RSS բաժանորդագրություն 

Загрузка...

Գլխավոր էջ » Կանայք

Սևանցի տղամարդը, չնայած կնոջ աղերսանքներին, նրան ստիպել է խմբակային սեքսով զբաղվել  30355

loading...
Загрузка...
 
 

Խորագիրը՝  Կանայք,   1in.am


Սևանցի տղամարդը, չնայած կնոջ աղերսանքներին, նրան ստիպել է խմբակային սեքսով զբաղվել

  Հարցում

Կարևո՞ր է Ձեզ համար 1-ին երեխայի սեռը (արական):


Կարդալ Top- հոդվածներ


Վերաքննիչ քրեական դատարանում ավարտվեց Մանուկ Ե.-ի (անունը փոխված է) գործով բերված վերաքննիչ բողոքի քննությունը:

Գործը քննվել է Գեղարքունիքի մարզի ընդհանուր իրավասության դատարանում Վահագն Մելիքյանի նախագահությամբ:
Ըստ մեղադրանքի՝ 33-ամյա Մանուկն իր հետ ամուսնական հարաբերությունների մեջ գտնվող կնոջը շահագործելու դիտավորությամբ, «չարաշահելով իր հանդեպ կնոջ ունեցած զգացմունքները, իրեն սեռական գերհաճույք պատճառելու արդյունքում փոխադարձ սերն առավել ամրապնդելու հիմնավորումներով» համոզել է կնոջը, որ սեռական հարաբերություններ ունենան երեքով՝ իրենց անկողին «հրավիրելով» ևս մի տղամարդու:

«Հրավիրված» տղամարդը խմբակային սեքսի համար վճարել է Մանուկին:

Ըստ դատական ակտի՝ Մանուկը շուրջ երկու ամիս համոզել է կնոջը: 2010 թվականի կեսերին Երևանի Զաքյան փողոցում գործող «Աստորիա» հյուրանոցում Մանուկը կազմակերպել է իր, կնոջ ու ինտերնետային կայքից իրեն ծանոթ Ակայի ինտիմ հանդիպումը: Խմբակային սեքսի համար «Ական» վճարել է 20 հազար դրամ:

Մանուկը իր կնոջը սեռական շահագործման ենթարկելու հանցավոր դիտավորությունն իրականացնելու նպատակով, նրա կողմից արդեն մեկ անգամ խմբակային սեքսին մասնակցած լինելու փաստը որպես արատավորող տեղեկություն՝ տարածելու, այդ հանգամանքը շահարկելով՝ կնոջը մայրական իրավունքից զրկելու հարց բարձրացնելու սպառնալիքներով, կնոջ խոցելիությունն օգտագործելով, երբեմն նաև կնոջ առողջության նկատմամբ ոչ վտանգավոր բռնություն գործադրելով՝ ծեծելով՝ 2010 թվականի վերջերից մինչև 2013 թվականի հունիս ամիսը կնոջը ենթարկել է պոռնկության շահագործման:

Մանուկը պարբերաբար, ընդհանուրը՝ մոտ 20 դեպքով կնոջը ստիպողաբար ներգրավել է համացանցի «Օդնոկլասնիկի» և այլ կայքերով ծանոթացած մի խումբ տղամարդկանց, նրանց ընկերուհիների մասնակցությամբ խմբակային սեռական հարաբերություններին:«Հրավիրվածների» վճարած գումարները Մանուկը տնօրինել է իր հայեցողությամբ:

Ըստ դատական ակտի՝ Մանուկը 2013 թվականի նոյեմբերի 2-ին, լինելով ալկոհոլ օգտագործած վիճակում, վիճել է կնոջ հետ, ոտքերով ու ձեռքերով ծեծի ենթարկել նրան՝ ձախ աչքի տակ արյունազեղում առաջացնելով:

Մանուկ Ե.-ին մեղադրանք է առաջադրվել ՀՀ քրեական օրենսգրքի 132 հոդվածի 1-ին մասով և 118 հոդվածով:
Տուժող ճանաչված կինը ցուցմունք է տվել, որ Մանուկի հետ ծանոթացել է բժշկական քոլեջում սովորելու ժամանակ:

Ինտիմ հարաբերություն է ունեցել Մանուկի հետ, զրկվել է կուսությունից: 2008 թվականին ամուսնացել են: Ապրել են վարձու բնակարանում: Ծնվել է իրենց դուստրը:

Շուրջ մեկ տարվա համատեղ կյանքից հետո Մանուկը սկսել է հաճախակի այցելել պոռնկագրական կայքեր, առաջարկել է այլ տղամարդու ներգրավել ու խմբակային սեռական հարաբերություն ունենալ: Ամուսնու առաջարկներն ինքը մշտապես մերժել է:

Մի օր Մանուկի առաջարկով գնացել են «Լունապարկ»: Ամուսինը պատմել է, որ համացանցով ծանոթացել է մի տղամարդու հետ ու պայմանավորվել խմբակային սեքսի վերաբերյալ: Մանուկն ասել է, թե դրանով կամրապնդվի իրենց փոխադարձ սերը:

Նույն պահին ընդառաջ է եկել մի տղամարդ, նա էր իրենց ինտիմ հարաբերության երրորդ մասնակիցը:

Ըստ կնոջ՝ վստահելով ամուսնուն, տարիքով փոքր լինելով ու չգիտակցելով, թե ինչ քայլի է դիմում՝ հանուն փոխադարձ սիրո համաձայնել է:

