RSS բաժանորդագրություն 

Загрузка...

Գլխավոր էջ » Երկուսով

ԹԵՄԱ. «Հայկական սիրո առանձնահատկությունները»  328

Загрузка...
 
 

Խորագիրը՝  Երկուսով,   


ԹԵՄԱ. «Հայկական սիրո առանձնահատկությունները»

  Հարցում

Դիտու՞մ եք հայկական սերիալներ


Կարդալ Top- հոդվածներ


ԹԵՄԱ. «Հայկական սիրո առանձնահատկությունները»

Գոռ Բադումյան.- Հայ աղջիկները շատ կանացի են, հավատարիմ, ազնիվ: Ունեն շատ ազգային բնավորություն, բայց հիմա քայլում են ազգայինը կորցնելու ճանապարհով:
Հայկական սիրո «նպատակը» բոլորիս մոտ նույնն է` սերնդի շարունակություն: Հայ տղամարդը հայ աղջկան սեր խոստովանելիս կամ ամուսնության առաջարկություն անելով՝ նախևառաջ աղջկա մեջ իր երեխաների ապագա մորն է տեսնում: Հայ աղջիկների ամենամեծ թերությունն այն է, որ երբ սիրահարվում են, թողնում են սովորելը, չեն ցանկանում աշխատել, իրենք իրենց պահվածքով տղաներին ստիպում են, որ իրենց ղեկավարեն ու իրենց փոխարեն որոշումներ ընդունեն:


Տաթևիկ Ազիզյան.- Տղաներն այսօր շատ են փոխվել: Համեմատել անգամ հնարավոր չէ հայ երիտասարդներին 20 տարի առաջ և հիմա: Առաջ կար հարգանք աղջիկների ու կանանց հանդեպ անխտիր բոլորի մոտ: Այսօր փողոցում աղջիկների կողքին կանգնած հայհոյում են, խոսում անպարկեշտ թեմաներից, գռեհիկ ռեպլիկներ նետում...

Հայկական սերը... Եկեք լսենք մեր բոլոր հին հայկական երգերը...

Ամեն երգում կա հետևյալը՝ «սերս գաղտնի թող մնա... »: Հենց այս էր ժամանակին հայկական սիրո առանձնահատկությունը: Հիմա մենք կորցրել ենք մեր ազգայինը, նմանվել ենք եվրոպացիներին:     Մնում է միայն, որ աղջիկը հավաքի իրերը ու հայտարարի, որ գնում է ապրելու առանձին:

Ամեն անգամ սիրելուց ամեն ինչ անում ենք՝ մոռանալու նախորդին: Սխալ է: Յուրաքանչյուր սիրո զգացում կերտում է քեզ, դարձնում այնպիսին, ինչպիսին պիտի լինես:

Աշոտ Խուրշուդյան.- Հայ աղջիկներն օրեցօր ավելի են ձգտում ամուսնության՝ նյութական հիմքի վրա, հաճախ առանց զգացմունքների: Տխուր է շատ:
Գիտե՞ք, սիրո մեջ կարևորը ընդհանուր հետաքրքրություններն են, հայացքների մոտիկությունը: Մենք՝ հայերս, սիրուց սպասում ենք մենք էլ չգիտենք, թե ինչ: Միայն թե հասարակությունն այս չմտածի, միայն թե այն չմտածի:

Սուսաննա Կարապետյան.- Հայ տղամարդիկ չգիտեն գնահատել իրենց կողակցին ու հայ աղջկան: Նրանց համար միշտ Էլ գեղեցիկ են օտարերկրացի աղջիկները, հեռուստատեսային աստղերը: Հայերը «թեթև» սիրել չգիտեն: Ցանկացած սեր դարձնում են սերիալ: Երբեմն պետք չէ լրջացնել հարաբերությունները, այլ ժամանակ անցկացնել, ձեռք բերել լավ ընկեր:

Սամվել Սեղբոսյան.- Հայ աղջիկները հաճախ միջավայրին ոչ համապատասխան են իրենց պահում, սիրում են խոսել բարձրաձայն ու «ապրում» են հարևանների կյանքով: Բայց հայ աղջիկները շատ օգնող-հասնող են: Չեմ ուզում փնովել հայ աղջիկներին, նրանք «ջիգյար» ունեն: Հայկական սե՞ր: «Կիկոսի մահը» հեքիաթը լսել եք, չէ՞: Հայկական սիրային հարաբերությունները հիշեցնում են այդ հեքիաթը:
Ամեն հայ աղջիկ առաջին իսկ հանդիպմանը մտովի ամուսնանում է, բողոքում սկեսուրից, երեխաների դաստիարակությունից, ամուսնու խմելուց, բողոքում ու՝ «Վայ, Կիկոս ջան, վայ, բալա ջան»:

Արուսյակ Նազարյանց.- Հայ տղաներն իսկական լեռնցի են: «Ծուռ» ու լեռնցի: Քարե կոպտություն կա հայ տղամարդու մեջ:

Կարեն Կարապետյան.- Այսօր մեր աղջիկները 2 ծայրահեղ բևեռներում են. կամ ամբողջովին հայ են՝ իրենց պահվածքով, էությամբ, կամ մոռացել են հայերենը: Սիրո մեջ սիրելիի գլխին մեկ տաք ջուր են լցնում՝ ամբողջ օրը կրկնելով՝ ես քեզ սիրում եմ, մեկ սառը ջուր՝ դու ինձ չես սիրում, ապացուցիր: Հայկական սերը զերծ է «հարազատության» զգացումից: Հայ սիրահարները միշտ մնում են այդ կարգավիճակում, նրանք որպես ընկերներ չեն շփվում:

Լիանա Սարուխանյան.- Հայ տղաները «թասիբով» են ու իրենց տեղն ու դիրքը լավ գիտեն: Հայկական ցանկացած ավանդապաշտ սիրող զույգ պարտադիր հանձնում է «սկեսուր-զոքանչ պետական քննությունը»: Եթե հանձնեցին, ուրեմն սեր է, եթե ոչ, ուրեմն՝ սիրահարվածություն: Բա հայկական չէ՞:
***

Ապրեք սիրով, հավատով ու հույսով: Արարեք ձեր սիրո խենթ ու խելառ մոլորակը ու մի՛ վախեցեք սիրելուց ու երբեք մի՛ լռեք ձեր սիրո մասին: Ամենակարևորը՝ գնահատեք միմյանց ներկայությունը ու ներկան, քանզի երբեք չեք կարող իմանալ, թե ինչ անակնկալ է ձեզ համար նախապատրաստել բացվող առավոտը:

Մի շոտլանդական առած կա. «Ես սիրում եմ քեզ, որովհետև քո մեջ է կյանքը, և անչափ սիրում եմ կյանքը, որովհետեւ դու այնտեղ ես»...


Պատրաստեց Լուսին Մկրտչյանը:


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ ԹԵՄԱ. «Հայկական սիրո առանձնահատկությունները»  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Երկուսով բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Երկուսով | Ավելացրեց: haykblbulyan (10.03.16) Դիտումներ: 328 | - Վարկանիշ -: 0.0/0