RSS բաժանորդագրություն 

Загрузка...

Գլխավոր էջ » Լրահոսից

32-ամյա գյումրեցին «դոմիկում» 57 տարեկան կին է բռնաբարել. դատավարության մանրամասները  2806

Загрузка...
 
 

Խորագիրը՝  Լրահոսից,   1in.am


32-ամյա գյումրեցին «դոմիկում» 57 տարեկան կին է բռնաբարել. դատավարության մանրամասները

  Հարցում

Դիտու՞մ եք հայկական սերիալներ


Կարդալ Top- հոդվածներ


 

Շիրակի մարզի ընդհանուր իրավասության դատարանում Վարդան Գրիգորյանի նախագահությամբ ավարտվել է Սերգեյ Ս.-ի գործի դատական քննությունը:

Հանցավոր արարքների կատարման պահին 32-ամյա Սերգեյին մեղադրանք էր առաջադրված բռնաբարության ու գողության համար՝ ՀՀ քրեական օրենսգրքի 138 հոդվածի 1-ին մասով և 177 հոդվածի 3-րդ մասի 1.1 կետով:

Ըստ դատական ակտի՝ 2014 թվականի ապրիլի 16-ին, ժամը 17-ի սահմաններում Սերգեյը, գտնվելով Գյումրիի Մանուշյան փողոցի տնակների մոտ, մուտք է գործել 57-ամյա Մաշա Ե.-ի (անունը փոխված է) տնակ՝ նրան բռնաբարելու դիտավորությամբ:

Սերգեյը բռնություն է գործադրել՝ Մաշային հրել-գցել է մահճակալին, ուժի գործադրմամբ հանել է հագուստը, վերցրել է մահճակալի հարևանությամբ դրված ափսեն, սպառնացել է դրանով հարվածել կնոջ գլխին՝ այսպիսով հաղթահարել է նրա դիմադրությունը և նրա կամքին հակառակ սեռական հարաբերություն է ունեցել հետը:

Ամիսներ անց՝ 2014 թվականի դեկտեմբերի 19-ի կեսօրին, Սերգեյը, դարձյալ գտնվելով Գյումրիի Մանուշյան փողոցի տնակների մոտ, մտել է տնակներից մեկի բակ, իմանալով, որ տնակի տիրուհին բացակայում է, պատուհանի ապակին հանել, մտել է տնակ, այնտեղից հափշտակել է ընդհանուրը՝ 358 հազար 800 դրամ արժողությամբ գույք՝ «Սամսունգ» և «Նոկիա» բջջային հեռախոսներ՝ չորս հատ, «Սամսունգ» հեռուստացույց, օղի, մեղր, ճտքակոշիկներ…

Դատարանում Սերգեյ Ս.-ն իրեն մեղավոր է ճանաչել միայն գողության համար, իսկ բռնաբարության համար մեղավոր չի ճանաչել ու հրաժարվել է ցուցմունքներ տալուց:

Նախաքննական ցուցմունքում Սերգեյը հայտնել է, որ Գյումրիում բնակվել է մոր ու եղբոր հետ:

2014 թվականի ապրիլին՝ կոնկրետ օրը չի հիշում, նստած է եղել Գյումրիի «Ֆանտաններ» կոչվող թաղամասում՝ քարի վրա, և օղի է խմել: Փողոցի կողմից մոտեցել է մի կին և առաջարկել է գնալ իր տնակ ու միասին օղի խմել:

Ինքը գնացել է այդ կնոջ տնակ, մի քանի բաժակ օղի են խմել: Այնուհետև այդ կինը հանել է շորերը ու առաջարկել է սեռական հարաբերություն ունենալ: Ինքը չի մերժել կնոջ առաջարկը, առանց պահպանակի նրա հետ սեռական հարաբերություն է ունեցել, ապա թողել- հեռացել է նրա տնակից: Ինքն այդ կնոջ նկատմամբ բռնություն չի գործադրել, ոչնչով չի սպառնացել ու սեռական հարաբերությունն ունեցել է նրա առաջարկով, ոչ թե նրա կամքին հակառակ: Ինքը շուն է ունեցել 2003-2004 թվականներին, դրանից հետո շուն չի ունեցել:

Ինչ վերաբերում է գողությանը, ապա Սերգեյն ընդունել է, որ որոշել է մի տնակից գողություն կատարել՝ իմանալով, որ ներսում մարդ չկա, դուռը փակ է: Ներսում հիմնականում փնտրել է պղնձե կամ ալյումինե սպասք, բայց դրա փոխարեն գտել է չորս բջջային հեռախոս, հեռուստացույց, կանացի ճտքակոշիկներ: Գողոնը վերցրել ու դուրս է եկել մուտքի դռնից:

