Գլխավոր էջ » Երկուսով
ԶԳԱՑՄՈՒՆՔՆԵՐԻ ՓՈՐՁՈՒԹՅՈՒՆ. Որտե՞ղ նշել Նոր տարին զուգընկերոջ հետ  2477

Գլխավոր էջ » Երկուսով 

Խորագիրը՝  Երկուսով,   


Նոր տարին սիրելիի հետ

ԴԵՄ ԱՌ ԴԵՄ

Առավելություններ
Եթե ձեզ սիրահետող տղան առաջարկում է Նոր տարին անցկացնել առանձին, դա խոսում է նրա մտադրությունների լրջության մասին: Մանկուց մենք սովոր ենք ամանորը դարձնել մի անսովոր ու անմոռանալի հուշ, բացի այդ` ժողովրդական խոսքն իզուր չի ասում. «Ում հետ Նոր տարին դիմավորես, նրա հետ էլ այն կանցկացնես»: Սա հիանալի հնարավորություն է  հարաբերությունները տեղափոխելու սկբունքորեն նոր մտերմության մակարդակ:

Թերություններ
Պատրաստ եղեք նրան, որ երկուսով անցկացրած մեկ ամանորյա երեկոն կարող է լակմուսի թղթի նման վերհանել ձեր հարաբերությունների բոլոր թերի կողմերը: Օրինակ` տոնակատարության տեղը, համապատասխան համերգային շոու-ծրագիրն ընտրելիս կամ ճաշացանկը համաձայնեցնելիս` կարտահայտվի փոխզիջման գնալու ձեր կարողությունը, կամ էլ դրա բացակայությունը: Իսկ նվերները ցույց կտան, թե որքանով գիտեք իրար նախասիրություներն ու ճաշակը:

ԱՄԱՆՈՐԸ  ՆՐԱ  ԸՆԿԵՐՆԵՐԻ  ՀԵՏ


Առավելություններ
Չշփոթվեք, եթե ձեր զուգընկերը հրավիրի Նոր տարին անցկացնելու իր ընկերախմբի հետ: Տղամարդկանց համար շատ կարևոր է, թե ինչ տպավորութուն է թողնում իրենց ընտրած աղջիկը ընկերների վրա: Հագնվեք պերճաշուք, բայց ոչ «ճչացող» մի՛ չարաշահեք ալկոհոլը, եղե՛ք հավասարաչափ սիրալիր ու բարեհամբույր բոլորի հետ:

Թերություններ
Կա ռիսկ, որ ընկերախումբը կարող է կազմված լինել տաղտկալի ու «հոգնած» մարդկանցից, ովքեր Նոր տարի նշել ասելով հասկանում են միայն ուտելն ու միապաղաղ կենացներ ասելը: Այս դեպքում երեկոյի կեսից կարող եք առաջարկել, համոզել նրան շարունակել ուրախությունը ձեր ընկերական շրջապատում, եթե, իհարկե, նա ի վիճակի կլինի նոր այցելության:

ՈՂՋՈՒ՛ՅՆ, ՏԻԿԻՆ ՎԱՐԴՈՒՀԻ...

Առավելություններ
Նոր տարին հիանալի առիթ է ծանոթանալու զուգընկերոջ ընտանիքի և նրա ավանդույթների հետ: Տոնական թոհուբոհի ընթացքում նրա ծնողները դժվար թե շատ խստապահանջ  զննեն ու քննեն ձեզ, իսկ դուք, ընդհակառակը, «կուսումնասիրեք» նրանց` ինչպես հարկն է:

Թերություններ
Բնականաբար, կա հնարավոր հեռանկարը, որ դուք ամբողջ երեկոյի ընթացքում կլսեք նրա մոր պատմությունները, օրինակ,  թե ինչպես էր փոքրիկ որդյակը հիանալի ջութակ նվագում  ցածր դասարաններում... Բայց ավելի ուրախ ու երիտասարդական ընկերախմբով տոնը կարելի է նշել, ինչու չէ, հունվարի 1-ին: Այնպես որ` հավանական սկեսուրի համակրանքին արժանանալու համար արժի թեկուզեև մի քիչ միապաղաղ անցկացնել տոնական օրերից մեկը:  

ԿՅԱՆՔԻ ՈՒՂԻՆԵՐՈՎ

Առավելություններ
Համատեղ ճամփորդությունը և հանգիստը ձեզ կնվիրեն ընդհանուր տպավորությունների ու հիշողությունների ուրախությունը, հիշողություններ, որոնք պատկանում են միմիայն ձեզ: Կտրվելով առօրեական դարձած դեմքերից ու փողոցներից` դուք կկենտրոնանաք միմյանց վրա, ինչը կօգնի ավելի լավ հասկանալ ձեր զուգընկերոջը, ինչպես նաև` ինքներդ ձեզ:

Թերություններ
Չնախատեսված վեճի ժամանակ ոչ ոք չի լինի, ում կարող եք օգնության դիմել, ուստի հնարավորության դեպքում փաստաթղթերը, դրամը և հետադարձ տոմսը պահեք ձեզ մոտ:

                                                                                                         

Խորագիրը՝  Երկուսով,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Երկուսով բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017