Գլխավոր էջ » Հոգեկան առողջություն
Ինչպե՞ս հաղթահարել կարմրելու սովորությունը  343

Գլխավոր էջ » Հոգեկան առողջություն 

Խորագիրը՝  Հոգեկան առողջություն,   


Ինչպե՞ս հաղթահարել կարմրելու սովորությունըՍոնան կանգնած էր տասնյակ զույգ աչքերի առջև, որոնք ուղղված էին իր վրա։ Դադարը շարունակվում էր արդեն մի քանի րոպե։ Նրա համար դա մի հավերժություն էր։ Բոլոր մտքերը թռել էին  գլխից, այտերը վառվում էին, և Սոնայի մտքին միայն այն էր, որ հանգստանա, որ չկարմրի։

Շատերը՝ հատկապես դեռահասները և պատանիները, տանջվում են այն բանից, որ ցանկացած առիթով կամ անառիթ կարմրում են։ Երբեմն առաջին հայացքից անհասկանալի է՝ ինչու է դա կատարվում, կարծես՝ բարդույթավորվելու առիթ չկա, մարդը ամաչկոտ կամ քաշվող չէ։ Բայց արի ու տես, որ երբ խոսք է գնում ինտիմ թեմաներից (սիրուց, հարաբերություններից), երբ գրատախտակի մոտ են կանչում կամ դաս հարցնում, երբ պետք է ելույթ ունենալ, երբ ցանկացած բան հուզում է կամ հետաքրքրում` այս տիպի մարդիկ խեցգետնի նման կարմրում են։ Նրանց թվում է, որ բոլորը այդ նկատում են և շատ բան կտային, որպեսզի դա այլևս չկրկնվեր։ Մինչդեռ կարմրելը բոլորովին բնական է։

Հոգեբանները առանձնացնում են կարմրելու հիմնական պատճառը. անվստահություն սեփական ուժերի հանդեպ, որը սակայն կարող է արտաքնապես չդրսևորվել, թաքնվել ցուցադրական շփվողունակության տակ։

Մենք կարմրում ենք, երբ զգում ենք, որ չենք համապատասխանում մեր ներքին իդեալին և հակասությունների մեջ ենք ընկնում։ Վախենալով կարմրելուց մենք նախնական անվստահությանը ավելացնում ենք ևս մեկը՝ մենք չենք կարող մի բան անել, որ չկարմրենք։

Ի՞նչ անել։ Պետք է ազդել իրավիճակի վրա, փոխելով դրա ընկալումը։ Նախ և առաջ պետք է տարբերակել իրականությունը ենթադրություններից։ Կարծում եք շրջապատը քննադատորե՞ն է տրամադրված ձեր հանդեպ, պատրաստ է նախատել ամեն մի սխալի համար և շատ խորաթափանց է, նկատում է ամեն մի թերություն։ Ընդհակառակը՝ մենք միշտ կենտրոնացած ենք մեր վրա և շատ ուշ ենք հասկանում, որ մյուսները մեզնով այդքան չեն հետաքրքրվում, չեն հետևում և մտապահում մեր ամեն մի արարքը։ Պարտադիր չէ ուրիշների աչքերում իդեալական լինել։ Ավելին՝ մարդիկ սիրում են ուրիշների փոքրիկ անվնաս թերությունները, դրանք զվարճալի են


Ինչպե՞ս հաղթահարել կարմրելու սովորությունըՎախը և լարվածությունը, որ այդ պահերին զգում եք` արտահայտվում են մարմնի մեջ։ Խորը և դանդաղ շունչ քաշեք և արտաշնչեք, թուլացրեք ողջ մարմնի մկանները՝ ուսերի, դեմքի, ձեռքերի, որովայնի։ Զգացեք ձեր մարմնի հաճելի ծանրությունը, այն հանգստացնող է։

Հումորը և սրամտությունը անհարմար դրությունից դուրս գալու ամենալավ միջոցն է։ Եթե շրջապատում ուշադրություն են դարձնում ձեր կարմրելու վրա, և դա հաճախ է կրկնվում, օգտագործեք սրամիտ մարդու համբավ ձեռք բերելու լավ առիթը։ Օրինակ, կարող եք կատակել՝ «Ես կարմրեցի անմեղի տպավորություն թողնելու համար», «Ես կարմրում եմ, որպեսզի բացարձակ իդեալական չթվամ», «Իմ դեմքը միշտ կարմրում է, երբ հիմար մարդկանց հետ եմ գործ ունենում», «Կներես, ես ակամա կարդացի քո մտքերը, դրանից էլ կարմրեցի» ։

Վերջիվերջո՝ թույլ տվեք ձեզ կարմրել։ Արդյո՞ք ինչ որ մեկը դադարել է շփվել ձեր հետ ձեր կարմրելու պատճառով։ Դա ձեր մարմնի լեզուն է, որը ինչ-որ բան է ուզում ասել շրջապատին. որ հետաքրքված եք, ամոթխած, ուրախ, որն, ի դեպ, շատ հմայիչ է։

 

 



Խորագիրը՝  Հոգեկան առողջություն,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Հոգեկան առողջություն բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017