Գլխավոր էջ » Հետաքրքիր
Ինչո՞ւ է թրթռում աչքը  1681

Գլխավոր էջ » Հետաքրքիր 

Խորագիրը՝  Հետաքրքիր,   

 

Հաճախ, երբ հուզվում ենք կամ նյարդայնանում, մեր աչքի կոպը սկսում է թրթռալ, ինչն էլ ավելի է նյարդայնացնում: Այս երևույթը առանձնապես վտանգավոր չէ, սակայն խնդրի չլուծվելու դեպքում անհրաժեշտ է խորհրդակցել ակնաբույժի հետ:

 

Նյարդային տիկերի առաջացման պատճառները մեծ նշանակություն չունեն. դրանք կարող են լինել և՛ մշտական սթրեսի հետևանքով, և՛ տեսողությունը լարելու, և՛ ավիտամինոզի (հիմնականում վիտամին B-ի պակասի) կամ մագնեզիումի պակասի: Սակայն լինում են նաև դեպքեր, երբ պատճառներն ավելի լուրջ են լինում:

 

Կոպի թրթռոցը մարդու կամքից անկախ շարունակական բնույթ կրող թարթումներն են, որոնց գիտական անվանումն է բլեֆարոսպազմ: Սովորաբար այն ազդում է միանգամից 2 աչքի վրա մի քանի վայրկյան դադարներով և տևում է 1-2 րոպե:

 

Բոլորին էլ հայտնի է, որ շատերի մոտ կյանքի ընթացքում գոնե մի քանի անգամ լինում է բլեֆարոսպազմ: Աչքի անկառավարելի թրթռոցը կարող է պայմանավորված լինել հոգնածությամբ, սթրեսով, քնի պակասով, կոֆեինով, ալկոհոլով կամ ծխախոտով: Բլեֆարոսպազմի այս տեսակն անցավ է և անվնաս: Որպես կանոն՝ խնդիրը լուծվում է առանց միջամտության:

 

Որոշ դեպքերում, սակայն, բլեֆարոսպազմը կարող է լինել ավելին, քան կարճատև անհարմարությունն է:

 

Տեսողության խանգարման հավանականություն

 

Ոմանց մոտ այս խնդիրը կարող է նկատվել օրվա ընթացքում մի քանի անգամ և շարունակվել մի քանի օր, շաբաթ կամ նույնիսկ ամիսներ շարունակ: Որոշ դեպքերում այն կարող է դառնալ քրոնիկ բնույթի. մարդն անընդմեջ թարթում է աչքը այնքան ժամանակ, մինչ, ի վերջո, որոշ ժամանակ դժվարանում է այն բաց պահել: Նման դեպքերում փոքրիկ խնդիրը կարող է աչքի լուրջ վնասվածքների հանգեցնել:

 

Որո՞նք են մյուս խնդիրները

 

Բացի վերոնշյալ ամենատարածված պատճառներից, բլեֆարոսպազմը կարող է լինել նաև տեսողության խանգարումների հետևանք, ինչպիսիք են՝ կոպաբորբը (բլեֆարիտ), աչքերի չորությունը, լույսի հանդեպ զգայունությունը, աչքերի կարմրությունը: Համեմատաբար ավելի հազվադեպ այն կարող է պայմանավորված լիել որոշ նյարդաբանական հիվանդություններով (դիմային նյարդի կաթված (Բելլի կաթված), դիստոնիա (դեմքի մկանների շարժումների խամգարում), Պարկինսոնի հիվանդություն, Տուրրետի սինդրոմ և այլն):

 

Ե՞րբ դիմել բժշկի

 

Հիմնականում բլեֆարոսպազմն անվնաս է, սակայն երբեմն լինում է բժշկի դիմելու անհրաժեշտություն, հատկապես՝ հետևյալ դեպքերում.

 

·         մի շաբաթից ավել տևող աչքի կոպի ջղաձգում,

 

·         տիկ, որի հետևանքով աչքը բավական երկար ժամանակ փակ է մնում,

 

·         ջղաձգվում, որն ազդում է դեմքի մյուս մկանների վրա

 

·         կոպի իջեցում:

 

Նյութի աղբյուրը՝ med2.ru 

 

Խորագիրը՝  Հետաքրքիր,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Հետաքրքիր բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017
Powered by Jasper Roberts - Blog