ սեռի երեխա էլ կծնվի: Այսինքն՝ ծնողներից ում արյունը ավելի «թարմ» է բեղմնավորման պահին, այդ սեռի երեխա էլ ծնվում է: Սակայն այս մեթոդը որոշակի բացառություններ է սահմանում. եթե եղել են արյան լուրջ կորուստներ՝ ծննդաբերություն, վիժում, աբորտ, արյան հանձնում, փոխներարկում, ապա արյան թարմությունը պետք է հաշվել ոչ թե երեխայի հոր կամ մոր ծննդյան օրից, այլ արյան կորստի պահից:


Տարածված է նաև այն մեթոդը, ըստ որի, զույգերը պետք է սեռական հարաբերություն ունենան կնոջ ձվազատման որոշակի օրերի: Համարվում է, որ եթե բեղմնավորումը կատարվում է ձվազատումից անմիջապես առաջ, կամ անմիջապես հետո, ապա տղա երեխա ծնվելու հավանականությունը մեծ է:
Նշված մեթոդներից բացի կան նաև չինական եւ ճապոնական աղյուսակներ, որոնց հաշվարկների հիմքում կնոջ տարիքն է և ամիսը, որի ժամանակ պետք է տեղի ունենա բեղմնավորումը:

 
Միջոց ապագա երեխայի սեռն ընտրելու համար

Չնայած այս ամենին` գիտությունն ապացուցել է, որ երեխայի սեռը ծրագրավորվում է անմիջապես բեղմնավորման ժամանակ: Յուրաքանչյուր կին և տղամարդ ունի քրոմոսոմների մի զույգ, որը պատասխանատու է ապագա երեխայի սեռի համար: Կնոջ մոտ երկու X-քրոմոսոմներ են, իսկ տղամարդու մոտ` մեկ X-քրոմոսոմ և մեկ Y-քրոմոսոմ: Բարեբախտաբար, անցել են այն օրերը, երբ կնոջը դատապարտում էին, որ նա չի կարողանում տղա երեխա պարգևել: Այսօր գիտությունը ապացուցել է, որ երեխայի սեռը կախված է տղամարդուց, այլ ոչ թե կնոջից: Սերմնաբջիջները տարբեր քրոմոսոմներ են կրում` Х-քրոմոսոմով սերմնաբջիջները թույլ են տալիս աղջիկ երեխա բեղմնավորել, Y-քրոմոսոմովը`տղա: Գիտնականները հայտնաբերել են, որ տղամարդու օրգանիզմը արտադրում է Х և Y քրոմոսոմներով սերմնաբջիջների հավասար քանակ, հետևաբար աղջկա և տղա երեխայի բեղմնավորման հավանականությունը հավասար է: Այնուամենայնիվ, ինչ սեռի երեխա էլ ծնվի, եթե նույնիսկ ձեր սպասումները չեն իրականացել, սեր և ջերմություն տվեք նրան, քանի որ երեխայի ծնունդը յուրաքանչյուր ընտանիքում երջանկություն է, իսկ առողջ երեխայի ծնունդը` կրկնակի երջանկություն:
 

Խորագիրը՝  Հարցեր սեքսոլոգին (կանայք),   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Հարցեր սեքսոլոգին (կանայք) բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017