Գլխավոր էջ » Օգտակար խորհուրդներ
Հեռախոսային գործնական բնույթի էթիկետը  3069

Գլխավոր էջ » Օգտակար խորհուրդներ 

Խորագիրը՝  Օգտակար խորհուրդներ,   

Հեռախոսային խոսակցությունը թույլ է տալիս կրճատել ընթացիկ հարցերի քննարկումն ու լուծումը` խնայելով ոչ միայն ժամանակ, այլև գումարներ: Սակայն գործնական հեռախոսային զրույցը որոշակի կանոններ է պարտադրում:

Հեռախոսային գործնական բնույթի էթիկետը

1. Աշխատակիցը պարտավոր է լսափողը վերցնել առաջին կամ երկրորդ զանգից հետո, քանի որ հակառակ դեպքում զանգահարողը կարող է տպավորություն ստանալ, թե կազմակերպությունն այնքան էլ հետաքրքրված չէ իր հաճախորդներով, կամ էլ որ տվյալ ֆիրմայի աշխատակիցներն աչքի չեն ընկնում պարտաճանաչությամբ, հետևաբար չարժե այդ ֆիրմայի հետ գործ ունենալ:

2. Լսափողը վերցրած աշխատակիցը պետք է ողջունի զանգահարողին («Բարեւ Ձեզ», «Բարի օր», «Բարի երեկո, և այլն»), ապա ասի ֆիրմայի անունն ու իր անունը-ազգանունը: Եթե ֆիրման բավականին մեծ է, ընդունված է ասել ոչ թե ֆիրմայի անունը, այլ տվյալ բաժնի անունը, օրինակ` «հաշվապահություն», «գովազդի բաժին» և այլն:

3. Չի կարելի հարցերին անընդհատ «ոչ» պատասխանել: Օրինակ` եթե դուք չունեք այս կամ այն ապրանքը, ծառայությունը, մի ասեք` «ոչ», կարելի է դրա փոխարեն այլ բան առաջարկել պոտենցիալ գնորդին (հաճախորդին):

4. Եթե զանգհահարողը հարցնում է որևէ աշխատակցի, որը տեղում չէ այդ պահին, չի կարելի ասել «նա տեղում չէ» և դնել լսափողը: Պետք է պատասխանել. «Նա հիմա այստեղ չէ, բայց շուտով (կես ժամից, 5 օրից, արձակուրդից հետո, ևն)  կգա կամ էլ` «Նա տեղում չէ, կարող եմ որևէ բանով օգտակար լինել»:

5. Եթե զանգը հնչել է ընդմիջման ժամանակ, հարկ է պատասխանել, որ ձեզ մոտ ընդմիջում է, և խնդրել ավելի ուշ զանգահարել: Չի կարելի ուղղակի ասել` հետո զանգեք, ու լսափողը դնել:

6. Եթե խոսելիս երկրորդ զանգ է հնչում, աշխատակիցը պետք է ներողություն խնդրի նրանից, ում հետ խոսում է, ապա վերցնի մյուս հեռախոսը, խնդրի սպասել, մինչև մյուս զանգողի հետ խոսակցությունն ավարտվի: Եթե երկրորդ զանգահարողը չի կարող սպասել, ապա զանգին կարող է պատասխանել ուրիշ աշխատակից, կամ էլ խնդրեք նրան ավելի ուշ զանգել:

7. Եթե հեռախոսային խոսակցությունը երկար է տևում, և դուք ժամանակ չունեք, կարելի է ներողություն խնդրելով ասել այդ մասին և պայմանավորվել, որ զանգահարողն ավելի հարմար ժամի զանգի:

Հեռախոսազրույց վարելու կանոնները լավ պետք է իմանան հատկապես այն աշխատակիցները, ովքեր աշխատանքի բերումով հիմնականում հեռախոսազանգերին են պատասխանում: Նրանք պետք է կարողանան առաջին իսկ նախադասությունից վստահություն ներշնչել հնարավոր հաճախորդին (գնորդին): Քանի որ հեռախոսային խոսակցության ժամանակ խոսակցի դեմքը չի երևում, այստեղ կարևորվում են ձայնի տեմբրը, խոսքի տեմպը, հնչերանգը… Հեռախոսով պետք չէ խոսել շատ արագ կամ շատ դանդաղ, բառերը պետք է հստակ արտասանել, եթե հարկ կա`  նույնիսկ տառ առ տառ, հատկապես անուն-ազգանուն, ֆիրմայի հասցե, հեռախոսահամար կամ քաղաքի անուն ասելիս:

Գործընկերներին տուն կարելի է զանգել միայն այն դեպքում, եթե պատճառը խիստ հիմնավոր է: 
Շատ կարևոր է նաև, թե ինչպես եք վերջացնում հեռախոսազրույցը: Կարելի է օգտագործել այսպիսի ամփոփումներ. «Մենք կարծես թե քննարկեցինք բոլոր հարցերը» կամ  «Կարծում եմ` մեր զրույցն արդյունավետ էր» և այլն:

Խորագիրը՝  Օգտակար խորհուրդներ,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Օգտակար խորհուրդներ բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017
Powered by Jasper Roberts - Blog