RSS բաժանորդագրություն 

Загрузка...

Գլխավոր էջ » Հետաքրքիր

Ի՞նչ վճռորոշ քրեական իրադարձություն էր տեղի ունեցել Երրորդմասցի Լյովիկի սպանությունից որոշ ժամանակ առաջ  1555

Загрузка...
 
 

Խորագիրը՝  Հետաքրքիր,   Web


Ի՞նչ վճռորոշ քրեական իրադարձություն էր տեղի ունեցել Երրորդմասցի Լյովիկի սպանությունից որոշ ժամանակ առաջ

  Հարցում

Դիտու՞մ եք հայկական սերիալներ


Կարդալ Top- հոդվածներ


Այս հոդվածը բավականին ուշագրավ է կարդալ հետին ժամանակով (տպագրվել է  2014 մայիսին): Այն մի շարք հարցերի վրա լույս է սփռում...




Ռուսաստանում բնակվող «օրենքով գողերն» ու հեղինակությունները աջակցություն են հայտնել Լյովիկին և Տույին. հայկական կրիմինալ աշխարհում պատերազմ է հասունանում
 

Հայկական քրեական աշխարհում լուրջ խմորումներ են սկսվել այն բանից հետո, երբ մարտի վերջին ծեծի ենթարկվեց հայտնի «օրենքով գող» Օշականցի Գևորիկը՝ Գևորգ Մելիքյանը: Մելքոնյանին ծեծի էին ենթարկել քրեական հեղինակություններՔանաքեռցի Արթուրը՝ հայտնի Տույ մականվամբ և «Երրորդ մասցի» Լյովիկը, ով միաժամանակ նաև խոշոր բիզնեսների փայատեր է:

Օշականցի Գևորիկի, Տույից և Լյովիկի միջև տեղի ունեցած թեժ խոսակցությունն այնքան էր ծավալվել, որ Տույը ու Լյովիկն իրենց կողմնակիցների հետ ծեծել էին Գևորիկին և իր ուղեկցորդներին:

Եվ ահա, օրեր առաջ տեղեկություններ տարածվեցին, որ մարդաշատ «սխոդկա» է տեղի ունեցել՝ օրենքով գողերի մասնակցությամբ, որի ժամանակ արդարացվել է Օշականցի Գևորիկի պահվածքը, իսկ Քանաքեռցի Արթուրը՝ Տույն, ու «Երրորդ մասցի» Լյովիկը որակազրվել են որպես թաղային հեղինակություններ: Վերջիններս գտնվել են Դուբայում և չեն մասնակցել հավաքին:

Lurer.com-ի տեղեկություններով՝ գողական հավաքին մասնակցել են յոթ «օրենքով գողեր»՝ այդ թվում Օշականցի Գևորիկը, Կոնդեցի Վզգոն, Զապը, Արտեմը և ուրիշներ: Սակայն այն, որ Տույը և Լյովիկը հեղինակազրկվել են՝ չի համապատասխանում իրականությանը:

«Օրենքով գողերը» հավաքի ժամանակ հայտարարել են, որ Տույը և Լյովիկը հեղինակազրկված են, սակայն նույն գողական օրենքներով գրեթե պարտադիր է նման հավաքներին մյուս կողմի ներկայությունը, որը կամ պատասխան՝ «ատչոտ» է տալիս իր արարքներին, կամ լսում և ընդունում է մեղադրանքը: Մինչդեռ Տույն ու Լյովիկը չեն մասնակցել գողական «սխոդկային», որովհետև մինչ այդ իրենք են հանդիպման հրավիրել Օշականցի Գևորիկին՝ իրենց հասցեին արված արտահայտություններին պատասխան տալու համար, ինչին Գևորիկը հրաժարվել է մասնակցել:

Տարօրինակ կարող է համարվել, որ «սխոդկայից» անմիջապես հետո Օշականցի Գևորիկի կողմից Տույի և Լյովիկի հեղինակազրկման՝ «օրենքով գողերի» վճռի մասին մասին այսպես կոչված «քսիֆ» է ուղարկվել քրեակատարողական հիմնարկներ այն դեպքում, երբ վերջիններս դատապարտված չեն և գտնվում են ազատության մեջ: «Օրենքով գողի» այս քայլը լուրջ բախումների է հանգեցրել քրեակատարողական հիմնարկներում:

