RSS բաժանորդագրություն 

Загрузка...

Գլխավոր էջ » ԵՐԿՈՒՍՈՎ

«Մենք տարբեր մարդիկ ենք…» (Զույգերի համատեղելիության մասին)  4444

Загрузка...
 
 

Խորագիրը՝  ԵՐԿՈՒՍՈՎ,   Նարինե Սանոյան, «Լինա» ամսագիր


«Մենք տարբեր մարդիկ ենք…» (Զույգերի համատեղելիության մասին)

  Հարցում

Դիտու՞մ եք հայկական սերիալներ


Կարդալ Top- հոդվածներ


 

         

     

                              

Ասում են՝ հակադիր բևեռները միշտ իրար ձգում  են: Բայց միշտ չէ, որ այդպես է: Օրինակ, ինչպե՞ս կարող ես ապրել մեկի կողքին, ում աշխարհընկալումը քոնի 180 աստիճանով շրջված պատկերն է, ով դաստիարակվել է այլ ավանդույթներով ու համակարծիք չէ կյանքի մասին քո հայացքներին: Միանման արժեքներ ունեցող զույգերն ավելի ամուր ընտանիքներ են կազմում: Ամուսնական կյանքում շատ են առաջին հայացքից մանրուք թվացող, բայց իրականում ճակատագրական նշանակություն ունեցող հարցերը, որոնք սիրահարված մարդը չի կարևորում. բնավորություն, վարքագիծ, սովորություններ և ավանդույթներ, դաստիարակություն, ճաշակ, սկզբունքներ, առաջնահերթություններ, քաղաքական համոզմունքներ, հիգիենայի և սնվելու հետ կապված հարցեր… Թվարկումը կարելի է շարունակել:

 

Կրոնի և ազգության տարբերություններ

Ֆիլմերում հաճախ ենք տեսնում հերոսներ, որոնք սիրում են իրար, սակայն նրանցից մեկը հայտարարում է, որ չի պատրաստովում ամուսնանալ իր սիրեցյալի  հետ, քանի որ նրանք տարբեր կրոնների են պատկանում: Որպես կանոն՝ ֆիլմերում այս հարցը լուծվում է զուգընկերներից մեկի կրոնափոխությամբ, որից հետո զույգն ամուսնանում է ու ապրում երջանիկ: Այստեղ ֆիլմի խնդիրն է ցույց տալ, թե որքան հզոր, արգելքներ հաղթահարող զգացմունք է սերը: Այո, սերն ուժեղ զգացմունք է, բայց, ցավոք, կյանքում ամեն ինչ այնքան հեշտ չէ, որքան կինոյում:

Իրականում հավատացյալ մարդու համար  կրոնը մեծագույն արժեք է, և շատ դժվար է զոհաբերել այն հանուն մեկ ուրիշ արժեքի՝ սիրո:

Պատկերացրեք, որ դուք սիրում եք մի մահմեդականի և հայտնվել եք բարդ ընտրության առաջ: Ի վերջո գերադասում եք սերը, փոխում ձեր կրոնը, բայց հանկարծ պարզվում է, որ ձեր ընտրյալը երեք օրինական կին ունի և սիրով առաջարկում է ձեզ դառնալ չորրորդը: Պատրաստ կլինե՞ք այս փորձությանը հանուն սիրո:

Հնարավոր է, որ դուք և ձեր զուգընկերը որևէ կրոնական հակասություն չունեք, բայց նա այլազգի է: Այդ դեպքում նույնպես վաղ է ուրախանալը: Կան ազգեր, որոնք մեզնից այնքան տարբեր են իրենց ազգային մտածելակերպով, որ թեև ակնհայտ չէ, բայց ժամանակի ընթացքում համատեղ կյանքը կարող է անտանելի դառնալ: Հատկապես դժվար է այն աղջիկների համար, որոնք պետք է ամուսնանան և մեկնեն իրենց հայրենիքից: Արտասահմանում ապրելու միտքը միշտ էլ գրավիչ է մեր երիտասարդների համար, բայց արի ու տես, որ օրինակները քիչ չեն, երբ սովորույթներն ու բարքերն օտարացնում են կատարյալ թվացող զուգընկերոջը, որի հետ հայրենի հողում, թվում էր, թե ամեն ինչ շատ լավ է: Այսպիսի դեպքերը, որպես կանոն, հանգուցալուծվում են մեկնած երիտասարդի վերադարձով:

