RSS բաժանորդագրություն 

Загрузка...

Գլխավոր էջ » Օգտակար խորհուրդներ

Դպրոցական երեխա ունեցող ԾՆՈՂՆԵՐԻ համար. հոգեբանի շատ կարևոր մտքերը, որոնք կօգնեն ձեզ առօրյայում  516

loading...
Загрузка...
 
 

Խորագիրը՝  Օգտակար խորհուրդներ,   


Դպրոցական երեխա ունեցող ԾՆՈՂՆԵՐԻ համար. հոգեբանի շատ կարևոր մտքերը, որոնք կօգնեն ձեզ առօրյայում

  Հարցում

Կարևո՞ր է Ձեզ համար 1-ին երեխայի սեռը (արական):


Կարդալ Top- հոդվածներ


 Հարցերին պատասխանում է «Երկուսով» հոգեբանական մասնագիտացված կենտրոնի հոգեբան Անուշ Ալեքսանյանը:

 
Ինչպե՞ս օգնել երեխային հարմարվել դպրոցին

Ամենից առաջ պետք է երեխային մանկապարտեզ տանել: Դպրոցի նախապատրաստման ամենագրագետ ճանապարհը մանկապարտեզն է: Բացի այդ, պետք է երեխայի հետ զրուցել դպրոցի մասին՝ խուսափելով անիրական տվյալներից: Երբեմն ծնողները դպրոցի մասին պատմում են այնպիսի բաներ, որոնք ոչ ամբողջական են ներկայացնում դպրոցը կամ այնքան էլ իրական չեն: Օրինակ, ասում են, որ դպրոցում երեխան խաղալու է, ընկերներ է ձեռք բերելու և հաճելի ժամանակ է անցկացնելու, այնինչ դպրոցը, բացի այս ժամանցային ու հաճելի պահերից, ենթադրում է նաև պարտականություններ, ռեժիմ, շատ հստակ գծված օրվա գրաֆիկ, բազմաթիվ սահմանափակումներ: Պետք է երեխային անպայման պատմել դասերի, դասամիջոցի, արձակուրդների, ուսուցչուհու և դպրոցական միջավայրի մասին: Պետք է պատմել, թե ինչ է կարելի անել դպրոցում և ինչ չի կարելի անել, այսինքն` ինչը չի թույլատրվում: Խոսքը  նաև անվտանգության տարբեր կանոնների, ինչպես նաև որոշ կարգապահական հարցերի մասին: Անհրաժեշտ է անպայման ասել, թե դժվարությունների դեպքում ինքն ում կարող է դիմել: Պետք է խոսել դպրոցում տեղաշարժվելու կանոնների մասին, որ եթե հանկարծ ինքը դասամիջոցին հեռու գնա դասարանից և մոլորվի, ինչպես պիտի գտնի իր դասասենյակը, որտեղ է բուֆետը, զուգարանը և այլն: Նման մանրուքները շատ կարևոր են և օգնում են երեխային իրեն ապահով զգալ նոր միջավայրում: Լավ կլինի, որ երեխան մինչև դպրոց հաճախելը դպրոցի միջավայրին ծանոթ լինի:


 
Ինչպե՞ս օգնել նոր մարդկանց հետ շփման հարցում

Նորից պիտի կրկնեմ, մանկապարտեզն այս հարցում անգնահատելի դեր է կատարում: Երեխան աննկատ սովորում է շփվել, որոշակի պարտականություններ վերցնել իր վրա, նոր ընկերներ ձեռք բերել: Եթե մենք այս հմտությունները փորձենք ձևավորել դպրոց գնալուց առաջ, ապա շատ ավելի դժվար և անհարթ կընթանա այս գործընթացը: Բայց առհասարակ, եթե ուզում ենք՝ երեխան կարողանա շփվել, մենք ինքներս պիտի շփվելու հմտություններ ձևավորենք մեր մեջ, որպեսզի երեխայի ներսում շփվելու վերաբերյալ վախեր չառաջացնենք, ավելորդ զգուշավորություն չդրսևորենք այդ հարցում:

 


Ճի՞շտ է կարծիքը, որ մանկապարտեզ հաճախած երեխաներն ավելի հեշտ են հարմարվում դպրոցին