«Քսիֆ» ստանալով Գևորիկից՝ Նուբարաշենի «զոն նայողը» իր մոտ է հրավիրել հեղինակավոր դատապարտյալներին և հայտարարել է «օրենքով գողերի» վճռի մասին, ինչից հետո Լյովիկի դատապարտյալ ընկերները եռման ջուր են լցրել նրա վրա ու ծեծի են ենթարկել: Այս պահին վերջինս գտնվում է ծանր վիճակում: Իսկ «Սևան» քրեակատարողական հիմնարկում «օրենքով գողերի» կողմը ներկայացնող դատապարտյալները դաժան ծեծի են ենթարկել «Երրորդ մասցի» Լյովիկի ընկերոջը, ով չի համաձայնվել ընկերոջ դեմ հնչեցված մեղադրանքի հետ և պատասխան մեղադրանքներ է հնչեցրել օրենքով գողերի հասցեին: Լյովիկի ընկերոջ վիճակը ծայրահեղ ծանր է:

Ի դեպ, լուրեր են շրջանառվում, որ միջադեպով մտահոգված են Ռուսաստանում բնակվող «օրենքով գողերն» ու ազդեցիկ քրեական հեղինակությունները: Չի բացառվում, որ նրանք առաջիկա օրերին կայցելեն Հայաստան: Նրանցից շատերը այս միջադեպի առնչությամբ իրենց աջակցությունն են հայտնել Լյովիկին և Տույին:

Հստակ է, որ այս խմորը դեռ շատ ջուր է քաշելու և պարզ չէ, թե ով հաղթող դուրս կգա այս պատերազմից՝ ծեծված օրենքով գողը, թե նրան ծեծի ենթարկողները: Սակայն մի բան ակնհայտ է, որ բախում է հասունանում ավանդական, «հին» «օրենքով գողերի» և երիտասարդ սերնդի քրեական հեղինակությունների միջև:

Ի դեպ, «Երրորդ մասցի» Լյովիկը ԱՄՆ-ում բնակվող հայտնի «օրենքով գող» Պզոյի՝ Արմեն Ղազարյանի եղբոր որդին է: Չնայած այն հանգամանքին, որ Լյովիկը հաճախ է հայտնվում աղմկահարույց միջադեպերի կիզակետում՝ տարբեր շրջանակներում նրա մասին մեծամասամբ դրական են արտահայտվում:

 


 
Քրեական պատերազմ Հայաստանու՞մ. Արդյո՞ք վերջին շրջանի քրեական սպանությունները 1 տոննա հերոինի բացահայտման հետ են կապված... (տեսանյութ)
 


Այլ ուշագրավ հոդված
 
 

«Ա1+»-ը հրապարակել է «Բանդիտական Երևան» վերնագրով քաղաքացու նամակը, որը ներկայացնում ենք ստորև.
 


 «Որբացած» ՀՀԿ-ն

«Նուբարաշեն» ՔԿՀ-ի մոտ տեղի ունեցած աղմկահարույց սպանությունը զուտ քրեական հաշվեհարդար չէ։ Այն ՀՀԿ-ի «անձնական» ողբերգությունն է։ Մահացածներից Երրորդմասցի Լյովիկը ՀՀԿ երկու բարձրաստիճան դեմքերի՝ Հովիկ Աբրահամյանի և Գագիկ Բեգլարյանի «վստահված անձն» էր համապետական և մայրաքաղաքային ընտրություններում, այսպես ասած, մայրաքաղաքում ընտրությունների «զոն նայողներից» էր։