Ազգությունը նույնպես այն մեծ արժեքներից է, որի հետ պետք է հաշվի նստել:

 

Սոցիալական և ընտանեկան արժեքների տարբերություններ

Նարեկն ու Աննան ամուսնացել էին միմյանց սիրելով:  Բայց մի քանի ամսվա համատեղ կյանքից հետո Նարեկը սկսեց լրջորեն մտածել՝ արդյո՞ք իր ընտրությունը ճիշտ էր:

Բանն այն է, որ Աննան դաստիարակվել էր բավականին ապահովված ընտանիքում և սովոր էր ամեն ինչի ամենալավին ու շքեղին: Ինստիտուտը նոր ավարտած Նարեկից նա պահանջում էր նույն շքեղությունը, որը տեսել էր իրենց տանը:

«Ահավոր էին այն կոնֆլիկտները, որ ամեն օր, ամենամանր պատճառներից ծագում էին մեր միջև: Երբեմն մտածում էի՝ մի՞թե ես այս աղջկան սիրել եմ»,- ասում է Նարեկը:

«Վեճե՞ր, բարձր խոսելը վիճե՞լ է նշանակում»,- զարմանում է Աննան:  Եվ իրոք, ընտանիքում շփման նման ձևը, որի վրա Նարեկը պարզապես աչք էր փակել, փաստորեն, ճակատագրական դարձավ: Նարեկը, որը մեծացել էր ներդաշնակ ու հանգիստ ընտանիքում, որտեղ լռությունն ու փոխադարձ հարգանքն առաջնային էին, ամենօրյա այդ լեզվակռիվներից իր տեղը չէր գտնում: Պարզվեց, որ երբեմնի իրար սիրող զույգն իրականում ոչ մի ընդհանուր բան էլ չուներ: Հարաբերությունները փրկելուն ուղղված Նարեկի ջանքերը ոչ մի արդյունք չտվեցին: Այժմ նրանք ամուսնալուծված են:

 

Երբ ներդաշնակությունը հնարավոր է

Սոնան մատուցողուհի էր աշխատում սրճարանում: Հենց այնտեղ էլ նա ծանոթացավ Արտակի հետ, որը սկսնակ տնտեսագետ էր: Սոնան ու Արտակը միանգամայն տարբեր աշխարհներից էին: Արտակը ապահովված ընտանիքից, շահավետ մասնագիտությամբ, Սոնան՝ բուժքրոջ ու բանվորի աղջիկ, որոնք մի կերպ էին ապրուստ ապահովում, չուներ բարձրագույն կրթություն ու չէր էլ երազում հարուստ արքայազնի հետ ամուսնանալու մասին: Թվում է՝ ոչ մի ընդհանուր բան:

Արտակը նրան տանում էր թատրոն, կինո, ծանոթացնում ընկերների հետ: Սոնան յուրաքանչյուր հանդիպմանը խնամքով պատրաստվում էր, որպեսզի լավ տեսք ունենար, գրքեր ու ամսագրեր էր կարդում, տեղեկություններ հայթայթում, որպեսզի հետ չմնար խոսակցություններից:

Շուտով Սոնան այնքան տարվեց Արտակի հետաքրքրություններով, որ նույնիսկ ինստիտուտ ընդունվելու համար սկսեց փող հավաքել: Արտակի հայտնվելը Սոնայի համար նոր հորիզոններ  բացեց, նա սկսեց կյանքում ձգտել լավագույնին ու հիմա ոչնչով ետ չի մնում Արտակից:

