RSS բաժանորդագրություն 

Загрузка...

Գլխավոր էջ » Սեքս ուղեցույց

Միայի շատ կարևոր խորհուրդները առաջին սեքսի մասին՝ դեռահաս աղջիկներին  1007

loading...
Загрузка...
 
 

Խորագիրը՝  Սեքս ուղեցույց,   


Միայի շատ կարևոր խորհուրդները առաջին սեքսի մասին՝ դեռահաս աղջիկներին

  Հարցում

Կարևո՞ր է Ձեզ համար 1-ին երեխայի սեռը (արական):


Կարդալ Top- հոդվածներ


«Միայի օրագրերը»-ը գրում է՝

Կուզեի խոսել այս թեմայի մասին հատկապես դեռահաս աղջիկների հետ: Չէ՞ որ հենց այդ տարիքում են երիտասարդ աղջիկները լուրջ սխալներ գործում, որոնց հետևում են հսկայական խնդիրները:

 

Միայի շատ կարևոր խորհուրդները սեքսի մասին՝ դեռահաս աղջիկներին

 

Հիմա փոքրիկ երեխաներն անգամ գիտեն, թե ինչ է սեքսը: 15-16 տարեկանում բազմաթիվ աղջիկներ սկսում են սեռական կյանքով ապրել: Գուցե դու էլ մտածում ես. «Իսկ ինչու՞ ես սպասեմ. բոլորն են դրանով զբաղվում, ինչու՞ զրկեմ ինձ այդ հաճույքից»: Իհարկե որոշումը դու ես կայացնում, բայց կուզեի մի-փոքր զրուցել քեզ հետ:

 

1.     Պետք է նախապես որոշես՝ երբ և ում հետ սկսել սեռական կյանքը: Դա պետք է գիտակցված որոշում լինի, այլ ոչ կատարվի պահի ազդեցության տակ:

2.     Սեքսը սեր չի ծնում, սեքսի միջոցով երբեք սիրո չես արժանանա: Ուստի եթե շտապես սեքսի հարցում, հետո ընկերդ հոգնի քեզնից, քեզ դատարկ ու ստորացված ես զգալու:

3.     Կյանքում առաջին սեքսը շատ կարևոր է: Պետք է սեքսուալ առաջին փորձդ ստանաս այն մարդուց, ում իսկապես սիրում ես, քանի որ առաջին սեքսը հիշվում է ողջ կյանքում: Եթե առաջին սեքսից վատ էմոցիաներ ստանաս, հնարավոր է, որ սկսես զզվել սեքսից:

4.     Անպայման հիշիր հետևանքների մասին: Եթե քեզ բավականաչափ հասուն ես համարում սեքսի համար, ապա պետք է մեծավարի վերաբերվես դրան, այսինքն ամբողջ պատասխանատվությամբ: Միշտ հույսդ դիր ոչ թե ընկերոջդ, այլ քեզ վրա: Հիշիր անցանկալի հղիության, սեռավարակների, ՄԻԱՎ-ի և ՁԻԱՀ-ի մասին:

 

Երբեք մի սկսիր սեռական կյանքը, եթե դրա պատճառն է՝

- բոլոր ընկերներդ ապրում են սեռական կյանքով,
- համարում ես, որ արդեն մեծ ես, և ամոթ է կույս լինել,
- ընկերդ կլքի քեզ, եթե չքնես նրա հետ,
- լավագույն ընկերուհիդ ասում է, որ սեքսը հիանալի բան է:

Վերոնշյալ պատճառները լուրջ չեն: Սեքսը սիրո և վստահության բարձրագույն մակարդակն է, և դրան պետք է վերաբերվել ամենայն լրջությամբ:

Պատահում է, որ թեև պատրաստ էիր սեքսին, բայց դրանից հետո փոշմանում ես: Սկսում ես վախենալ, որ հիմա ընկերդ քեզնից միայն դա կպահանջի, կօգտագործի քեզ, ապա կլքի: Լացում ես, անհանգստանում... Քեզ նրանից կախված ես զգում, կարծես թե նա քո մի մասնիկն է քեզնի խլել:

Եթե որոշել ես դեռևս չշտապել, ապա աշխատիր որքան հնարավոր է քիչ առանձին մնալ նրա հետ, որպեսզի բանը չհասնի դրան: Չէ՞ որ երբ տղան գրգռված է լինում, շատ դժվար է նրան կանգնեցնել: Նրան շատ բան թույլ մի տուր, եթե պատրաստ չես լուրջ քայլերի:

Սեռական հասունացման ժամանակ տղաները 70% դեպքերում միայն սեքսուալ առումով են ցանկանում աղջիկներին, իսկ աղջիկների մոտ հակառակն է՝ դեպքերի 70%-ում նրանք սիրահարված են լինում և նուրբ զգացմունքներ են ունենում:


Բազմաթիվ տղաներ օգտագործում են մի քանի միջոց, որպեսզի հասնեն իրենց ուզածին.

