RSS բաժանորդագրություն 

Загрузка...

Գլխավոր էջ » Հետաքրքիր

Ի՞նչ են հուշում էրոտիկ երազները (16+)  283

Загрузка...
 
 

Խորագիրը՝  Հետաքրքիր,   


Ի՞նչ են հուշում էրոտիկ երազները (16+)

  Հարցում

Դիտու՞մ եք հայկական սերիալներ


Կարդալ Top- հոդվածներ


Էրոտիկ երազներ տեսնում են կանանց մեծ մասը եւ բոլոր տղամարդիկ անխտիր. այս կարծիքին են մասնագետները: Հարց է առաջանում, թե ինչու է մեր ենթագիտակցությունը մեզ նման պատկերներ ուղարկում: Գուցե այս կերպ վերանում է արգելքների եւ ընդունված նորմերի պատնեշը, եւ սկսում են ազատորեն արտահայտվել իրականում զսպված ցանկությունները: Չէ՞ որ պատահական չէ, որ երազում մարդիկ կարող են տեսնել այնպիսի պատկերներ, որոնց ոչ մի դեպքում չէին համաձայնի իրական կյանքում:

 

Ե՞րբ և ինչո՞ւ ենք տեսնում սեքսուալ բովանդակությամբ երազներ

Թեմայի շուրջ BRAVO.am-ը զրուցել է «Երկուսով» հոգեբանական մասնագիտացված կենտրոնի տնօրեն, հոգեբան Անուշ Ալեքսանյանի հետ: Մասնագետի խոսքով` մեր արթուն ժամանակ ապրածը որոշակիորեն արտացոլվում է երազներում.«Դժվար է ասել, թե ինչ հաճախականությամբ են մարդիկ էրոտիկ բնույթի երազներ տեսնում: Հայտնի է, սակայն, որ դրանց քանակն ավելանում է, երբ պակասում է սեքսուալ ակտիվությունը, իսկ երբ մարդը սկսում է ավելի ակտիվ սեքսուալ կյանքով ապրել, այդ երազների քանակը նվազում է: Այսինքն` երազները որոշակիորեն ունեն նաեւ փոխհատուցման գործառույթ»:

Սեքսոլոգների համոզմամբ` էրոտիկ բնույթի երազներն ուղեկցում են մարդկանց դեռահասության տարիքից մինչ մահը եւ հանդիսանում են սեռական հասունացման նշաններից մեկը, երբ սեռական էներգիան` լիբիդոն, ելք է փնտրում: Ստացվում է` դրանք նորմալ երեւույթ են եւ վկայում են սեքսուալ առողջության մասին: Դրանց պատճառ կարող է դառնալ անգամ սիրահարվածությունը կամ տեստոստերոն հորմոնի բարձր մակարդակը, որը եւ պատասխանատու է սեռական էներգիայի համար:

Ո՞վքեր են առավել հաճախ տեսնում էրոտիկ երազներ

Մասնագետների ուսումնասիրությունից պարզվել է, որ էրոտիկ երազներ տեսնում են գրեթե բոլոր տղամարդիկ եւ կանանց 70%-ը: Ընդ որում, տղամարդիկ սեքսուալ բովանդակությամբ երազներ ավելի հաճախ տեսնում են 20-25 տարեկանում, իսկ հետո դրանք դառնում են ավելի հազվադեպ: Կանանց դեպքում ճիշտ հակառակն է` տարիքի հետ նրանց երազները դառնում են ավելի տարաբնույթ եւ վառ: Սեռական կյանքի սկզբին կանանց միայն 2 %-ն է տարվում էրոտիկ ֆանտազիաներով, իսկ արդեն 40-50 տարեկանում` 65-70 %-ը:

Անուշ Ալեքսանյանի մեկնաբանությամբ` վերոնշյալը պայմանավորված է տղամարդու եւ կնոջ սեքսուալության տարբերություններով.«Տղամարդիկ ավելի ֆիզիկական եւ մարմնական սեքսուալություն ունեն, իսկ կանայք` ավելի հուզական: Կանանց էրոտիկ բնույթի երազները գուցե շատ բաց սեքսուալություն չպարունակեն, այլ մտերմության, սիրո տեսարաններ ունենան»:

Ի՞նչ կարող են նշանակել էրոտիկ երազները եւ արժե՞ մեկնաբանել դրանք

Էրոտիկ երազների բովանդակությունը երբեմն կարող է ակնհայտ լինել, իսկ երբեմն էլ` ոչ: Նշանավոր հոգեբան Զիգմունդ Ֆրոյդը վստահեցնում էր, որ նույնիսկ այն երազները, որոնք չեն պարունակում սեքսուալ տեսարաններ, միեւնույնն է, ունեն սեքսուալ ենթատեքստ, եւ քանի որ լիբիդոն հանդիսանում է մեր կյանքի անբաժան մասը, ապա մեր բոլոր երազները սեռականի մասին են: Երազների մեկնաբանությունը թերեւս մեծ մասամբ կախված է այն մեկնաբանող մասնագետի մոտեցումից: Հոգեվերլուծաբանների մի զգալի հատված յուրաքանչյուր երազում գուցե տեսնի սեքսուալ մոտիվ, իսկ մասնագետների մեկ այլ խումբ էլ խորհուրդ տա շատ չտարվել դրա մեկնաբանությամբ եւ յուրաքանչյուր երազում չփնտրել կոնկրետ իմաստ:

Անուշ Ալեքսանյանի կարծիքով` էրոտիկ բնույթի երազներին եւ առհասարակ երազներին լուրջ կամ անլուրջ վերաբերվելը ոչինչ չի փոխի. երազները մնում են երազներ, որոնց մեկնաբանությունները կարող են սահմանափակվել միայն ենթադրությունների մակարդակով.«Իհարկե, դրանք կարող են լուրջ նշանակություն ունենալ տեսնողի համար եւ անլուրջ լինել դարձյալ այդ մարդու համար: Իսկ թե դրա մասին ինչ են կարծում ուրիշները, այ, դա արդեն անլուրջ է»:

Ի՞նչ անել, երբ տանջում է մեղքի զգացումը

Շարունակությունը կարող եք կարդալ այստեղ:
 


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ Ի՞նչ են հուշում էրոտիկ երազները (16+)  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Հետաքրքիր բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Հետաքրքիր | Ավելացրեց: haykblbulyan (10.03.16) Դիտումներ: 283 | - Վարկանիշ -: 0.0/0