Միանշանակ ճիշտ է, և փորձառու մանկավարժները հստակ զգում են այդ տարբերությունը: Մեզանում հաճախ թերագնահատվում է մանկապարտեզի դերը երեխայի զարգացման հարցում: Այնինչ մանկապարտեզը կրթական գործընթացի առաջին և ամենակարևոր մակարդակն է, որտեղ դրվում են երեխայի ուսումնական գործընթացի և նախնական գիտելիքների, անձնային կարևորագույն որակների՝ ինքնուրույնության, կարգապահության,  սովորելու ցանկության  հիմնաքարերը:

 

Ինչպե՞ս օգնել՝ հաղթահարելու դասերի հետ կապված դժվարությունները

Պարզապես պետք չէ ստեղծել այդ դժվարությունները: Եթե ծնողներն անկեղծ լինեն, կնկատեն, որ երեխայի ուսումնական դժվարությունների հարցում իրենք իրենց դերն ունեցել են: Պետք չէ պահանջել երեխայից ավելին, քան նա կարող է, առհասարակ պահանջել այն, ինչ երեխան չի կարող, պետք չէ: Պետք է սովորեցնել և զարգացնել երեխայի մեջ այդ որակները: Երեխայից պետք է պահանջել ինքնուրույնություն այն հարցերում, որոնց նա արդեն տիրապետում է: Բայց դժվարություններ չունենալու համար պետք է հստակ օրվա ռեժիմ սահմանել: Դասապատրաստման ժամանակ պետք է նստել երեխայի կողքին, սատարել նրան, վստահություն ներշնչել: Չի կարելի կատարել հանձնարարությունները երեխայի փոխարեն, դրանով անվերադարձ վնասում ենք երեխային: Պետք է պարզապես օգնել՝ ցույց տալով, որ իր մոտ ամեն բան ստացվում է, որ ամեն ինչ լավ է, որ ինքը կարող է, որ իր արածը ձեզ ուրախացնում է: Սա պիտի լինի ծնողի դերը: Հաջորդը երեխայի օրը ճիշտ կազմակերպելն է:  Եթե մենք երեխային հնարավոր բոլոր ձևերով ծանրաբեռնում ենք, ուրեմն չպիտի զարմանանք, որ նա չի ցանկանում դասերը պատրաստել: Երեխան օրվա ընթացքում պիտի առնվազն 2 ժամ ազատ, չկազմակերպված ժամանակ ունենա, որը նա կտնօրինի իր ցանկությամբ: Դասապատրաստումը պետք է իրականացվի գրավոր և բանավոր հանձնարարությունների հաջորդական կատարմամբ: Չի կարելի գրավոր հանձնարարություններն իրար հետևից անել, դա սարսափելի դժվար է տարրական դպրոցի երեխայի համար: Այդ տարիքում ձեռքի մկաններն ու ոսկրային համակարգը դեռ ձևավորման փուլում են, և երեխան շատ շուտ հոգնում է գրելուց:

Դասապատրաստումը պետք է արվի բացառապես լավ տրամադրությամբ:  Չի կարելի վազել գնահատականի հետևից և երեխային դարձնել դրա գերին: Այս հարցում միանշանակ մեղքը միայն ծնողներինն է: Գնահատական որսալը կրթություն ստանալ չէ: Կրթություն ստանալը կյանք է, որը մենք պիտի անենք հաճույքով: Չի կարելի այն առևտրի վերածել:



Պե՞տք է, արդյոք, որոշ բաներ անել երեխայի փոխարեն

Իհարկե ոչ: Չնայած, եթե մենք ուզում ենք սովորել ինքներս, կարելի է անել: Բայց եթե ուզում ենք, որ սովորի երեխան, երբեք չպետք է անենք որևէ բան նրա փոխարեն: Կասեմ ավելին՝ եթե մենք երեխայի գնահատականները սիրում ենք ավելի շատ, քան իրեն, ապա կանենք հանձնարարությունները նրա փոխարեն: 

impoqrik.am

 






 


loading...
Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

Загрузка...

Այլ հոդվածներ Դպրոցական երեխա ունեցող ԾՆՈՂՆԵՐԻ համար. հոգեբանի շատ կարևոր մտքերը, որոնք կօգնեն ձեզ առօրյայում  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի





на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Օգտակար խորհուրդներ բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Օգտակար խորհուրդներ | Ավելացրեց: haykblbulyan (12.02.17) Դիտումներ: 516 | Տեգեր: ունեցող, կարևոր, որոնք, հոգեբանի, համար., երեխա, ծնողների, շատ, մտքերը, դպրոցական | - Վարկանիշ -: 0.0/0