Մանուկի առաջարկով «Ակայի» հետ գարեջուր են խմել այգու սրճարաններից մեկում, հետո միասին գնացել են «Աստորիա» շոգեբաղնիք-հյուրանոց, որտեղ երեքով սեռական հարաբերություն են ունեցել, և «Ական» Մանուկին վճարել է 20 հազար դրամ:

Մոտ մեկ ամիս անց Մանուկը նորից սկսել է համոզել, որ օտար տղամարդու հետ նմանատիպ հանդիպում ունենան:
Ինքը հրաժարվել է: Մանուկը սկսել է սպառնալ, թե բոլորին կպատմի առաջին խմբակային սեքսի մասին, ծնողներին կասի, որ ամուսնության պահին ինքը կույս չի եղել:

Ծնողների և մյուսների մոտ խայտառակ չլինելու համար ինքը համաձայնել է երկրորդ հանդիպմանը:
Ավան-Առինջում գտնվող «Գինետուն» համալիրում ստիպված է եղել կատարել ամուսնու և անծանոթ տղամարդու սեքսուալ ցանկությունները:

Տղամարդը հանդիպումից հետո Մանուկին 25 հազար դրամ է տվել: Ամուսնու սպառնալիքների ազդեցության տակ մինչև 2011 թվականի ձմեռը մոտ 10 անգամ գնացել է այլ տղամարդկանց կամ զույգերի հետ հանդիպումների, որոնց ժամանակ խմբակային սեքս են արել:

2011 թվականի նոյեմբերին ամուսնու հետ մեկնել է Ռուսաստան: Այլ տղամարդկանց հետ ինտիմ հանդիպումները դադարել են: Ինքը 2-3 ամիս հանգիստ շունչ է քաշել:

2012 թվականի հունվարին վերադարձել են, բնակվել Գեղարքունիքի մարզում:

Կինը նկատել է, որ Մանուկը նորից սկսել է համացանցով ինչ-որ մարդկանց հետ ծանոթանալ, շփվել: Մեկի անունը Գևորգ է եղել՝ մոտ 50 տարեկան: Նա եկել է իրենց գյուղ, Մանուկին 10 հազար դրամ է տվել: Ընթրել են, Մանուկն ու Գևորգը պառկել են նույն անկողնում: Հետո կինը Մանուկի ներկայությամբ սեռական հարաբերություն է ունեցել Գևորգի հետ:
Գևորգը մի անգամ էլ է հայտնվել: Այս անգամ, ըստ կնոջ, Մանուկն է Գևորգին մեքենայի մեջ սեքսուալ բնույթի ծառայություններ մատուցել:

Խմբակային սեքս է եղել նաև Մանուկի կնքահոր որդու հետ, ով պարբերաբար Մանուկին 2-3 հազար դրամ է տվել:
2013 թվականի նոյեմբերի 2-ին Մանուկը, խմած լինելով, վիճել է կնոջ հետ, ասել, թե մոտակա օրերին նորից խմբակային սեքս են անելու:

Կինը, իր ասելով, վերջնականապես հրաժարվել է: Մանուկը ծեծել է կնոջը: Կինը փախել, մտել է նկուղ: Ապա հարևանի մեքենայով երեխայի հետ գնացել է մոր տուն:Մայրն արդեն դիմել էր ոստիկանություն: Կինը ոստիկանությունում պատմել է ամեն բան…

Նախաքննական մարմնի կողմից հայտնաբերվել ու հարցաքննվել են Մանուկի հետ համացանցային ծանոթություն, ապա խմբակային սեքս ունեցած տղամարդիկ:

Ի պատասխան հաշտվելու՝ ամուսնու խնդրանքին, կինը հեռախոսային հաղորդագրությամբ պատասխանել է. «Իսկ որ ես էի քեզ խնդրում՝ ուրիշը չլինի մեր կյանքում, խի՞ չէիր լսում, թե՞ փողի ու հաճույքի կարիք ունեիր, ես էլ առաջվա հիմարը չեմ, էլ չզանգես, մոռացի մեզ… նոր կյանք սկսի, բայց նոր կնոջդ փողով չծախես…»:

Մանուկ Ե.-ն մեղավոր է ճանաչվել ու վերջին հաշվով դատապարտվել է 6 տարի ազատազրկման և 60 հազար դրամ տուգանքի: Պատժի սկիզբը՝ 2013 թվականի դեկտեմբերի 18-ից:

Այս դատավճռի դեմ վերաքննիչ բողոք էր բերել ամբաստանյալ Մանուկ Ե.-ն՝ խնդրելով բեկանել դատավճիռը և արդարացնել իրեն, որովհետև ինքը կնոջը սեռական շահագործման չի ենթարկել, նրան ոչնչի չի հարկադրել, նրա նկատմամբ բռնություն չի գործադրել:

Վերաքննիչ քրեական դատարանը ամբաստանյալի բողոքը անհիմն համարեց: Մանուկ Ե.-ի վերաքննիչ բողոքը մերժվեց:
Ընդհանուր իրավասության դատարանի դատավճիռը մնաց օրինական ուժի մեջ՝ անփոփոխ:

 


loading...
Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

Загрузка...

Այլ հոդվածներ Սևանցի տղամարդը, չնայած կնոջ աղերսանքներին, նրան ստիպել է խմբակային սեքսով զբաղվել  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի





на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Կանայք բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Կանայք | Ավելացրեց: haykblbulyan (17.12.16) | Հեղինակ: 1in.am W Դիտումներ: 30355 | Տեգեր: զբաղվել, նրան, խմբակային, աղերսանքներին, Տղամարդը, ստիպել, չնայած, սեքսով, Կնոջ, Սևանցի | - Վարկանիշ -: 0.0/0