 

1.     Սուտ խոստումներ

Սա թերևս ամենագործածական մեթոդն է, չէ՞ որ այնքան հեշտ է համոզել հիմար սիրահարված աղջկան: Առանց այդ էլ նրա ուղեղում պայծառ ապագայի մտքեր են, իսկ եթե մի քիչ էլ գույն տալ դրանց, նա ընդհանրապես կկորցնի իրեն: Տղաները սկսում են լվանալ աղջիկների ուղեղը, ոսկե սարեր խոստանալ, երդվել հավերժական սիրո մասին և համոզել, որ սեքսը միայն կմիավորի իրենց:

2.     Սպառնալիքներ

Նույնպես տարածված մեթոդ է, թեև կոպիտ: Տղան սպառնում է աղջկան, որ եթե իր հետ չքնի, ապա իրենք կբաժանվեն: Հուսահատված աղջիկը, վախենալով նման հեռանկարից, ստիպված համակերպվում է: Նա մտածում է, որ այդպես իր կողքին կպահի տղային, և իրենց մոտ ամեն ինչ հեքիաթի պես կլինի:

3.     Պայման

Նման մոտեցումը նույնպես աղջկան փակուղու առջև է կանգնեցնում: Ի՞նչ անի աղջիկը, երբ տղան իրեն ասում է. «Եթե սիրում ես ինձ, ապացուցիր»: Աղջիկն իրեն կորցնում է, ախր նա սիրում է տղային, ուստի պետք է ապացուցի: Բայց սերն ապացուցում են հոգատարությամբ, ուշադրությամբ, բայց ոչ սեքսով:

4.     Համոզումներ

Սա ամենապարզունակ մեթոդն է: Տղան համոզում է աղջկան. «Արի սեքսով զբաղվենք, այ կտեսնես, թե որքան դուրդ կգա, խոսք եմ տալիս՝ չեմ ցավեցնի, զգույշ կլինեմ: Բոլորն էլ զբաղվում են, ի՞նչ կա որ»: Այսինքն ամեն կերպ հրահրում է աղջկան այդ քայլին՝ համոզելով, որ դա շատ նորմալ բան է:


Ահա մի քանի արտահայտություն սեքսից հրաժարվելու համար՝

- Ես ատում եմ, երբ ինձ ինչ-որ բան են ստիպում:
- Ես չեմ զգում, որ պատրաստ եմ դրան:
- Համարում եմ, որ դեռ բավականաչափ լավ չեմ ճանաչում քեզ:
- Ոչ, և մի՛ ստիպիր ինձ մտածել, որ եթե հրաժարվեմ, կլքես ինձ:


Մի քանի եզրափակիչ խոսք:

Սիրելի՛ աղջիկներ
Եթե տղան իսկապես ձեզ սիրում է, ապա երբեք ձեր առջև պայմաններ չի դնի, չի ստիպի, չի համոզի, չի ճնշի: Սիրող տղան կասի. «Ես քեզ սիրում եմ և պատրաստ եմ սպասել այնքան, որքան պետք է»:
Գուցե ընկերոջդ պայմաններն ու սպառնալիքները բացատրվում են նրա տարիքով, աղջիկների հետ շփման բացակայությամբ, ինտելեկտով: Այդ դեպքում պետք չէ չարանալ. պետք է պարզապես հիշել, որ տղաներն ավելի ուշ են հասունանում աղջիկներից:
Անկեղծորեն խորհուրդ եմ տալիս բոլոր աղջիկներին չշտապել սեքսով զբաղվելու հարցում: Շատ աղջիկներ են զղջում, որ վաղ տարիքում են սկսել սեռական կյանքը:

 

Հիշիր մի քանի պայման, որի դեպքում ավելի լավ է չսկսել սեռական կյանքը.

- դուք այդքան էլ վաղուց չեք հանդիպում,
- դու վստահ չես նրա վրա,
- բարոյապես պատրաստ չես դրան,
- չի լրացել 16 տարեկանդ:


Подпишитесь на доски (Առաջին սեքս, կուսություն) следующих пользователей Pinterest: Օգտակար.


loading...
Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

Загрузка...

Այլ հոդվածներ Միայի շատ կարևոր խորհուրդները առաջին սեքսի մասին՝ դեռահաս աղջիկներին  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի





на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Սեքս ուղեցույց բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Սեքս ուղեցույց | Ավելացրեց: haykblbulyan (07.03.16) Դիտումներ: 1007 | - Վարկանիշ -: 0.0/0
loading...