Գլխավոր էջ » Տղամարդիկ
Քողարկված հոմոսեքսուալների մասին  3669

Գլխավոր էջ » Տղամարդիկ 

Խորագիրը՝  Տղամարդիկ,   


ԵՊԲՀ սեքսապաթոլոգիայի ամբիոնի վարիչ, 
սեքսապաթոլոգիայի կլինիկայի ղեկավար, 
դոցենտ Սևադա Հակոբյան


Քողարկված հոմոսեքսուալիզմ. Ուժերի գերլարումով կնոջ հետ ունենում են էպիզոդիկ սեռական կյանք, ապա բաժանվում

«Քողարկված հոմոսեքսուալիզմը իրենից ներկայացնում է անհատի հոմոսեքսուալ կողմնորոշում, որը նա թաքցնում է բոլորից: Ըստ էության, քողարկված հոմոսեքսուալիզմը դրսևորվում է ինքնարտահայտման անկարողությամբ և գտնվելով փնտրտուքների մեջ կամ չունենալով սեքսուալ կյանք փորձում են թաքցնել իրենց հակումները ամուսնության միջոցով»,- «Առաջին լրատվական»-ի հետ զրույցում ասաց ԵՊԲՀ սեքսապաթոլոգիայի ամբիոնի վարիչ, սեքսապաթոլոգիայի կլինիկայի ղեկավար Սևադա Հակոբյանը:

Ըստ նրա՝ այդպիսի երիտասարդները ունենալով դեռևս տարաբնույթ սեքսուալ ֆանտազիաներ գտնվում են ներ-և/կամ միջանձնային կոնֆլիկտային իրավիճակներում:

«Այդպիսի անհատների շրջանում առաջանում է հակասություն, որոշ ժամանակ նրանք չեն ռեալիզացնում իրենց սեռական կյանքը կամ ունենում են էպիզոդիկ փորձեր, որոնք կարող են լինել ինչպես հոմոսեքսուալ, այնպես էլ հետերոսեքսուալ բնույթի: Սա, ըստ էության, բիսեքսուալիզմի էլեմենտներ է պարունակում»,- նշեց նա:

Սեքսապաթոլոգն ասաց, որ ժամանակի ընթացքում` կախված նրանից, թե որ ուղղությունը կգերակշռի անհատի մոտ, նա կողմնորոշվում է: Այսպիսի մարդիկ վարքային որևէ առանձնահատկությամբ աչքի չեն ընկնում, փորձում են թաքցնել իրենց սեռական կողմնորոշումը: Նրանք դա քողարկելու համար պատրաստ են նույնիսկ ամուսնանալ: 

«Ստեղծելով ընտանիք` նրանք որոշակիորեն կարողանում են հասարակության կասկածները ցրել, ուժերի գերլարումով կնոջ հետ ունենում են էպիզոդիկ սեռական կյանք՝ զուտ երեխաներ ունենալու համար»,- նկատեց մասնագետը: 

Ինչպես նշեց Սևադա Հակոբյանը, նման դեպքերում անհատը չի կարողանում այդ փորձությունը հաղթահարել, ինչի պատճառով կանանց մեծ մասը դիմում է բժշկի օգնությանը` հայտնելով, որ ամուսնու մոտ նկատում են գաղտնի էրոտիկ ֆիլմերի դիտում կամ ձեռնաշարժություն: 

«Փորձը ցույց է տալիս, որ նման դեպքերում մի քանի հանդիպումից հետո տղամարդը խուսափում է գնալ բժշկի, երբ բժիշկը փորձում է բացահայտել խնդրի էությունը: Սա անխուսափելիորեն հանգեցնում է ընտանիքի քայքայման»,- ասաց սեքսապաթոլոգը: 

Սևադա Հակոբյանը հավելեց, որ դիմակավորված հոմոսեքսուալիզմը բնորոշ է ոչ միայն մեր հասարակությանը: Դա պայմանավորված է անհատի քողարկման, դիմակավորման ներքին հակումով, երբ նա ունի նույնասեռական կողմնորոշում:

Աղբյուր

Խորագիրը՝  Տղամարդիկ,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Տղամարդիկ բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017