RSS բաժանորդագրություն 

Загрузка...

Գլխավոր էջ » Լրահոսից

Իշխանությունները, հանդես են գալիս որպես զոն նայողներ  147

Загрузка...
 
 

Խորագիրը՝  Լրահոսից,   


Իշխանությունները, հանդես են գալիս որպես զոն նայողներ

  Հարցում

Դիտու՞մ եք հայկական սերիալներ


Կարդալ Top- հոդվածներ


 

Հարցազրույց Արցախյան պատերազմի վետերան, ԼՂՀ ԱԺ նախկին պատգամավոր Վահան Բադասյանի հետ.

- Պարոն Բադասյան, վերջին օրերին կրկին տեղեկություններ են հասնում, որ Ղարաբաղի սահմանին լարվածություն է նկատվում: Նորից զոհեր ու վիրավորներ են լինում: Ինչո՞վ եք պայմանավորում նոր լարվածությունը:

- Նոր բան չկա: Ընդհանրապես լարվածությունները հետեւանք են Հայաստանի իշխանության անգործության, անճարակության եւ թուլության, որովհետեւ նրանք այդպես էլ շարունակում են բանակը թալանել. Պաշտպանության նախարարության բարձրաստիճան գեներալների կողմից շարունակվում է թալանը, իշխանությունները շարունակում են մատների արանքով նայել, եւ եթե բանակում որեւէ փոփոխություն կատարվում է՝ դա լինում է միայն ժողովրդի շնորհիվ եւ տեղական հրամանատարների ջանքերով:

- Կարծիքներ են հնչում, որ Ղարաբաղում վերջին օրերին ստեղծված լարվածությունը այն ամենի հետեւանքն է, ինչ տեղի ունեցավ Հայաստանում: Խոսքը  «Սասնա ծռեր»-ի կողմից ՊՊԾ գունդը գրավելու եւ դրան հաջորդած գործընթացների մասին է:

- Ես համաձայն չեմ, որ այդ գործողությունը որեւէ կերպ վտանգում էր Ղարաբաղը: Այն, ինչ հիմա տեղի է ունենում՝ դա ապրիլյան պատերազմի շարունակությունն է: Այդ պատերազմը դեռ չի ավարտվել եւ չի ավարտվելու, քանի դեռ իշխանությունը կամ չի ուզում կամ չի կարողանում գնահատել իրադրությունը եւ դասեր քաղել: Ես չէի ուզում հավատալ այն խոսակցություններին, որ այս պատերազմը պամանավորված է եղել եւ մեջտեղը մեծ գումարներ են խաղացել: Այդպիսի խոսակցություն կա չէ՞, որ պատերազմը պայմանավորված էր, այդտեղ գումար են խաղացել մեջտեղը, այսինքն վաճառել են: Ես դրան չէի հավատում, բայց կարծես թե ամեն ինչը, ապրիլյան պատերազմից սկսած մինչեւ այսօր իշխանության բոլոր քայլերը, եւ հատկապես «Սասնա ծռեր»-ի հետ կապված քայլերը եւ նորից դասեր չքաղելը տանում են նրան, որ ամեն կերպով գնում են դեպի ապրիլյան պատերազմի շարունակությունը, ուզում են տարածքները զիջել, հանձնել: Դասեր չեն քաղում: Իշխանությունը չի ուզում հասկանալ, որ հայ հանրությունը Ղարաբաղի հարցում ունի մեկ կարծրատիպ՝ ոչ մի զիջում հանուն խաղաղության:

- Դուք նկատի ունեք Սերժ Սարգսյանի հայտարարությո՞ւնը, որտեղ նա պնդում է, որ ԼՂՀ-ն երբեք չի լինելու Ադրբեջանի կազմում, միակողմանի զիջում չի լինելու:

- Սերժ Սարգսյանն այդ հայտարարությամբ ասում է, որ պատրաստ է տարածքները զիջելու հաշվին ստանալ Արցախի կարգավիճակը: Նա ճիշտ է ասում՝  պատրաստ է կյանքը զոհել, բայց սեփական իշխանությունը պահելու համար: Նա խոսեց տարածքները հանձնելու մտադրության մասին, ինչի մասին «Սասնա ծռեր»-ի տղաները խոսում էին:

