Գլխավոր էջ » Երկուսով
Ինչպե՞ս պահպանել սիրային հարաբերությունները. պատասխանում են երիտասարդները  851

Գլխավոր էջ » Երկուսով 

Խորագիրը՝  Երկուսով,   


Հայաստանից Ինչպե՞ս պահպանել սիրային հարաբերությունները. պատասխանում են երիտասարդները«Պետք է պատրաստ լինել փոփոխությունների, միապաղաղությունը կարող է փչացնել հարաբերությունները»,- ասում է 20-մայա Ռոզան: Մեր հարցին, թե ինչը կարող է ամրապնդել սերը, որ այն չկորչի՝ նա պատասխանում է. «Պետք է անկեղծ լինել, բայց նաև առեղծվածային, որ նա միշտ ձգտի ունենալ քեզ իր կողքին, չպետք է ճնշում գործադրել զուգընկերոջդ վրա, նաև անհրաժեշտ է քիչ խանդել»: 25-ամյա Արայիկի կարծիքով՝ անհրաժեշտ է զիջող և համբերատար լինել. «Երկուսն էլ պետք է լսեն իրար, քիչ կռվեն, շատ հանդիպեն ՝ընդգրկելով նաև ընդհանուր ծանոթներին, որեսզի հետաքրքիր և հիշվող լինի»,-ասում է նա: 18-ամյա Նանեն էլ կարծում է ՝ երբեմն պետք է անել քայլեր, որ դեռ չես փորձել. «Մի քիչ խենթություն, տեղ եկած ժամանակ էլ կամակորություն է պետք»,-ասում է նա: Հավելում է. «Ժամանակ առ ժամանակ էլ հարկավոր է 3-րդ անձ գտնել նրան խանդեցնելու և սիրած էակին կորցնելու վախ առաջացնելու համար»: Իսկ 24-ամյա Աննայի կարծիքով` հարաբերությունները չվտանգելու համար անհրաժեշտ է շուտ ամուսնանալ. «Հիմա մարդիկ ուզում են իրար երկար ճանաչեն, բայց չգիտեն, որ 4 տարի իրար հետ շփվելով նույն կետով են շարժվում, պետք է նշանադրվեն ու շուտ ամուսնանան, որպեսզի հետաքրքրություն մտցնեն» ,-ասում է նա: Շատերը ևս կիսում են Աննայի կարծիքը: Սակայն պետք է նկատել, որ ամուսնական դժվարությունները, հոգսերը ևս կարող են պատճառ լինել հարաբերությունների կործանման: Երբեմն զույգերն ավելի են հեռանում իրարից, արդյունքում հետևում է միօրինակ կյանքը կամ ամուսնալուծությունը:

 «Սերն ամենօրյա աշխատանք է, այն պետք է մշտապես ուշադրության կենտրոնում լինի, իսկ աշխատակիցները պետք է լինեն զույգերը, ուրիշ ոչ մեկ մեղավոր չէ նրանց զգացմունքների հմար»,-ասում է հոգեբան Աննա Վարդանյանը: Հավելում է ՝ պատահում է՝ գալիս է մի ժամանակ, երբ սիրահարները հոգնածություն են զգում: Շատերն արտաքին խնդիրների պատճառով կամ պարզապես առանց երկար մտածելու հրաժարվում են իրենց «աշխատանքից» ՝ վշտացնելով մի սիրտ»: Աննա Վարդանյանի խոսքով՝ այդ ժամանակ է, որ շատ «լքվածներ», չհամակերպելով իրականության հետ, դիմում են ծայրահեղ միջոցների՝ ինքնասպանության, ոմանք էլ իրենց հարաբերությունները փրկելու համար դիմում են սեռական հարաբերությունների օգնությանը:

«Պետք չէ ֆիզիկական «փրկություն»: Սխալ մոտեցում է: Սերը պահպանելու համար անհրաժեշտ է բավարար էներգիա, հանգստություն, ինչու չէ նաև ժամանակ, օրինակ՝ հաճելի օր անցկացնել բնության գրկում: Կարևոր է, որ պահպանվեն ընդհանուր հետաքրքրությունները: Բայց ամենակարևորն է պահպանել փոխադարձ հարգանքն ու վստահությունը»,-ասում է նա:

 
Նազենի Բաղդասարյան

Խորագիրը՝  Երկուսով,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Երկուսով բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017
Powered by Jasper Roberts - Blog