RSS բաժանորդագրություն 

Загрузка...

Գլխավոր էջ » Կանայք

10 միջոց՝ սիրելու ինքդ քեզ. (կանանց համար)  201

Загрузка...
 
 

Խորագիրը՝  Կանայք,   


10 միջոց՝ սիրելու ինքդ քեզ. (կանանց համար)

  Հարցում

Դիտու՞մ եք հայկական սերիալներ


Կարդալ Top- հոդվածներ


 
Սեր դեպի ինքդ քեզ, հենց այստեղից է սկսվում «Կատարյալ կին» ասվածը: Դժվար է պատկերացնել «Կատարյալ կին», որը չսիրի և չհարգի ինքն իրեն: Այդ պատճառով էլ առաջին քայլը, որ պետք է կանայք անեն, ինքն իրեն սիրելն է: Ինչպե՞ս փոխարինել չսիրելը սիրելով: Բազմաթիվ փորձերի արդյունքում  պարզվել է`
 
10 միջոց՝ սիրելու ինքդ քեզ. (կանանց համար)
 
1. Ուտելիք. իսկ ինչպե՞ս եմ ես այն ինքս ինձ համար պատրաստում: Պատրաստում եմ այն, ինչ այդ պահին ամենաարա՞գն է, սնվում եմ պատահած, ցանկացած խորտկարանում և ինձ համարում «Կատարյալ»: Սակայն «Կատարյալ» կինը երբեք այդպես չի վարվի ինքն իր հետ. ժամանակ կտրամադրի և կպատրաստի թեկուզ և ամենաբարդ ճաշատեսակը, սակայն չի վնասի իր տեսքն ու առողջությունը: Այդ պատճառով էլ ես հիմա փորձում եմ փոփոխել ինքս ինձ, դժվար է, սակայն, անհնարին չէ` եթե կա ցանկություն: Ես հիմա փորձում եմ պատրաստել ավելի համեղ և գեղեցիկ: Սովորում եմ ուտել գեղեցիկը:
 
2. Իսկ ինչպե՞ս եմ ես ուտում... շատ արագ, նշանակություն չունի ինչ ափսեից, թեկուզ և թավայից : Դիտեցի ես այս ամենին այլ տեսանկյունից և ինձ, անկեղծ ասած,  վատ զգացի: Սա հենց այն պատկերն է, որ ես ինքս ինձ չեմ հարգում և չեմ սիրում: Եվ սկսեցի փոփոխել ինձ` սնվել գեղեցիկ: Վերցրի գեղեցիկ ափսե, ուտեստը տեղափոխեցի ափսեի մեջ և մաքուր սեղանի շուրջ սկսեցի դանդաղ և վայելելով սնվել, զգալ սննդի իսկական համը: Փորձում եմ այժմ ժամանակս այնպես դասավորել, որ գեղեցիկ և հաճույքով սնվեմ:
 
3. Իսկ ինչպե՞ս ենք մենք հագնվում... ձեռքի տակ ընկած ցանկացած տաբատ, ցանկացած վերնաշապիկ և սպորտային կոշիկ` միայն թե հարմարավետ լինի: Այո՛, դա հարմարավետ է, սակայն  ժպիտ չի պարգևում, կանացիության ոչ մի նշույլ: Այդ պատճառով էլ ես սկսեցի քիչ-քիչ փոխել իմ զգեստապահարանի պարունակությունը: Ավելացրի կիսաշրջազգեստներ, շրջազգեստներ, գեղեցիկ ու կանացի վերնաշապիկներ և բարձրակրունկներ: Սկզբում անհարմար էր, անսովոր, սակայն այն ինձ դարձրեց ավելի գրավիչ, կանացի, նկատելի հակառակ սեռի ներկայացուցիչների կողմից: Նոր տեսքս, ինչու չէ` ավելացրեց նաև ինքնագնահատականս:
 
4. Դիմահարդարում: Ես առհասարակ չէի դիմահարդարվում, սակայն հիմա կարծում եմ, որ դիմահարդարումը փոփոխում է մեր ամբողջական տեսքը: Նայելով հայելու մեջ,  մեր հիանալի տեսքին` լցվում ենք ինքնավստահությամբ, հպարտությամբ և իհարկե սիրով: Պարտադիր է հիշել, որ ցանկացած դիմահարդարման մեջ, պետք է պահպանենք մեր բնական տեսքը:
 
5. Բնակարանի դասավորությունը: Այն պետք է այնպես դասավորել, որ ամեն ինչ մեզ ժպիտ պարգևի, մաքրություն, ճիշտ դասավորություն: Չէ՞ որ մենք լինելով մեր տան տերերը պետք է ամեն ինչ անենք մեր շրջապատը սիրով և գեղեցկությամբ լցնելու համար:
 
6. Նպատակ դնենք և ամեն կերպ հասնենք դրան: Սկզբնական թող լինի միայն ցանկություն, փորձենք այն նպատակ դարձնել և փնտրել ուղիներ՝ հասնելու համար: Եվ ամեն անգամ նոր նպատակին հասնելով մենք կերջանկանանք:
 
7. Ուրախացնենք և գովենք մեզ: Ինքներս մեզ հարցնենք, թե այս պահին մեր սրտիկը ինչ է ուզում և հենց այդ պահին կատարենք նրա ցանկությունը: Հարկավոր է օրվա ընթացքում մի քանի անգամ այդ հարցը տալ:
 
8. Կանայք պետք է սովորեն շփվել հայելու հետ, խոսեն իրենք իրենց հետ հայելու միջոցով: Նայեք նրա մեջ և ժպտացեք, հավատացեք ձեզ, նայեք ձեր աչքերին և այնտեղ խորություն տեսեք, ինքներդ ձեզ ասեք. «Ես կին եմ… ես գեղեցիկ կին եմ… ես արժանի եմ երջանկության… ես արժանի եմ ամենալավին» կամ՝ ասե՛ք ինքներդ ձեզ այն, ինչ ուրախացնում է:
 
9. Պարել: Կիսախավար լույս, հաճելի բույր, գեղեցիկ շրջազգեստ,  որում ես ինձ անկրկնելի եմ զգում, երաժշտություն, որից հոգիս էլ է երգում, և ես սկսում եմ պարել: Անկրկնելի կնոջ անկրկնելի պարը՝ գեղեցիկ և անմոռանալի:
 
10. Եվ ահա ժամանակն է թագադրվելու: Ինձ դուր է գալիս արթնանալ և ինձ թագուհի զգալ, փողոցով քայլել և էլի թագուհի լինել: Ես կին եմ, ես թագուհի եմ: Եվ այսպիսի փոխված մտքերով ես կքայլեմ հպարտ, գլուխս բարձր, չէ՞ որ,  ես թագուհի եմ:
 
Սիրելի կանայք, ինքներդ ձեզ թագադրեք և երբեք ձեր թագը վայր մի՛ դրեք: Հիշե՛ք՝ մենք ենք մեր հայելին` եթե մեզ թագուհի դարձնենք և այդպես ներկայացնենք, բոլորն էլ մեզ թագուհի կհամարեն:
ԴԱՐՁԵ’Ք ԹԱԳՈՒՀԻ ԵՎ ԵՐՋԱՆԻԿ ԵՂԵ’Ք
 
 

Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ 10 միջոց՝ սիրելու ինքդ քեզ. (կանանց համար)  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Կանայք բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Կանայք | Ավելացրեց: haykblbulyan (13.03.16) Դիտումներ: 201 | - Վարկանիշ -: 0.0/0