- Ղարաբաղում սոցիալական հարցում էր անցկացվել եւ բնակչությանը տրվել էր նաեւ տարածքները հանձնելու հարցը: Այդ հարցումն ավարտվե՞ց, ի՞նչ են պատասխանել Ղարաբաղի բնակիչները:

- Ես ինչքան գիտեմ՝ դա կատարվել է Հայաստանի իշխանությունների պատվերով: Հարցումը կատարվել է այնպիսի անձանց մոտ, ովքեր տարբեր ժամանկներում իշխանության կամակատարներն են եղել: Բայց իրենց համար դա եղել է անսպասելի, քանի որ արդյունքներն, իմ տվյալներով, եղել են 95 տոկոսով դեմ հողերի հանձնմանը:

- Դուք արդեն նշեցիք , որ «Սասնա ծռեր»-ի քայլը նաեւ հողերի հանձնման դեմ պայքար էր: Շուրջ 15 օր հասարակությանը, իշխանություններին լարված պահելուց հետո «Սասնա ծռեր»-ը որոշեցին ռազմագերի դառնալ: Ինչպե՞ս եք գնահատում տեղի ունեցածը:

- Տղաները ապստամբել էին, լավ սկիզբ էր: Իրենց արածը հայկական պետականաշինության գործում շատ մեծ, անձնուրաց քայլ էր, ծայրահեղ, բայց անձնազոհ քայլ: Մարդիկ գնացել են այդ ծայրահեղ քայլին, որովհետեւ մեր երկրում (մեր երկիր ասելով ես նկատի ունեմ Հայաստանը, որովհետեւ Հայաստանն ու Արցախը մի երկիր են) ոտնահարված են օրենքը, իրավունքը եւ Սահմանադրությունը, ինչպես նաեւ սահմանադրական ճանապարհով իշխանափոխություն իրականացնելու հնարավորությունը: Անընդհատ ծայրաստիճան ընտրախախտումներ են տեղի ունենում, եւ այդ մարդիկ դիմել են ծայրահեղ քայլի՝ ինչ-որ բան փոխելու համար: Այստեղ միակ մտահոգությունը արյունահեղությունը կանխելն էր, որը եւ տեղի ունեցավ՝ ի շնորհիվ տղաների: Հարցն այստեղ քրեական չէ, այլ քաղաքական է, որից իշխանությունները ցավոք սրտի դասեր չքաղեցին:

- Այդպիսի ենթադրություն դուք կրկին անում եք Սերժ Սարգսյանի վերջին հայտարարությունի՞ց:

- Այդ ուղերձը միանշանակ ուղղված էր յուրայիններին: Նա ասում է, որ Երեւանը Բեյրութ եւ Հալեպ չէ: Դա միանշանակ նախագահի խոսքեր չեն, դա դիվանագիտություն չէ հարեւան երկրների նկատմամբ եւ ուղղակի կոպիտ ոտնահարում է այդ երկրների նկատմամբ հարգանքի: Սերժ Սարգսյանն այդպես էլ չհասկացավ՝ ինչ է Սիրիան, ինչ է Բեյրութը, որովհետեւ համեմատելու բան չէ դա եւ ընդհանրապես ասելու բան չէ: Եթե նա ի նկատի ուներ Ենիգոմշյանի եւ Սեֆիլյանի ներկայությունը, ապա այդ մարդիկ լիարժեք հայեր են իրենց անցյալով ու ներկայով եւ ավելի հայրենասեր են, քան Սերժ Սարգսյանի շրջապատից ցանկացած մեկը:

