RSS բաժանորդագրություն 

Загрузка...

Գլխավոր էջ » Սեքս-ուղեցույց

Հետաքրքիր փաստեր կանանց օրգազմի մասին  5912

Загрузка...
 
 

Խորագիրը՝  Սեքս-ուղեցույց,   www.erkusov.com, «Լինա» ամսագիր


Հետաքրքիր փաստեր կանանց օրգազմի մասին

  Հարցում

Դիտու՞մ եք հայկական սերիալներ


Կարդալ Top- հոդվածներ


 Կհամաձայնեք, թերևս, որ վերջին ժամանակներում օրգազմի վերաբերյալ խոսում և գրում են անհամեմատ հաճախակի: Ի՞նչ է այն: Ընդամենը հաճու՞յք: Մի՞թե  կնոջը բավականություն պատճառելուց բացի, այն այլ օգուտ չի բերում, մանավանդ որ կինը կարող է հղիանալ և երեխա լույս աշխարհ բերել նույնիսկ առանց սեքսուալ բավականության բարձրագույն պահերի:

Կանանց և օրգազմի մասին


Արդեն շուրջ հարյուր տարի ամբողջ աշխարհի կենսաբաններին, հոգեբաններին և բժիշկներին զբաղեցնում է այն հարցը, թե հաճույք պատճառելուց բացի, ինչ այլ նշանակություն  կարող է ունենալ օրգազմը: Արդյունքում գոյություն ունեն ավելի քան երեսուն համոզիչ տեսություններ այն մասին, թե հատկապես հանուն ինչի է կինն ապրում օրգազմ:

Հանուն մարդկության շարունակության


  Ըստ այս տեսության կողմնակիցների՝ օրգազմը գոյություն ունի պարզապես նրա համար, որպեսզի կանայք հաճելիորեն հոգնեն: Անհեթեթ կարող է թվալ «հոգնել-օրգազմ-մարդկության շարունակություն» հասկացությունների կապակցումը, սակայն՝ մինչև բացատրությանը ծանոթանալը: «Հոգնելն» այստեղ ինքնանպատակ չէ: Բանն այն է, որ այդ վիճակում կինը չի մղվում ակտիվ գործողության, իսկ արդյունքում՝ տղամարդու սերմնաբջիջը հեշտորեն հասնում է իր նպատակակետին (ի դեպ, սերմնաբջջին սպառնացող պայման է համարվում կանգնած կամ նստած վիճակում տեղի ունեցող բեղմնավորումը): Այս տեսությունը հիմնվում է հետազոտական փորձի վրա. մի քանի կանանց արգանդներում տեղադրվել են «դեպքի վայրում» օրգազմը նկարահանող մինի-տեսախցիկներ: Պարզվում է, որ կնոջ օրգազմային, թուլացող վիճակում արգանդի վզիկը մկանների ամեն մի կծկման հետ գործում է որպես սերմ ներծծող խողովակ՝ հեշտացնելով սերմնաբջիջների ներթափանցումը, ուստի և նպաստելով հնարավորինս արագ հղիանալուն (սա կարելի է բացատրել նաև ֆիզիկայի օրենքով՝ մարմինների շարժումն ու վիճակը տարածության մեջ):

Ավելին` հղի կանանց մոտավորապես քառորդ մասը հաստատում է, որ իր հղիության մասին իմացել է հենց օրգազմի պահին, քանի որ այն եղել է ոչ սովորականի պես` ուժեղ կծկումներով` գրեթե ջղաձգության նման: Սակայն հնարավոր է նաև ճիշտ հակառակը. ըստ սեքսոլոգների՝  կանանց շուրջ 20%-ը սկսում է օրգազմ զգալ միայն ծննդաբերությունից հետո, իսկ 10%-ը՝ արդեն ամուսնացած և երեխաներ ունեցած, ընդհանրապես չգիտի՝ ինչ է դա:

Հանուն տղամարդկանց


orgazmԸնդհանուր առմամբ կնոջ օրգազմը քիչ է տարբերվում տղամարդու օրգազմից. մարմնի որոշակի ռեակցիան, նյարդային լարվածության թուլացումը, կենսաքիմիական փոփոխությունները հավասարապես առկա են նրանց երկուսի օրգանիզմում: Սակայն կանացի օրգազմը, այնուամենայնիվ, ունի ինչ-ինչ առավելություններ:

Օրինակ՝ դրա երկարատևությունը` մինչև 60 վայրկյան, իսկ առանձին դեպքերում` ավելին: Իսկ, ահա, տղամարդկանց համար քիչ է միայն իրենց ապրած օրգազմը: Լիարժեք բավարարության համար նրանք պետք է տեսնեն զուգընկերուհու օրգազմային վիճակը: Դա տղամարդու մեջ բարձրացնում է իր անձի կարևորության և տղամարդկային արժանապատվության զգացումը:

Եթե նկատի ունենանք, որ ոչ մի տղամարդ չի կարող այնպես համոզված լինել իր հայրության հարցում, ինչպես կինը` իր մայրության, ինչն էլ բավականին լուրջ տագնապ է ուժեղ սեռի համար, ապա հասցնելով կնոջը օրգազմի` տղամարդը ներքին հանգստություն և համոզմունք է ձեռք բերում, որ իր` լիովին բավարարված կինը երբեք իրեն չի փոխարինի մեկ ուրիշով, քանի որ  այդ կնոջ համար ինքն  ամենակարողն է ու միակը` ամենա-ամենատղամարդը: Թերևս պարզ է առաջին հայացքից անկապակից թվացող «օրգազմ-վստահություն-հայրություն» հասկացությունների հոգեբանական սերտ կապը: Սակայն, կնոջ սեռապես բավարարված վիճակը, սիրելիի ինքնագնահատականը բարձրացնելուց բացի, ունի նաև «առողջապահական» նշանակություն: Այդպես են մտածում շվեդ սեքսոլոգները. նրանք հաստատում են, որ կնոջ օրգազմային վիճակը նպաստում է տղամարդու սրտանոթային համակարգի  գործունեությանը:  Սիրելի՛ կանայք, հանուն սիրելիի առողջության չպետք է թաքցնել զգացմունքներն ու կրքերը:
 

Հանուն ապագայի


Այս տեսության կողմնակիցների կարծիքով` կինը ցանկացած տղամարդու հետ չէ, որ կարող է օրգազմի հասնել, այլ միայն նրա, ով կենսաբանական չափանիշներով համապատասխանում է որպես իր ապագա երեխայի հայր: Այս դեպքում կողմնորոշիչ դեր է կատարում հոտը: Ինչպե՞ս: Բանն այն է, որ տղամարդու հետ հարաբերությունների նախնական փուլում կինը ենթագիտակցական կողմնորոշում է ունենում. նա հոտով է զգում իր սեռական զուգընկերոջ համապատասխանությունը: Եթե տվյալ տղամարդու հոտը շարունակում է նրան դուր գալ նաև սեռական ակտի ժամանակ, ապա օրգազմն անհամեմատ  շուտ և բուռն է տեղի ունենում,  որի ժամանակ կնոջ օրգանիզմը առավելագույն հակվածություն ունի բեղմնավորմանը: Պարզվում է` «հոտ-օրգազմ-ապագա» բառերը շատ ավելի ամուր կապ ունեն, քան թվում էր մեզ:
 

1111


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ Հետաքրքիր փաստեր կանանց օրգազմի մասին  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Սեքս-ուղեցույց բաժնի ԱՄԵՆԱԸՆԹԵՐՑՎԱԾԸ՝ այստեղ




Աղբյուրը: http://www.erkusov.com/img/nkar2/7499360e1166-1-.jpg
Կատեգորիա: Սեքս-ուղեցույց | Ավելացրեց: Admin (15.01.13) | Հեղինակ: www.erkusov.com, «Լինա» ամսագիր W Դիտումներ: 5912 | Տեգեր: սեռական կյանք, սեքս, օրգազմ, հեշտանք, կանանց հեշտանք | - Վարկանիշ -: 0.0/0