Գլխավոր էջ » Հարցեր սեքսոլոգին (կանայք)
Ինչպե՞ս է իրականացվում արհեստական սերմնավորումը  540

Գլխավոր էջ » Հարցեր սեքսոլոգին (կանայք) 

Խորագիրը՝  Հարցեր սեքսոլոգին (կանայք),   

Երեխայի ծնունդն ուրախալի իրադարձություն է յուրաքանչյուր ընտանիքում: Երբեմն, ցավոք, պատահում է այնպես, որ հղիանալու երկարատև փորձերն այդպես էլ ապարդյուն են անցնում: Պատճառները տարաբնույթ են լինում, և երբեմն միակ ելքն արհեստական սերմնավորումն է դառնում,- գրում է Sotskiy.am-ը:

 

Ինչպե՞ս է իրականացվում արհեստական սերմնավորումը

 

Ինչպե՞ս է կատարվում միջամտությունը

Միջամտության ընթացքում հատուկ կատետրի միջոցով կնոջ արգանդ է ներմուծվում տղամարդու նախապես պատրաստված սերմնաբջիջը: Այնուհետև բեղմնավորումն իրականանում է բնականորեն. սպերմատոզոիդն արգանդափողերով հասնում է ձվաբջջին: Սերմնավորումը կատարվում է դաշտանային ցիկլի ընթացքում, որոշակի օրերին: Սակայն անհրաժեշտության դեպքում միջամտությունը հնարավոր է իրականացնել նաև ձվազատումը նախապես դրդելուց հետո: Վերջինիս պարագայում կինն ընդունում է ձվարանների աշխատանքը դրդող դեղորայք, որոնք ֆոլիկուլադրդիչ հորմոն և հակաէստրոգեն են պարունակում:

Արհեստական սերմնավորման պարտադիր նախապայմանը սերմնաբջջի նախապատրաստումն է: Սերմնահեղուկը վերցվում է ամուսնուց, անհրաժեշտության դեպքում՝ դոնորից: Արգանդ ներմուծելուց առաջ այն հատուկ ձևով մշակում են՝ ստեղծելով բեղմնավորելու առավել մեծ կարողությամբ սպերմատոզոիդների խմբաքանակ:

 

Ցուցումներ

Արհեստական սերմնավորումը բավականաչափ պարզ, արդյունավետ և մատչելի միջոց է: Միջամտությունից առաջ զույգը կարգի համաձայն պարտադիր պետք է լիարժեք հետազոտություն անցնի, հանձնի սեռավարակների հայտնաբերման անալիզներ: Անհրաժեշտ է ստուգել կնոջ արգանդափողերի անցանելությունը (հիստերոսալպինգոգրաֆիա), տղամարդուն սպերմոգրամա հանձնել և այլն:

 

Արհեստական սերմնավորման համար ցուցում է՝

- բնական ճանապարհով հղիանալուն ուղղված բուժման անհաջող փորձը,
- ձվազատման բացակայությունը կնոջ բնականոն ցիկլում,
- վագինիզմը (ցավ հեշտոցում, հարակից մկանների կծկումներ սեռական հարաբերության ընթացքում),
- անպտղության վզիկային գործոնը (սերմնաբջիջները ոչնչանում են կնոջ հեշտոցում),
- երիտասարդ զույգերի անբացատրելի անպտղությունը (սերմնավորումն անպտղության բուժման հարցում կարող է առաջին ընտրության մեթոդ դառնալ):

 

Հաջողության հավանականությունը

Արհեստական սերմնավորումից հետո հղիությունն ավելի ուշ է գրանցվում, քան բնական բեղմնավորման դեպքում: Տարբեր գործոններով պայմանավորված՝ միջամտության արդյունավետությունը տատանվում է 3-ից 40%-ի սահմաններում: Մեթոդի արդյունավետությունը գնահատվում է միջինում 17%:

Հաջող արհեստական սերմնավորման հիմնական պայմանն արգանդափողերի անցանելիությունն է, սպերմոգրամայի բարենպաստ ցուցմունքները: Ընդ որում՝ առավել բարձր է հղիանալու հավանականությունը, եթե՝

- կնոջ տարիքը չի գերազանցում 30 տարեկանը,
- սերմնավորմանը նախորդում է ձվազատման մեղմ դրդում,
- տղամարդու սպերմոգրամայի ցուցմունքները նորմայի սահմաններում են:


 

Արհեստական բեղմնավորում

Խորագիրը՝  Հարցեր սեքսոլոգին (կանայք),   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Հարցեր սեքսոլոգին (կանայք) բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017
Powered by Jasper Roberts - Blog