Գլխավոր էջ » Երկուսով
Ինչպե՞ս կողքիդ պահել տղամարդուն. հոգեբան Կելլի Ֆլանագանի նամակը դստերը  325

Գլխավոր էջ » Երկուսով 

Խորագիրը՝  Երկուսով,   

Հոգեբան Կելլի Ֆլանագանն իր դստերը նամակ է գրում ամեն ինչի մասին` որպես իմաստուն խորհուրդներով լի ուղերձ ապագայի համար: Ինչպես գրում է ADME.ru-ն` այս նամակը հոգեբանը գրել է դստերը, սակայն ցանկանում է նվիրել բոլոր հասուն կանանց:

 

«Փոքրի'կս,

Վերջերս մայրիկիդ հետ ինչ-որ բան էինք փնտրում Google-ում, որի պատասխանների մեջ որոնողական համակարգը բերեց ամենատարածված որոնումները, որոնց ցուցակը գլխավորում էր «Ինչպե՞ս կողքիդ պահել տղամարդուն» հարցը:
 
Փոքրի՛կս, դու երբեք նման խնդիր չես ունենա` «կողքիդ պահել տղամարդուն»:

Քո միակ խնդիրը հիշելն է, որ դու արժանի ես լավ մարդու սիրուն: Պահպանի՛ր այդ վստահությունը հոգուդ խորքում, որտեղ այն չեն կոտրի մերժումներն ու եսասիրությունը, որոնց հանդիպում ենք կյանքի ճանապարհին: Եթե հիշես, որ ո՛չ միայն դու, այլև`ցանկացած մարդ արժանի է հարգանքի և սիրո, կյանքիդ պայքարում հաղթանակած կլինես:

Եթե հավատաս, որ դու արժանավոր ես այնպիսին, ինչպիսին կաս, ապա կգրավես այն տղային, ով կգնահատի քեզ, և ում հետ կցանկանաս անցկացնել քո միակ կյանքը:

Փոքրի՛կս, ուզում եմ խոսել քեզ հետ տղայի մասին, ով կարիք չունի, որ իրեն համոզեն, քանի որ ինքը կցանկանա լինել քո կողքին:

Կարևոր չէ` ճի՞շտ է նա դնում արմունկները սեղանին, թե՞ ոչ, գլխավորը, որ նա աչքը չկտրի քո քթիկից, երբ դու ծիծաղելի դեմք ընդունես` լցնելով սենյակը ծիծաղով:

Կարևոր չէ` կարո՞ղ է նա գոլֆ խաղալ, թե՞ ոչ, գլխավորը, որ նա կարողանա խաղալ երեխաների  հետ, որոնց դու նրան կպարգևես, և նկատել հիացմունքով կամ վրդովմունքով, թե որքան նման են նրանք քեզ:

Կարևոր չէ` որքան առնական է նա, գլխավորը, որ նա ուժ գտնի՝ թույլ տալու քեզ ցույց տալ քո սրտի ուժը:

Կարևոր չէ` ինչ գույնի մաշկ ունի նա, եթե կարողանա ձեր համատեղ կյանքը լցնել համբերատարության, նրբության և մեկը մյուսի համար զոհաբերվելու  գույներով:

Կարևոր չէ` ինչ կրոն է նա դավանում, գլխավորը, որ նա յուրացնի, որ կյանքում կան սուրբ բաներ, և իմանա, որ կյանքի յուրաքանչյուր րոպեն և քեզ հետ կյանքի յուրաքանչյուր րոպեն սրբազան են:

Եվ վերջում, փոքրի՛կս, եթե հանդիպես նման տղամարդու, և նա ինձ հետ ոչ մի ընդհանրություն չունենա, մենք միևնույն է` կունենանք ամենագլխավոր ընդհանուր արժեքը կյանքում` ՔԵԶ:

Արդյունքում միակ բանը, որ դու պիտի անես «նրան պահելու» համար, ինքդ քեզ նման լինելն է:

Միշտ քեզ սիրող տղամարդ՝
Հայրիկ»:

 


 

Խորագիրը՝  Երկուսով,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Երկուսով բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017