Ինչպես «ծնվեց» երրորդմասցի Լյովիկը

Եվ այսպես ի՞նչ է նախորդել այդ սպանությանը։ Դրա համար պետք է հասնենք հեռավոր 90-ականներ, երբ Լևոն Ղազարյանը (Երրորդմասցի Լյովիկը) մանկության ընկերոջ հետ գնում է Մոսկվա հորեղբորորդու՝ Պզոյի՝ Արմեն Ղազարյանի մոտ։ Երկու ընկերները մտադիր էին այնտեղից վերադառնալ օրենքով գողի կարգավիճակով։ Սակայն Մոսկվան գող կարգվելու նրանց «արցունքներին» չի հավատում։ Ձեռնունայն վերադառնալուց հետո Լևոն Ղազարյանը թշնամանում է մանկության ընկերոջ հետ, որի անունը և թշնամանքի պատճառները մեզ հայտնի չեն։ Հայտնի է, որ Երևանում Լևոնը մտերմանում է չարբախցի Տիկոյի հետ։ 90-ականների վերջին այս երկուսի մտերմությանը որպես խոչընդոտ խառնվում է Բազարի Կյաժը, որն իր հերթին խնդիրներ է ունենում Մհեր Պողոսյանի՝ կոնդեցի Մհերի՝ Մըգըստի, հետ։ Մըգըստն արդեն ի գիտություն էր ընդունել Կյաժի առավելությունն իր հանդեպ, սակայն Լևոնի հետ մտերմությունը նրան թևեր է տալիս։ Այդ ընթացքում Մհերը 1997-ին սպանում է Արամ Սահակյանին՝ բազարի Կյաժը, որն այդ ժամանակ 3-րդ մասի շուկայի տնօրենն էր, որից հետո Լևոնի և Մհերի ընկերությունը թևակոխում է նոր փուլ։ Կյաժի սպանվելուց հետո Շենգավիթ համայնքն «ազատվում» է Լևոն Ղազարյանի վերջին խոչընդոտից որպես համայնքի համար մեկ քրեական հեղինակություն։ Սակայն Լևոնը մտմտում է չարբախցի Տիկոյից նույնպես ազատվելու մասին։ 2000-ականներին նրանց միջև արդեն սև կատու էր անցել, որի էությունը մեզ հայտնի չէ։ Հայտնի է, որ Լևոնն ընկերություն է հաստատում մեկ այլ չարբախցի Տիկոյի՝ Ցիպի հետ, որը անհաջող մահափորձ է իրականացնում քրեական անվանակցի հանդեպ։ Այս պատմությունն ավարտվեց նրանով, որ առաջին չարբախցի Տիկոյի մորաքրոջ որդին՝ Էդոն, գնդակահարում է Ցիպին։ Ի դեպ, Էդոն մի քանի ամիս առաջ է ազատվել ՔԿՀ-ից:
 


 

«Տեցի կռուգ»-ը որպես Երրորդմասցի Լյովիկի հզորության կնքադաշտ

Իսկ ահա Լևոն Ղազարյանի՝ երրորդմասցի Լյովիկի վաղեմի ընկեր և արդեն հակառակորդ դարձած Տիկոն, լավ հասկանալով, որ Լյովիկը իրեն հանգիստ չի տալու և իր դեմ պարբերաբար սրացումները տեղի են ունենում Լյովիկի դրդմամբ, Մաշտոցի պող. «Մալիբու» սրճարանի դիմաց, մահափորձ է կատարում Լյովիկի նկատմամբ։ Լյովիկի կողմից պատասխան հարված է տալիս Ցիպի քեռու տղան, ով փորձում է սպանել Տիկոյին, որի արդյունքում զոհվում է մեկ ուրիշը՝ Շենգավիթցի Հայկոյի որդի Արթուրը: Այս ամենի արդյունքում Տիկոն հեռանում է Հայաստանից: Երրորդմասցի Լյովիկը երբեք էլ չի կասկածել,, որ Տիկոն գալու է իր հետևից։ Եվ ամեն անգամ, երբ տեղեկանում է, որ Տիկոն Երևանում է, ինքը ավելացնում է իր թիկնազորը։ 2000-ականների կեսերից երրորդմասցի Լյովիկը Շենգավիթում սկսում է իր շուրջը հավաքել հանցագործ աշխարհին նվիրված և «ակտիվությամբ» աչքի ընկնող երիտասարդներին: Հենց այս ժամանակ էլ խաչվում են նրա և Գաստիկի՝ Վահան Հակոբյանի ճանապարհները: Վահանը հանցագործ աշխարհում ընդունված անձնավորություն էր, և առանձնապես տպավորված չէր երրորդմասցի Լյովիկով։ Նա մերժում է Լևոնի նույն թիմում լինելու և միասին գործելու առաջարկը: Բնականաբար, Լևոնը չի կարող սա «կուլ տալ»՝ Շենգավիթում դեռ կա մեկը, ով իր թրի տակով չի անցել։ Լյովիկի «աստեղային» ամենալուրջ «հայտնությունը» «Տեցի կռուգի» պատմությունն է: 2005թ. փետրվարի 4-ին՝ ժամը 20:30-ին, Երևանի ծայրամասերից մեկում՝ «ՏԷՑ-ի կրուգ»-ում, տեղի էր ունեցել փոխհրաձգություն: 15 րոպե տևած կրակոցների հետևանքով մահացել էր Մհեր Տեր-Հարությունյանը՝ չարբախցի Մհերիկը, և վիրավորվել էին մի քանի տասնյակ մարդիկ: «Ռազբորկայի» դրդապատճառը թիվ 69 երթուղային գծի համար ծագած վեճն էր։ Լևոնը ձերբակալվում է և մեկ տարի անց ազատ է արձակվում: Սակայն քիչ անց նրան նորից են ձերբակալում «Նովիկով»-ի վրա մահափորձ անելու համար, ով «ՏԵՑ-ի կռուգում» Մհերիկի ենթադրաբար սպանողն էր:
 