Ճտքակոշիկները վաճառել է, բջջային հեռախոսները տվել է ունեցած պարտքի դիմաց…

Թալանված տնակի տիրուհին գողությունը հայտնաբերել է դեկտեմբերի 19-ին, նա փորձել է իր ուժերով հայտնաբերել գողին, ոստիկանություն չի դիմել:

Դեկտեմբերի 24-ին, ժամը 19-ի սահմաններում նրա տնակ են այցելել ոստիկանները, ովքեր արդեն տեղյակ էին գողության մասին:

Բռնաբարությունից տուժած կինը՝ Մաշան, հայտնել է, թե նախկինում Սերգեյին չի ճանաչել: Նրան տեսել է երկու անգամ: Առաջին անգամը, ըստ տուժողի, Սերգեյը մեծ շան հետ էր, ալկոհոլ օգտագործած վիճակում, նա հարցնում էր տուժողի հարևանուհուն: Տուժողն ասել է, որ հարևանուհին տանը չէ, տղան հեռացել է:

Երկրորդ անգամ Սերգեյը տուժողի տնակի մոտ է հայտնվել հաջորդ օրը: Նա բացել է տուժողի տնակի դուռը: Տուժողը ներսում գործ էր անում ու հարցրել է, թե տղան ինչո՞ւ է եկել: Տղան միանգամից հարձակվել է, սեղմել է կնոջ՝ օրեր առաջ վնասված ձեռքը, նրան հրել-գցել է անկողնու վրա:

Ըստ տուժողի՝ տղան վերցրել է մահճակալի մոտ դրված թասը, սպառնացել է, որ դրանով կհարվածի իր գլխին ու կվնասի: Հետո ձեռքը գցել է կնոջ սեռական օրգաններին, ցավեցրել ու քերծվածքներ է պատճառել, ուժի գործադրմամբ հանել է նրա տաբատը, ներքնազգեստը ու կնոջ կամքին հակառակ սեռական հարաբերություն է ունեցել:

Կինը հայտնել է, թե փորձել է դիմադրել, պաշտպանվել, բայց չի կարողացել: Սեռական հարաբերություն ունենալով՝ տղան հեռացել է: Կնոջ խոսքերով՝ իր շորերն արյունոտ էին ստացած վնասվածքներից: Ինքն անմիջապես զանգահարել է հարևանուհուն, պատմել է կատարվածը: Հարևանուհին ասել է՝ տանը նստիր ու սպասիր: Հետո նա եկել ու իրեն համոզել է ոստիկանություն դիմել…

Սերգեյի մայրը հայտնել է, թե որդին 2014 ապրիլի 15-ին իրեն ասել է, թե գնում է Արմավիրի մարզ՝ անասնապահությամբ զբաղվելու: Մի օր էլ մայրն իմացել է, որ Սերգեյին բռնել են գողության ու բռնաբարության մեղադրանքով: Մայրը համոզմունք է հայտնել, որ որդին բռնաբարություն չի կատարել, նա նման բանի ընդունակ չէ:

Գործով կատարվել է նաև դատագենետիկական փորձաքննություն, ԴՆԹ հետազոտությամբ հաստատվել է Սերգեյի թողած հետքերի առկայությունը տուժող Ելենայի վարտիքի վրա…

Շիրակի մարզի ընդհանուր իրավասության դատարանը հաստատված է գնահատել, որ Սերգեյ Ս.-ն կատարել է մեղսագրված արարքները՝ բռնաբարությունն ու գողությունը:

Դատարանը հաշվի է առել, որ 32-ամյա Սերգեյ Ս.-ն նախկինում 4 անգամ դատապարտված է եղել, որոնցից 3 դատվածությունները մարված կամ հանված չեն: Վերջին անգամ նա դատապարտվել էր գողության համար: Դատարանն արձանագրել է վտանգավոր ռեցիդիվի առկայությունը Սերգեյ Ս.-ի հանցավոր արարքներում:

Սերգեյ Ս.-ն մեղավոր է ճանաչվել ՀՀ քրեական օրենսգրքի 138 հոդվածի 1-ին մասով և 177 հոդվածի 3-րդ մասի 1.1 կետով ու վերջին հաշվով դատապարտվել է 6 տարի ազատազրկման: Պատժի սկիզբը՝ 2014 թվականի դեկտեմբերի 24-ից:


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ 32-ամյա գյումրեցին «դոմիկում» 57 տարեկան կին է բռնաբարել. դատավարության մանրամասները  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Լրահոսից բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Լրահոսից | Ավելացրեց: haykblbulyan (07.08.16) | Հեղինակ: 1in.am W Դիտումներ: 2806 | Տեգեր: դատավարության, կին, բռնաբարել., 57, տարեկան, գյումրեցին, «դոմիկում», մանրամասները, 32-ամյա | - Վարկանիշ -: 0.0/0