Այդ նույն ելույթում նա նաեւ գովաբանեց իրավապահների աշխատանքը,  ինչի իրավունքը նա չուներ: Դրանով նա գովեց մարդկանց ծեծելը, աչք հանելը, վնասվածքներ, այրվածքներ հասցնելը: Դրանով ապացուցեց, որ Լիսկայի կողմից կատարված սպանությունը, նրա որդու կողմից աչք հանելը, մյուս բոլոր հանցագործություններն անձամբ ինքն է ողջունել եւ երաշխավորել: Շեշտում եմ՝ ողջունել է եւ երաշխավորել: Ստացվում է, որ երկիրը բաժանել է յուրայինների եւ օտարների. յուրայիններին կարելի է անել ցանկացած կրիմինալ քայլ , իսկ օտարներին՝ այսինքն ժողովրդին չի կարելի ոտքի կանգնել նույնիսկ սեփական իրավունքների պաշտպանության համար: Անկախ նրանից՝ ուզում է Սերժ Սարգսյանը, չի ուզում Սերժ Սարգսյանը, ժողովրդի մեջ գնում է խմորում, ժողովրդի 95 տոկոսը հիացմունքով է խոսում ապստամբ տղաների մասին: Այսպես էլ շարունակվել չի լինի: Ազգը ինքնակազմակերպվելու է, ազգը գալու է ինքնամաքրման: Ինքնամաքրման ասելով ես նկատի ունեմ այն, որ ազգի մեջ է նաեւ Սերժ Սարգսյանի շրջապատը, Սերժ Սարգսյանն ինքը: Եկեք նայենք, թե ապստամբ տղաներին ինչ դեմքեր սատարեցին. դա հայտնի մտավորականներն են, հայտնի մշակույթի եւ արվեստի գործիչները, գիտնականները, ազգի ակտիվ մասը, արցախյան պատերազմում վաստակ ունեցող մարդիկ, որոնք հիացմունքով  պաշտպանում են «Սասնա ծռեր»-ին եւ նրանց քայլը:

- Այսինքն, ըստ ձեզ, եթե ԱԱԾ-ն ահաբեկիչ է անվանում «Սասնա ծռեր»-ին՝ նշանակում է այդ մարդիկ կանգնած են եղել ահաբեկիչների կողքին:

- Այո, այո: Տեսեք, Սերժ Սարգսյանն իր ելույթով 10-15 կետով խախտել է Սահմանադրությունը: Ինքն առաջին հերթին իրավունք չուներ այդ բառն ասելու, քանի որ մինչ այդ ԱԱԾ-ն եւ այլ կառույցներ, եվրոպական կառույցները, նունիսկ ռուսական ԶԼՄ-ները համարում էին զինյալ խումբ, բայց ինքը, խախտելով ՀՀ Սահմանադրությունը, անմեղության կանխավարկածը, միանգամից համարեց ահաբեկիչներ, երբ դեռեւս մեղադրականը չկար: Ի՞նչ է սա նշանակում. Նշանակում է՝ Սերժ Սարգսյանը շարունակում է ոտնահարել Սահմանադրությունը: Այս տեսակետից նա ապացուցում է, որ այդ տղաները իրոք ռազմագերիներ են: Ռազմագերին այն է, որին գերի վերցնողը զրկում է որեւէ իրավունքից:

.................................................... .................... ........... ................................................... .................. ..................

- Կարծիքներ են հնչում, որ եթե այսպես շարունակվի՝  նոր «Սասնա ծռեր» կարող է ծնվել: Համամի՞տ եք:

- Իհարկե, ես վաղուց եմ ասել, որ կարող են լինել անկանխատեսելի դեպքեր, որովհետեւ իշխանությունները, կրկնում եմ, շարունակում են մնալ իրենց կարծր, պարփակված վիճակում, այսինքն որպես իշխանություն չեն հանդես գալիս, այլ հանդես են գալիս որպես զոն նայողներ, Հայաստանի տարածքի հանքավայրերի, խոշոր օբյեկտների տիրապետողներ եւ ժողովրդին ճնշող-կեղեքողներ: Սա ոչ թե իմ կարծիքն է, այլ աքսիոմա է: 

Ամբողջությամբ  սկզբնաղբյուր կայքում

Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ Իշխանությունները, հանդես են գալիս որպես զոն նայողներ  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Լրահոսից բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Լրահոսից | Ավելացրեց: haykblbulyan (04.08.16) Դիտումներ: 147 | Տեգեր: Են, որպես, ԳԱԼԻՍ, Իշխանությունները, նայողներ, զոն, հանդես | - Վարկանիշ -: 0.0/0