Գլխավոր էջ » Լրահոսից
Բացահայտումները շարունակվում են. «Կազանի պլանի» գաղտնիքը  92

Գլխավոր էջ » Լրահոսից 

Խորագիրը՝  Լրահոսից,   

 
ՀԱԿՈԲ ԲԱԴԱԼՅԱՆ, Մեկնաբան

 

ՌԴ արտգործնախարարության ներկայացուցիչ Մարիա Զախարովան Մոսկվայում տեղի ունեցած ասուլիսի ընթացքում պատասխանելով հարցին, թե արդյոք ԱՄՆ առաջարկել է Ռուսաստանին ստանձնել առաջնորդությունն Արցախի հարցում, տվել է բացասական պատասխան: Զախարովան ասել է, թե ԱՄՆ չի զիջի առաջնորդությունն Արցախի հարցում: Միաժամանակ, ՌԴ ԱԳՆ պաշտոնական ներկայացուցիչը արել է բավական ուշագրավ հայտարարություն, որն ինչ որ իմաստով հնարավոր է դիտարկել նաեւ իբրեւ բացահայտում:

 

Զախարովան, որին կարծես թե բավական բնորոշ է դառնում անբռնազբոսությունն ու անկեղծությունն ասուլիսների ընթացքում, հայտարարել է, որ եթե ԱՄՆ զիջեր առաջնորդությունն Արցախի հարցում, ապա դա կլիներ առաջընթաց:

 

«Չեմ հավատում, որ ԱՄՆ-ն ինչ-որ հարցում կհամաձայնվի զիջել առաջնորդությունը Ռուսաստանին: Բայց եթե այդպես լինի, ապա դա իսկական առաջխաղացում կլինի», հայտարարել է Զախարովան:

 

Թե ինչ է պատկերացնում Ռուսաստանն ասելով առաջընթաց, պարզ է «կազանյան» կամ «Լավրովի» պլաններից: Դրանք ենթադրում են փաստացի միակողմանի զիջում Հայաստանից՝ տարածքների հանձնում Ադրբեջանին, Արցախի կարգավիճակի շարունակվող անորոշություն, եւ ռուս կամ ՀԱՊԿ խաղաղապահների տեղակայում շփման գոտում: Այլ կերպ ասած, առաջընթացը, Ռուսաստանի պատկերացմամբ, տարածք խաղաղապահների դիմաց գործարքն է, որը կիրականացվի կամ հայկական կողմի համաձայնությամբ կամ պատերազմով, ապրիլի պատերազմն էր:

 

Դրանից հետո Ռուսաստանը փորձեց «արդիականացնել» կազանյան պլանը, վերածելով այն «Լավրովի պլանի»: Ըստ երեւույթին հայկական ծագմամբ ՌԴ արտգործնախարարը որոշեց «լավություն» կամ «լավրովություն» անել հայրենակիցներին եւ պլանի մեջ նվազեցնել հանձնման ենթակա տարածքների թիվը: Ըստ երեւույթին, դրանից էլ ծնվեց Պուտինի առաջարկը, որի մասին օրերս բարձրաձայնել էր ԵԱՀԿ Մինսկի խմբի ամերիկացի նախկին համանախագահ Մեթոյու Բրայզան: Նա ասել էր, թե հինգ շրջանների վերադարձի տարբերակը մտել է փակուղի, եւ որպես ելք, Սանկտ-Պետերբուրգի հանդիպմանը Պուտինն առաջարկել է սկսել երկու շրջանից:

 

Ադրբեջանը Սանկտ-Պետերբուրգի հանդիպումից հետո սկսեց հայտարարել, թե դրական զարգացումներ կան: Բաքվի գնահատմամբ, ռուսական կողմի գործողությունները խոստումնալից էին: Մոսկվան Բաքվին հորդորեց լռություն պահպանել, գործը չփչացնելու համար:

 

Բայց, գործն ինչպես երեւում է փչացնում է ոչ թե Բաքուն, այլ ԱՄՆ առաջնորդությունը, ինչպես կամա թե ակամա խոստովանում է Զախարովան: Փաստորեն ԱՄՆ առաջնորդությունն է, որ թույլ չի տալիս Մոսկվային առաջընթաց գրանցել իր պլաններում: Այլապես, եթե այն զիջվի, ինչպես հայտարարում է Զախարովան, դա կլինի առաջընթաց, այն էլ իսկական, ինչպես բնորոշում է նա:


Ամբողջական նյութը՝ սկզբնաղբյուր կայքում
 

Խորագիրը՝  Լրահոսից,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Լրահոսից բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017