Գլխավոր էջ » Լրահոսից
Անահիտը 17-ամյա աղջկան 20 000 դրամի դիմաց 3 օրով սեռական հարաբերության համար «հանձնել» է Վաչագանին  6485

Գլխավոր էջ » Լրահոսից 

Խորագիրը՝  Լրահոսից,   

Լոռու մարզի ընդհանուր իրավասության դատարանում Մարինե Մելքոնյանի նախագահությամբ սկսվել է Անահիտ Սարդարյանի գործի դատավարությունը:

Ըստ մեղադրանքի՝ 21-ամյա, նախկինում չդատված Անահիտ Սարդարյանը 2012 թվականի սեպտեմբեր ամսին սեռական շահագործման ենթարկելու նպատակով մարզի գյուղերից մեկի 17-ամյա բնակչուհի՝ 1995 թվականի փետրվարի 2-ին ծնված Ս.Թ.-ին երեք օրով «հանձնել է» ոմն Վաչագանի:

Վերջինս անչափահաս աղջկան երեք օր պահելու և հետը սեռական հարաբերություններ ունենալու համար Անահիտ Սարդարյանին վճարել է նրա կողմից պահանջված… 20 հազար դրամը:

Ըստ մեղադրանքի՝ Վաչագանն իր կողմից «ձեռք բերված» աղջկան սկզբում տարել է Վանաձորում ապրող պապի տուն, այնուհետև՝ Լոռու մարզի Գուգարք գյուղի Էներգետիկների փողոցում գտնվող թիվ 4 տնակը, որտեղ սեռական հարաբերություններ է ունեցել աղջկա հետ:

Նախաքննական մարմնի եզրակացությամբ՝ տասնյոթամյա Ս.Թ.-ն ենթարկվել է սեռական շահագործման:

Անահիտ Սարդարյանի նկատմամբ խափանման միջոց է ընտրվել կալանավորումը:

Նույն մարզի ընդհանուր իրավասության դատարանում ևս մեկ քրեական գործ է քննվում՝ անչափահաս աղջկան մարմնավաճառուհիների կողմից իրենց ոլորտ ներքաշելու, «փորձի փոխանակման» առումով իրենց հետ շոգեբաղնիքներ տանելու, հաճախորդներին ծանոթացնելու, մարմնավաճառ դարձնելու՝ պոռնկությամբ զբաղվելուն ներգրավելու վերաբերյալ:

Տպավորություն է ստեղծվում, որ մարզում անչափահաս աղջիկները սեռական շահագործման ենթարկվելու առումով խոցելի վիճակում են:

Սոցիալական ծանր վիճակը, աշխատանքի ու զբաղմունքի բացակայությունը, նյութական միջոցների սղությունը նպաստող հանգամանքներ են, որ շահագրգռված, անհոգի չափահասները անկայուն, դեռ չկազմավորված աղջիկներին գցեն մարմնավաճառության ոլորտ, դարձնեն այդ «շուկայում» պահանջարկ ունեցող «ապրանք», այդ «ապրանքը» վաճառքի հանեն ու ձեռքից ձեռք փոխանցեն:

Ստեղծված իրավիճակը մտահոգիչ պիտի որ լինի մարզի տեղական ինքնակառավարման մարմինների ու իրավապահների համար: Խոսքը միայն բարքերի անկմանը, մարմնավաճառության ծաղկմանը չի վերաբերում, այլ անչափահասներին այդ ոլորտ ներքաշելուն, «ոլորտը» նոր կադրերով համալրելուն, ինչը անչափահասների նկատմամբ տարբեր տեսակի բռնությունների կիրառման արդյունքում է արվում, ամենայն հավանականությամբ:

1in.am

Խորագիրը՝  Լրահոսից,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Լրահոսից բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017
Powered by Jasper Roberts - Blog
Հաստատու՞մ եք, որ չափահաս եք


ԱՅՈ