RSS բաժանորդագրություն 

Загрузка...

Գլխավոր էջ » Հայտնիներ

Այդ ֆիլմի համար ես անգամ եղունգներս կարճացրի, սկսեցի գրեթե չշպարվել. Մերի Մակարյան  1443

Загрузка...
 
 

Խորագիրը՝  Հայտնիներ,   


Այդ ֆիլմի համար ես անգամ եղունգներս կարճացրի, սկսեցի գրեթե չշպարվել. Մերի Մակարյան

  Հարցում

Դիտու՞մ եք հայկական սերիալներ


Կարդալ Top- հոդվածներ


Life.panorama.am-ը զրուցել է հաղորդավարուհի, դերասանուհի Մերի Մակարյանի հետ:

- Մերի, այժմ տեսնում ենք Ձեզ «Առաջնորդները» հեռուստասերիալում, աշնանային եթերաշրջանի հետ կապված նոր ծրագրեր չկա՞ն:

-Աշնանը, իմ տեղեկություններով, կվերսկսվեն «6-րդ զգայարանի» նկարահանումները, բայց ժամկետներ նշել չեմ կարող: Անկեղծ ասած՝ դեռ «Առաջնորդները» հեռուստասերիալից առաջ 20 մասանոց ֆիլմում եմ նկարահանվել, որի հեռարձակումն անընդհատ հետաձգվում է, գուցե աշնանային եթերաշրջանում թե մենք՝ դերասաններս, թե հեռուստադիտողը տեսնի այդ ֆիլմը, որի ռեժիսորն է տաղանդավոր մարդ Հարութ Շատյանը: Այս ֆիլմում մարմնավորում եմ գլխավոր հերոսուհուն, ով դժվար կյանքով է  ապրում. նա սկզբում սպասուհի է լինում, նրան շատ են ոտնահարում, սակայն հետագայում իր ուժեղ տեսակի շնորհիվ կարողանում է առաջ շարժվել ու բոլորից վրեժ լուծել:

- Մի անգամ նշել էիք, որ խեղճ կնոջ չեք մարմնավորի, ինչպե՞ս ստացվեց, որ համաձայնվել եք  նման դերով հանդես գալ:

- Գիտեք, իմ հերոսուհին ոչ թե խեղճ աղջիկ է, այլ սովորական մեկն է, ով փող չունի, ով դառնում է մի տղայի խաբեության զոհը, որից հետո նա ստիպված է լինում աշխատել որպես սպասուհի: Բայց հետագայում, նա կարողանում է գնալ երկրից, հարստանալ ու վրեժ լուծել: Ես հենց սկզբից էլ ասել էի, որ ինձ չեմ պատկերացնում խեղճ ու անընդհատ լացող աղջկա դերում: Միշտ էլ դերասանը սկզբում փորձում է ընկալել իր դերն, ապա սիրել այն ու ավելի ճիշտ ներկայացնել: Այստեղ կերպարս մարմնավորելու հետ խնդիրներ չառաջացան, քանի որ լավ թիմի հետ էի աշխատում:

 

– Ի վերջո՝ ինչո՞ւ Ձեզ Ձեր նշած խեղճ ու լացող կնոջ դերերում չեք պատկերացնում, չէ որ դերասնը պետք է յուրաքանչյուր կերպարով հանդես գա: Վախ չունե՞ք Ձեր կերտած կերպարների հետ նույնացվելու, հատկապես որ «Դժվար ապրուստ» սերիալում ունեցաք նման նախադեպ՝ Ձեզ մարդիկ ընկալում էին որպես բացասական մարդու:

- «Դժվար ապրուստ»-ում եւս ես շատ եմ լաց եղել, այնպես չէ, որ տխուր տեսարաններ չեմ ունեցել: Բայց լացելու համար էլ տարբեր իրավիճակներ կան, շատ կարեւոր է, թե ինչի համար ես լաց լինում ու ինչ է ես ուզում դրանով ասել: Թույլ մարդն իրեն անընդհատ գտնում է արցունքների մեջ, բնությունն է  այդպիսին՝ տղամարդիկ կռիվ են տալիս, հայհոյում են, կանայք՝ լաց լինում:  Բայց ես շատ եմ կարեւորում, թե ինչ իրավիճակում ես դու արտասվում: Իսկ թե ինչո՞ւ եմ նման բան ասել, պետք է նշեմ, որ խնդիրը նրանում է, որ մեր երկրում դերասանն իր միջոցներով է հարդարվում, հագնվում, գնում մատնահարդարի մոտ: Այս պարագայում ես միշտ խնամված տեսք ունեմ, իմ վարսերը միշտ հարդարված են, ես հետեւում եմ, որ իմ եղունգները լինեն միշտ հարդարված, շպարն իր տեղում լինի, այսքանից հետո ես ինչպե՞ս կարող եմ խեղճ աղջկա մարմնավորել, իմ արտաքինը ուղղակի չի համապատասխանի դրան: Իհարկե, լավ առաջարկի դեպքում ես կհամաձայնվեմ ու ամեն ինչ կանեմ, որպեսզի համապատասխանեմ կերպարին, ինչը եղավ վերընշված  ֆիլմի ժամանակ, երբ մարմնավորեցի սպասուհու: Այդ ֆիլմի համար ես անգամ եղունգներս կարճացրի, սկսեցի գրեթե չշպարվել: Բայց այսքանից հետո, միեւնույն է, ինձ խեղճ ու կրակ կերպարում չեմ կարողանում պատկերացնել:

- Գուցե նման տեսակետ ունենալու պատճառը Ձեր բնավորությո՞ւնն է, իրականում ուժե՞ղ կին եք Ձեզ համարում:

- Չէի ասի, որ դա բնավորության հետեւանք է: Շատ հնարավոր է, որ իրականում խեղճ ու կրակ աղջիկն իրեն տեղն եկած դեպքում ավելի ուժեղ պահի, քան ես, որ արտաքնապես ուժեղ եմ երեւում:

- Մերի, իհարկե, հասկանալի է, որ դերասանի էությունն է կարողանալ միաժամանակ մի քանի կերպար կերտել, բայց արդյոք շփոթություն չի առաջացնում նույն ընթացքում տարբեր գործերով զբաղվելը:

- Այն ընթացքում, երբ միաժամանակ նկարահանվում էի եւ «Առաջնորդներ»-ում, եւ այդ 20 մասանոց ֆիլմում, ու դրանց էլ զուգահեռ աշխատում էի ակումբում, ընթացքում էլ տարբեր հաղորդումների մասնակցում, ինչ խոսք, իսկական խառնաշփոթ էր տիրում: Իսկապես բարդ է միաժամանակ մի քանի նախագծերում տարբեր հերոսուհիների մարմնավորել: Ամեն ինչ էլ ավելի է բարդանում վերը նշված պայմաններից ելնելով, երբ դերասանն իր միջոցներով է իր կերպարով զբաղվում: Դերասանի հետ պետք է երկար աշխատել, դա շատ կարեւոր է:

- Այս առումով ի՞նչ գնահատական կտաք մեր հեռուստաֆիլմերին:

- Մեր երկրում այդ ոլորտը թույլ է: Ես չեմ ուզում փնովել, քանի որ այդտեղից ես գումար եմ վաստակում, հեռուստաֆիլմերի շնորհիվ ես շարունակում եմ լինել հեռուստադիտողի աչքի առաջ ու շատ շնորհակալ եմ այս ամենի համար, սակայն այն, ինչ որ մենք ենք անում այս ոլորտում, դա ուղղակի չգիտեմ ինչ է, կարծում եմ՝ ուրիշ ոչ մի երկրում նման վերաբերմունք չկա, ու մեզ՝ դերասաններիս, կարելի է հերոսներ անվանել: Պետք է հասկանալ, որ օրինակ ես հնարավորություն ունեմ նկարահանումից առաջ գնալ գեղեցկության սրահ, պատշաճ հագնվել, գուցե այն մյուսը չունի այդ հնարավորությունը: Դերասանը չպետք է մտածի իր վարսերի ու հագուստի մասին, նա միայն իր դերով պետք է զբաղված լինի: Մեր երկրում իսկապես հեռուստասերիալում խաղացող դերասանին վերաբերվում են այնպես, որ անգամ չգիտեմ ինչ բառով բնորոշեմ: Չգիտեմ՝ ինքս ինձ համար փորձում եմ արդարացում գտնել, որ հնարավոր չէ երկարաշունչ սերիալներում դերասանի նկատմամբ մշտական ուշադրություն ցուցաբերել: Ինչեւէ, այն, որ այսքանից հետո սերիալները մեծ վարկանիշ ունեն, դա եւս արդեն շատ կարեւոր է:

Հեղինակ՝ Անուշիկ Մելքոնյան


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ Այդ ֆիլմի համար ես անգամ եղունգներս կարճացրի, սկսեցի գրեթե չշպարվել. Մերի Մակարյան  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Հայտնիներ բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Հայտնիներ | Ավելացրեց: haykblbulyan (19.10.16) Դիտումներ: 1443 | Տեգեր: ֆիլմի, սկսեցի, Ես, այդ, կարճացրի, չշպարվել., եղունգներս, անգամ, ՀԱՄԱՐ, գրեթե | - Վարկանիշ -: 0.0/0