Գլխավոր էջ » Հետաքրքիր
Քավորը՝ հայկական հարսանիքին  1200

Գլխավոր էջ » Հետաքրքիր 

Խորագիրը՝  Հետաքրքիր,   

Այս հոդվածում հայկական հարսանիքների գլխավոր դերակատարներից մեկի՝ քավորի մասին ենք խոսելու: Վերադառնանք անցյալ և տեսնենք, թե մեր նախնիներն ինչպես էին ընտրում ընտանիքի այդ ամենահարգված անձին, արդյո՞ք մենք շարունակում ենք պահպանել մեր ավանդույթները:

 

Քավորը՝ հայկական հարսանիքին


Նախկինում հայկական յուրաքանչյուր գերդաստան ուներ իր տոհմական քավորը, որը պետք Է նույն գերդաստանից լիներ: Քավորին փոխելը ամոթալի Էր համարվում, ուստի հազվադեպ Էր դա պատահում: հսկ ինչպե՞ս ենք մեր օրերում քավոր ընտրում. բոլորովին պարտադիր չէ, որ նա ազգական լինի (թեև չի բացառվում):

Այսօր քավորի ընտրությունը կախված է ամենատարբեր գործոններից՝ զբաղեցրած պաշտոնից, վարած մեքենայից, իսկ ավելի կոնկրետ՝ ֆինանսական վիճակից: Գուցե շատ խիստ ձևակերպում է, բայց համաձայնենք, որ իրականություն է: Սակայն անաչառ լինելու համար նշենք, որ գոյություն ունի նաև մարդկային արժեքների վրա հիմնված ընտրություն: Մեր օրերում շատ տարածված և նորաձեւ է ընտանիքի անդամների տարբեր քավոր ունենալը:

Իսկ հիմա մի պահ հեռանանք իրականությունից և վերադառնանք անցյալ...

Հարսանիքից երեք օր առաջ փեսացուի հայրը բարեկամի միջոցով քավորին էր ուղարկում թամբեհը (գրավ) և խնդրում, որ նա պատրաստվի իր տղայի «խաչը բռնել» (Եկեղեցում պսակադրության ժամանակ քավորը խաչը պահում էր հարսի և փեսայի գլխին): Քավորը հյուրասիրում էր բերողին, ինչը համաձայնության նշան էր: Քավորը սկսում էր նախապատրաստվել հարսանիքին, պատրաստում էր գինի, մի շիշ օղի, մետաքսե եռագույն թելերով ասեղնագործ մի զույգ քող (կոշիկ) և մի ընծա՝ հարսանիքի օրը հարսին նվիրելու համար:

Ինչպես նախկինում, այսօր էլ հարսանեկան արարողությունը սկսվում է քավորի ետևից գնալով: Փեսայի «պատվիրակությունը» երաժշտության ուղեկցությամբ գնում է քավորի տուն, և արդեն քավորի առաջնորդությամբ ու ղեկավարությամբ կարելի է գնալ հարսի ետևից: Հարսանեկան արարողությանը քավորը գնում է ընտանիքի հետ (թեև որոշ շրջաններում կա պահպանված ավանդույթ, ըստ որի՝ քավորը կարող է իր կողմից, ընտանիքի անդամներից բացի, այլ մարդկանց հրավիրել)՝ զբաղեցնելով իր տեղը հարսի և փեսայի կողքին:

Մեր նախնիները քավորին էին վստահում հարսանիքի կառավարումը, ինչը կապված էր նրա տարիքի և փորձառության հետ: Իսկ այսօր տարիքային սահմանափակում չկա, ավելին՝ ժամանակակից հարսանիքներին խնջույքի կառավարումը հանձնված է հատուկ թամադաներին: ժամանակի ընթացքում ավանդույթները փոխվում են, բայց չեն անհետանում: Հայերիս համար քավորը անփոխարինելի է և մեծ հարգանք է վայելում: Մենք պարտավոր ենք պահպանել այն, ինչը մեր նախնիները ավանդել են մեզ...

Խորագիրը՝  Հետաքրքիր,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Հետաքրքիր բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017