Գլխավոր էջ » Սիրո հոգեբանություն
Սերս անփոխադարձ է... ի՞նչ անել  231

Գլխավոր էջ » Սիրո հոգեբանություն 

Խորագիրը՝  Սիրո հոգեբանություն,   

Որքան էլ պատահական, անորոշ կամ մշուշոտ թվան ստորև շարադրված մտքերը, դրանցից յուրաքանչյուրն օժտված է կյանքդ ցնցելու յուրօրինակ ուժով: Փորձի՛ր մի քանիսն ու տես` ինչ շշմեցուցիչ հնարավորություններ են բացվում քո առաջ:

Հերթական շոկոլադե սալիկը կամ, ավելի վատ, ծխախոտն ու ալկոհոլը, անկասկած, անպատասխան սիրո ցավը մեղմելու միջոցներ չեն: Ուժեղ ու ինքնավստահ աղջիկները միշտ ավելի արդյունավետ տարբերակներ ունեն:

Հոգեբանի կարծիք

Շատ կարևոր է, որ նման իրավիճակում չմեկուսանաս: Հաճախ հանդիպիր ընկերներիդ, եղիր այն միջավայրում, որտեղ քեզ բոլորը սիրում են ու որտեղ դու միշտ ուշադրության կենտրոնում ես: Պարուրիր քեզ դրական էմոցիաներով: Եթե հնարավորություն ունես, փոխիր առօրյա միջավայրդ: Շատ լավ առիթ է արտասահման մեկնելու և ինքդ քեզ համար նոր բացահայտումներ անելու համար: Միայնության մեջ անցկացրած ժամերը փոխարինիր ֆիզիկական ծանրաբեռնվածությամբ: Սիրահարվածությունը հիասքանչ զգացմունք է: Եվ եթե այս անգամ ոչինչ չի ստացվել, պարզապես փորձիր գտնել այլ օբյեկտ:

Բա՛րև, նո՛ր օր: Քո առաջին խնդիրն ինքնակառավարումդ վերականգնելն է: Ողջ գիշեր լաց եղար: Դե, շատ ապրես, բայց առավոտյան դու ուղղակի պարտավոր ես նոր օրը դրական մտքերով ու սպասումներով սկսել: Պետք չէ պլանավորել, թե ինչպես կվարվես, եթե սրճարանում տեսնես նրան իր ընկերուհու հետ. չէ՞ որ երբ տեսնում ես քո կուրսի Արսենին ընկերուհու հետ, սուրճդ դրանից պակաս հաճույքով չես խմում:

Ժրաջան մեղու: Օրդ այնպես պլանավորիր, որ մի վայրկյան անգամ ազատ ժամանակ չունենաս նրա ու հատկապես նրա ընկերուհու գոյության մասին հիշելու համար: Երբեք որևէ գործնական հանդիպում մի՛ հետաձգիր: Աշխատանքային ժամի ավարտից հետո գնա լողավազան, շոգեբաղնիք կամ զբոսնիր մոտակա այգում. հաստատ կլիցքաթափվես: Գեղեցկացիր, գնիր երազանքներիդ զգեստը: Ինչու չէ, կարող ես մինչ ուշ գիշեր անցկացնել ակումբում ու պարել քեզ մոտեցած գեղեցկադեմ երիտասարդներից մեկի հետ: Գուցե հենց այդ օրը մի նոր ու հետաքրքիր սիրավեպի սկիզբ դնես:

Հոբբիների տարափ: Գտիր քեզ համար նոր հետաքրքրություններ, ու կարևոր չէ, թե դրանք ինչպես կդրսևորվեն: Լինի դա կակտուսների աճեցում, սպիտակ ու փափուկ կատուների բուծում, թե արտասահմանցու հետ իսպաներենով նամակագրական կապի պահպանում, բուն նպատակը մեկն է. դու դառնում ես շատ ավելի հետաքրքիր ու բազմակողմանի զարգացած անձնավորություն: Իսկ այդպես դու կարող ես նոր ծանոթներ ձեռք բերել: Ո՞վ գիտե, գուցե այդ նոր ծանոթների թվում լինի նաև քո երկրորդ կեսը: Սենյակի չորս պատի մեջ նստելով ու անդադար լաց լինելով՝ ոչնչի չես հասնի:

Ուղիղ համեմատական: Անընդհատ համեմատում ես քեզ նրա ընկերուհու հետ ու գալիս այն եզրակացության, որ վերջինս միանշանակ քեզնից լավն է ու գեղեցիկ: Չե՞ս հոգնել ինքդ քեզ տանջելուց: Յուրաքանչյուրն իր ուրույն ձևով է լավը: Ու եթե նա այժմ համբուրում է իր ընկերուհուն, այլ ոչ թե քեզ, դա աշխարհի վերջը չէ: Ուրախացիր, քանի որ դու դեռ ազատ ես ու ունես բոլոր հնարավորությունները հանդիպելու քո երազանքների ասպետին:

Ո՛չ մելոդրամներին: Գիտեմ, տունն անասելի ձգում է քեզ, ուզում ես նստել բազմոցին, շրջապատել քեզ քաղցրավենիքով ու դիտել քո ամենասիրած կինոնկարը, որտեղ սիրային տխուր պատմությունը միշտ երջանիկ ավարտ է ունենում: Ֆիլմեր դիտելը շատ հաճելի զբաղմունք է, բայց արի այս շրջանում ֆիլմադարանիդ մեջ փոփոխություններ անենք: Արկածային ու պատմական ֆիլմերը, կարծում եմ, տեղին կլինեն: Ի դեպ, նույնն էլ վերաբերում է գրքերին ու երաժշտությանը. միայն աշխույժ ու հետաքրքիր և ոչ թե դառը հիշողություններ արթնացնող:

Ու գիտես` ինչ, հագիր քո ամենասիրելի այն կարմիր զգեստը, կանգնիր հայելու առջև, ժպտա ինքդ քեզ ու գնա զբոսնելու:

Ըստ Մարգարիտա Եսոյանի


Ինչպե՞ս դադարել տառապել անփոխադարձ սիրուց

Խորագիրը՝  Սիրո հոգեբանություն,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Սիրո հոգեբանություն բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017
Powered by Jasper Roberts - Blog