Գլխավոր էջ » Օգտակար խորհուրդներ
Սա պետք է իմանան բոլորը ...ինչպես համացանցը չծառայեցնել թշնամուն  224

Գլխավոր էջ » Օգտակար խորհուրդներ 

Խորագիրը՝  Օգտակար խորհուրդներ,   Iravunk.com

1. Չի՛ կարելի գրել մեր զինտեխնիկայի տեղաշարժի մասին` անկախ նրանից դա հավաստի տեղեկություններ են, թե Վարդուշ տատի պատմածը (սա հատկապես վերաբերում է որոշ «լրագրող» կոչվող բացբերանների),
որովհետեւ
ա. դա թշնամուն ռազմական տեղեկությունների տրամադրում է. կարող է մենք ուզում էինք այդ ուղղությամբ առաջ գնալ, թշնամուն հանկարծակիի բերել, ու քո դեբիլության պատճառով թշնամին իմանում է, թե որտեղից սպասի մեր հարվածին,
բ. նման կարգի տեղեկությունները կարող են խուճապ առաջացնել բնակչության մոտ, քանզի նրանք չգիտեն` դա պատերազմի սկիզբ է, ինչ-որ զորավարժությունների շրջանակում է, թե ուղղակի կանխարգելիչ միջոցառում է:



2. Չի՛ կարելի զանգելու կամ այլ եղանակներով տեղեկություններ «հայթայթել» թեժ գծից ու դա տեղադրել համացանցում, մանավանդ, եթե այդ տարածքում վիճակի մասին պաշտոնական հաղորդագրություններ չեն հրապարակվել (սա նույնպես առաջին հերթին վերաբերում է որոշ «լրագրող» կոչվող ու «քլիքի» համար սատկող բացբերանների): Զինծառայողը կամ գյուղացին կարող է չիմանալ, թե ինչի մասին կարելի է պատմել, ինչի մասին` ոչ: Նման իրավիճակում խուճապի առաջացումը միայն բարդացնում է իր գործն իմացող եւ փայլուն կատարող մեր ՊՆ-ի խնդիրը, քանզի ցանկացած նման տեղեկություն «լրատվական կայքից» սկսած տարածվում է սարաֆանային կամ փչացած ռադիոյի եղանակով:



3. Չի՛ կարելի խառնել գնդակոծությունը, հրետակոծությունը, ռմբակոծությունը եւ հրթիռակոծությունը, եւ երբ, օրինակ, թշնամին կրակում է, ասենք, ավտոմատով եւ գնդացիրով, չի՛ կարելի գրել ռմբակոծության (ուղղաթիռներով եւ ինքնաթիռներով որոշակի տարածքում ռումբեր նետելու) մասին (սա կրկին առաջին հերթին վերաբերում է որոշ «լրագրող» կոչվող հեքիաթասացների):



4. Չի՛ կարելի հավատալ debilot.ru կամ opkjklka.com կամ whgjhxa.np կայքերում տեղադրված տեսանյութերի սահմանի կրակոցների, թշնամու կողմից տանկի կիրառման կամ այլնի մասին, չի՛ կարելի հավատալ անգամ հայկական «լրատվական կայքերում» տեղադրված նման տեսանյութերին, եթե դրա տակ չկա հղում` պաշտոնական աղբյուրներին: Լարվածության օրերին շատ «լրատվական կայքեր» ուղղակի օգտագործում են առիթը` ավել քլիքներ հավաքելու եւ գովազդատուների վրա իրենց կայքում գովազդն ավելի թանկ վաճառելու համար, դա նրանց համար ուղղակի բիզնես է` առանց հետեւանքների գիտակցման:



5. Չի՛ կարելի տարածել ազերբառանական աղբյուրներից քաղած, թարգմանած ցանկացած տեղեկություն, մի՛ մոռացեք, որ սա նաեւ տեղեկատվական պատերազմ է, եւ հիմա նրանք փորձում են մեր հասարակության շրջանում խուճապ առաջացնել ու անգամ կարող է գրեն, որ գրավել են մի քանի գյուղ կամ ամբողջ մարզ` լինի դա Տավուշը, թե Արցախը: Ու հիշե՛ք, որ, օրինակ, Armenia.az կայքն ազերբառանական կայք է, Armenia բառի կամ հայկական ծագում ունեցող որեւէ բառի առկայությունը չի վկայում կայքի հայկական լինելու մասին:
 

ԱՐՄԱՆ ՀԱՅՐԱՊԵՏՅԱՆ
«Հյուսիսային դարպաս» ՀԿ համակարգող


 



Խորագիրը՝  Օգտակար խորհուրդներ,   Iravunk.com


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Օգտակար խորհուրդներ բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017
Powered by Jasper Roberts - Blog