Բուրգի զոհերը

Բավարար չափով հանցավոր կենսագրություն կերտած Երրորդմասցի Լյովիկը հերթական անգամ կալանքից ազատվելուց հետո, Շենգավիթում ամբողջական իշխանության հասնելու համար, իր շուրջն է հավաքում հանցավոր հակումներով աչքի ընկնող երիտասարդությանը և սկսում աչքի ընկնել «բուրգի» շինարարությամբ։ Այս շինարարության էությունն այն է, որ ով չի ենթարկվում իր հրամաններին, նրան իր երիտասարդները ջարդուխուրդ են անում «կոլերով»՝ փայտյա և երկաթե դագանակներով։ «Կոլեր» բառը Լևոնինն է։ Մեր հերոսը անողոք էր իր որոշումներում։ Իր առաջին դաստիարակչական «կոլերով ծեծը» նա «բաժին» հանեց իր մտերիմ ընկերներին՝ Կյաժ Արսենին և Սահակին, ովքեր փորձել էին ինչ-ինչ հարցերում չհամաձայնվել Լևոն Ղազարյանի մեթոդների հետ: Հետագայում,Շենգավիթում փոխհրաձգություն է տեղի ունենում Լևոնի և Սահակի միջև: Հաջորդ բախումը Լևոնը «նախաձեռնում» է Բարաքների Յուրոյի հետ: Վերջինս Երրորդմասցի Լյովիկին մեղադրում է իր սանիկներին ինչ որ գործարքից ստացած գումարը սխալ բաժանելու համար: Արդյունքում Յուրոն դաժան ծեծի է ենթարկվում։ Շենգավիթն արդեն քրեական ցանկացած պայմանավորվածությունից դուրս թաղամաս է, Լևոն Ղազարյանն այստեղ այն աստիճանի է տեր ու տնօրեն, որ պարտավորված չէ հարգել որևէ պայմանավորվածություն իր տարածքում։ Այստեղ ամեն ինչ խառնվում է , ոչ մի հարց լուծում չի ստանում, ավելին՝ չլուծված հարցերը կուտակվում են և հերթական ռազբորկայի ժամանակ հերթական քրեական հեղինակությունը՝ «Փոսի մայլի Ավոն» դանակահարում է Երրորդմասցի Լյովիկի տղերքից Գոքորին: Վերջինս կազդուրվում է: Սակայն ոչ տևական ժամանակ անց Ավոն սպանում է Գոքորին: Լյովիկի հաջորդ զոհը դառնում է «Բոյով Գարիկը», որը նրա ամենամտերիմ մարդն էր: Տարբեր տեղեկություններով՝ ՏԵՑ-ի կռուգում հենց Բոյով Գարիկն է փրկել Լևոնի կյանքը: Իսկ Գարիկին պատժելու պատճառը շատ պարզ է եղել՝ «Փրկիչը» փորձել է ինչ որ հարցի շուրջ հավասարը հավասարին խոսել նրա հետ, ում կյանքը փրկել է: Տղաները Գարիկին ծեծում են երկաթներով՝ «կոլերով» և Գարիկին դարձնում հաշմանդամ:
Գարիկից հետո, նույն մեթոդով դաժան ծեծի է ենթարկվում «Հայրենիքցի Նշանիկը», ով «օրենքով գող» շահումյանցի Ժիրոյի մտերիմ ընկերն էր: Այրում են Նշանիկի ավտոմեքենան: Նշանիկն էլ իր հերթին խոստանում է պատասխան հարված հասցնել և առժամանակ անհետանում տեսադաշտից: Վերը նշված բոլոր դեպքերը տեղի են ունեցել 2000-2010 թվականներին:

Պետական աջակցություն քրեական հեղինակությանը
 


2010 թ. երրորդմասցի Լյովիկը դառնում է ներկայիս վարչապետ Հովիկ Աբրահամյանի ընտանիքի մտերիմ բարեկամը: Լավ հարաբերություններ է հաստատում Հովիկ և Արգամ Աբրահամյանների հետ: Նրանք դառնում են գործընկերներ: Ընտանիքներով մտերմանում են, միասին դառնում Փարաքարի գազի լցակայանի սեփականատերերը: Սրան հետևում է Լևոնի մտերմությունը Գագիկ Բեգլարյանի հետ:
Այդ ընթացքում ընկերանում է նաև պատգամավոր Ռուբիկ Սադոյանի հետ: Լևոնը դառնում է հանցագործ աշխարհում նրանց ներկայացուցիչը և Երևանի կենտրոնի սրճարաններում և այլ հասարակական վայրերում հայտնվում է զինված և ընկերների (թիկնապահների) ուղեկցությամբ: Արդեն Տրանսպորտի և կապի նախարար Գագիկ Բեգլարյանը Լևոնին նվիրում է երթուղիներ (գծեր) և օգնում է նրա հովանավորության տակ գտնվող ընկերություններին տարեկան մի քանի անգամ տրանսպորտի և կապի նախարարության հայտարարած մրցույթներում (տենդեր) հաղթող ճանաչվել:

Գ. Բեգլարյանի օգնությունը ապահովում է բավարար ֆինանսական հոսքեր: Չնայած այն բանին, որ Լևոն Ղազարյանը օրենքով գող Պզոյի ազգականն էր, այնուամենայնիվ, գողական աշխարհն առանձնապես չի հարգում այդ տղային: Այդ աշխարհին հայտնի էր, որ Լևոնը մասնակցություն է ունեցել գողական աշխարհում հեղինակության կարգավիճակ ունեցող բազառի Կյաժի՝ Արամ Սահակյանի, սպանության գործում: Վերջին շրջանում Լևոնը մտերմանում է քանաքեռցի Արթուրի՝ Տույի հետ, ով կիսում է Լյովիկի հայացքները և միասին, ունենալով բարձրաստիճան հովանավորյաների երաշխավորությունը սկսում են իրենց հայտնի արշավանքը գողական աշխարհի ներկայացուցիչների դեմ: Այս «տանդեմի» առաջին զոհը դառնում է գող Ժիրոն, որը մտերիմ էր Լևոնի «կոլերի» համը տեսած հայրենիքցի Նշանիկի հետ: Այս ընդհարումների պատճառները ճշտելու,կարգավորելու համար Շենգավիթ է գալիս օրենքով գող օշականցի Գևորիկը՝ Գևորգ Մելքոնյանը։ Ահա այստեղ տեղի է ունենում ամենաանսպասելին՝ Լևոնի և Տույի տղերքը ծեծում են նաև Օշականցի Գևորիկին: Սա մահացու հարված էր գողական պատվին։


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ Ի՞նչ վճռորոշ քրեական իրադարձություն էր տեղի ունեցել Երրորդմասցի Լյովիկի սպանությունից որոշ ժամանակ առաջ  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Հետաքրքիր բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Հետաքրքիր | Ավելացրեց: haykblbulyan (21.09.16) | Հեղինակ: Web W Դիտումներ: 1555 | Տեգեր: Ի՞նչ, սպանությունից, Լյովիկի, Երրորդմասցի, վճռորոշ, ունեցել, քրեական, տեղի, Էր, իրադարձություն | - Վարկանիշ -: 0.0/0