Այսպիսի «անհավասար» զույգերն ապագա ունեն միայն այն ժամանակ, երբ երկուսն էլ պատրաստ են փոխզիջումների, իրենց արժեհամակարգում ինչ-որ բաներ փոխելու: Խոսքը ոչ թե ինքնազոհողությունների, այլ փոխըմբռնման մասին է: Եթե զուգընկերները պատրաստ են սովորել միմյանցից ու դա անում են հաճույքով, ապա նրանց համատեղ կյանքի հեռանկարները խոստանում են ուրախալի լինել:


Ինչպե՞ս պահպանել հարաբերությունները

Նախքան հարաբերությունների մասին լուրջ որոշումներ կայացնելը համոզվեք, որ դուք և ձեր զուգընկերը բավարար համատեղելի եք: Դա նշանակում է, որ ձեր կարծիքները կյանքի հիմնական հարցերի մասին համընկնում են, դուք հպարտանում եք ձեր զուգընկերոջով և չեք ոտնահարում սեփական «ես»-ը նրա հետ հարաբերությունները պահպանելու համար:

Եթե, օրինակ, ձեր զուգընկերը սկսում է ծխել, հաճախակի ոգելից խմիչքներ օգտագործել, սննդակարգին չի հետևում, ուշադրություն չի դարձնում իր կազմվածքին, իսկ դուք սնվում եք հատուկ սննդակարգով, ծուխը վատ է ազդում ձեզ վրա և առհասարակ նախընտրում եք առողջ ապրելակերպ, ապա պետք է մտածել համատեղելիության մասին, զրուցել, փորձել գնալ փոխզիջումների:

Եթե ընտանիքում ձեզ համար մեծ արժեք է հավատարմությունը, իսկ ձեր զուգընկերը դավաճանությունն անբարո քայլ չի համարում՝ առաջնորդվելով «Ես տղամարդ եմ, ինձ կարելի է» հայկական բնորոշ նշանաբանով, ապա համաձայնեք՝ հարաբերությունները լրջացնելը հիմարություն է:

Եթե դուք արդեն նման հարաբերությունների ցանցն եք ընկել, ապա մի փորձեք զոհաբերել այնպիսի արժեքներ ու համոզմունքներ, որոնք առաջնային են ձեզ համար: Այդպիսով դուք չեք փրկի սերը, այլ պարզապես կհետաձգեք անխուսափելի պայթյունը: Եթե արժեքներն այնքան տարբեր են, որ միասին մնալու համար ստիպված եք անընդհատ լարվել, ապա դուք միմյանց չեք համապատասխանում:

  • Փորձեք հասկանալ զուգընկերոջը և նայել խնդրին նրա աչքերով:
  • Արժեքները վերանայելը միշտ էլ օգտակար է, քանի որ ընդլայնում է մարդու մտահորիզոնը:
  • Բայց պետք է հիշել, որ մենք փոխում ենք մեր արժեքները միմիայն հանուն ինքներս մեզ, այլ ոչ թե հանուն լավ հարաբերությունների:
  • Վայելեք ձեր սերը, դարձրեք այն կյանքի ամենաբարձր արժեքը:

 

Նարինե Սանոյան

1111


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ «Մենք տարբեր մարդիկ ենք…» (Զույգերի համատեղելիության մասին)  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


ԵՐԿՈՒՍՈՎ բաժնի ԱՄԵՆԱԸՆԹԵՐՑՎԱԾԸ՝ այստեղ




Աղբյուրը: http://www.erkusov.com/WebPlayer201/vol23/070aa1333d1d-1-.jpg
Կատեգորիա: ԵՐԿՈՒՍՈՎ | Ավելացրեց: Admin (19.11.12) | Հեղինակ: Նարինե Սանոյան, «Լինա» ամսագիր W Դիտումներ: 4444 | Տեգեր: կին-ամուսին հարաբերություններ | - Վարկանիշ -: 0.0/0