RSS բաժանորդագրություն 

Загрузка...

Գլխավոր էջ » Կանայք

Կանայք... Տեսարաններ սարքելու մասին  210

Загрузка...
 
 

Խորագիրը՝  Կանայք,   


Կանայք... Տեսարաններ սարքելու մասին

  Հարցում

Դիտու՞մ եք հայկական սերիալներ


Կարդալ Top- հոդվածներ


Դուք արդյո՞ք տեսարաններ եք սարքում ձեր ամուսնուն և բարեկամներին, տիկին: Եթե դուք Միներվայի տեսք ունեք, ես ծայրաստիճան կզարմանամ, եթե դուք այդ միջոցին չեք դիմում: Տեսարան սարքելը կանանց սիրած զենքն է: Դա թույլ է տալիս նրանց միանգամից, զայրույթով լի հուզումնալից պոռթկումով հասնել այն բանին, ինչ հանգիստ վիճակում ապարդյուն կխնդրեին ամիսներ ու տարիներ: Այնուամենայնիվ նրանք պետք է հարմարվեն այն տղամարդուն, որի հետ գործ ունեն:

 

Կանայք... Տեսարաններ սարքելու մասին


Հանդիպում են այնպիսի դյուրագրգիռ տղամարդիկ, որոնք հաճույք են ստանում գժտություններից և իրենց վարմունքով կարող են կնոջը գերազանցել: Նրանց պատասխաններում զգացվում է նույն տաքարյունությունը:    

Նման     վեճերն     առանց     փոխադարձ կոպտությունների չեն լինում: Սկանդալից հետո լարվածությունը թուլանում է, երկուսի հոգին էլ խաղաղվում է, և հաշտեցումը բավականին քնքուշ է լինում: Ես ճանաչում եմ շատ կանանց, որոնք, տեսարաններ սարքելիս, չեն վախենում նաև ծեծից: Նրանք նույնիսկ թաքուն ձգտում են դրան, բայց երբեք դա չեն խոստովանում: «Իսկ եթե դուր է գալիս, որ ինձ դնգստե՞ն»,— ահա այդ անըմբռնելի հանելուկի բանալին: Տղամարդու մեջ ամենից առաջ հոգեկան և ֆիզիկական ուժը գնահատող կանանց մոտ իրենց հասցրած ապտակը միայն ջերմացնում է զգացմունքը:
— Նողկալի՛ է,— կբացականչեք դուք:— Ինձ վրա ձեռք բարձրացրած տղամարդն ինձ համար կդադարեր գոյություն ունենալուց: Դուք անկեղծորեն այդպես եք մտածում, բայց (լիակատար համոզվածության համար գուցե փորձեիք ինքներդ ձեզ: Եթե ձեր զզվանքը հաստատվի, դա նշանակում է, որ ձեզ մոտ հպարտությունն ավելի ուժևղ է, քան զգայունակությունը):

Նորմալ տղամարդը տանել չի կարող ընտանեկան ընդհարումները: Դրանք տղամարդուն ստորացուցիչ դրության մեջ են դնում, քանի որ այդ դեպքում նա, որպես կանոն, կորցնում Է նախաձեռնությունը: Եվ կարո՞ղ է արդյոք հավասարակշռված ամուսինը հաջողությամբ դիմադրել կատաղած պատգամախոսուհուն, որն իր եռոտանի կասկարայից հայհոյանքի հեղեղ Է թափում նրա վրա:
Շատ տղամարդիկ, հենց որ փոթորիկ է բռնկվում, նախընտրում են հեռանալ կամ, բաց անելով լրագիրը, դադարում են ուշադրություն դարձնել, թե ինչ Է կատարվում:

Պետք Է հիշել, որ ապաշնորհ խաղացված տեսարանը շուտ Է ձանձրացնում:
Բուն տեսարանն ինքնըստինքյան մեզ շատ բան Է բացատրում: Այն փոխ է առնված դերասաններից: Տպավորություն գործելու համար այն պետք է վարպետորեն խաղացվի: Դատարկ բաներից՝ միայն կուտակված զայրույթին ելք տալու համար սկսված տեսարանը պետք Է աստիճանաբար ուժ հավաքի՝ սնվելով բոլոր ծանր հիշողություններով, լրացվելով անցած գնացած վիրավորանքներով՝ չորս կողմը լցնելով հեկեկոցներով: Այնուհետև՝ հարմար պահին պետք է բեկում տեղի ունենա, հառաչանքները նվազում են, դրանց փոխարինելու են գալիս մտախոհությունն ու լուռ թախիծը, ահա և երևաց առաջին ժպիտն ու ամեն ինչի պսակը՝ ցանկասիրության պոռթկումը:

— Սակայն տեսարանն այդպես խաղալու համար կինը պետք Է գործի ըստ նախօրոք մտածված պլանի և ամբողջ ժամանակ տիրապետի իրեն...
Դուք իրավացի եք, տիկին: Ոչինչ չես կարող անել՝ թատրո՛ն Է: Տաղանդավոր դերասանուհին միշտ իրեն հաշիվ է տալիս, թե ինչ է ասում և անում: Ամենալավ տեսարանները նրանք են, որոնք սարքվում են կանխամտածված կերպով և նրբամտորեն խաղարկվում:

Այդ արվեստին տիրապետում են ոչ միայն կանայք: Նշանավոր զորավարները՝ Նապոլեոնը, Լիոտեն, հազվագյուտ էին զայրանում՝ միայն այն ժամանակ, երբ դա անհրաժեշտ էին համարում:     Բայց
այդ դեպքում արդեն նրանց զայրույթը կործանում էր բոլո՜ր անջրպետները: Լիոտեն զայրույթի պահին գետին էր նետում մարշալական կեպին և ոտքով տրորում այն: Այդպիսի օրերին նա դեռ առավոտյան իր հանձնակատարին ասում Էր.
— Հապա մի տուր իմ հին կեպին:
Օրինակ վերցրեք նրանից: Ձեր վրդովմունքը պահպանեք կարևոր հանգամանքների համար, եղեք ձեր արտասուքների հովիվը: Տեսարաններն արդյունավետ են միայն այն ժամանակ, երբ հազվագյուտ են: Այն երկրներում, ուր գրեթե ամեն օր ամպրոպ է շառաչում, դրանց վրա ոչ ոք ուշադրություն չի դարձնում:

Ինքս ինձ օրինակ չեմ բերի: Բնավորությամբ ես քիչ եմ ջղային, սակայն ես էլ տարին մեկ կամ երկու անգամ համբերությունից դուրս եմ գալիս, եթե չափազանց վրդովեցուցիչ որևէ անարդարություն կամ անհեթեթություն զրկում է ինձ սովորական հանգստից: Այդպիսի օրերին
բոլորն ինձ զիջում են: Անակնկալությունը հաղթանակի գրավականներից մեկն է: Տեսարանները թող քիչ լինեն, տիկին, բայց փայլո՛ւն:

___

Անդրե Մորուայի (1885 – 1967) «Նամակներ անծանոթուհուն» (1953) ստեղծագործության հասցեատերը գեղեցիկ մտացածին կինն է` մի հավաքական կերպար, որը մարմնավորում է գրողի իդեալը: Նամակագրության թեմաները  հասկանալի ու կարևոր են բոլորին` ինչպես դուր գալ, ինչպես պահպանել անհատականությունը, ինչպես հաջողության հասնել կյանքում, ինչպես հասնել երջանկության, ինչպես կառուցել ամուսնական կյանքը: Վերջինս Մորուայի համար մասնավոր հարց չէ. ընտանիքը նրա համար ամբողջ հասարակության մոդելն է, քանզի, նրա կարծիքով, միևնույն օրենքներն են կառավարում թե մարդուն, թե ազգին: Այդ պատճառով էլ գրողի բարոյական տրակտատներն անբաժան են նրա փիլիսոփայական և քաղաքական հրապարակումներից: 

 


15 առասպել սիրային վեճերի մասին

 


Ո՞ր ամուսնական զույգերն են երկար ապրում ընտանեկան վեճերի դերը

 


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ Կանայք... Տեսարաններ սարքելու մասին  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Կանայք բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Կանայք | Ավելացրեց: haykblbulyan (07.03.16) Դիտումներ: 210 | - Վարկանիշ -: 0.0/0