Գլխավոր էջ » Հետաքրքիր
Արսենը փախցրել է նախկին ընկերուհուն, բայց պարզվել է, որ նա հղի է և ամուսնացած է այլ տղամարդու հետ  4905

Գլխավոր էջ » Հետաքրքիր 

Խորագիրը՝  Հետաքրքիր,   


Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում Լևոն Ավետիսյանի նախագահությամբ ընթանում է Արսեն Ա.-ի գործի դատական քննությունը:

29-ամյա Արսենը մեղադրվում է աղջիկ առևանգելու համար՝ ՀՀ քրեական օրենսգրքի 131 հոդվածի 1-ին մասով:

Ըստ մեղադրանքի՝ Արսենը իր նախկին ընկերուհի Մարիին (անունը փոխված է) ամուսնության նպատակով առևանգելու դիտավորությամբ 2015 թվականի հունիսի 25-ին, ժամը 21-ի սահմաններում  պատահական տաքսիով գնացել է Շիրվանզադեի փողոցի շենքերից մեկի մոտ:

Նա դարանակալել, ապա, աղջկան տեսնելով, հետևից աննկատ մոտեցել է նրան, մի ձեռքով փակել է նրա բերանը, մյուս ձեռքով գրկել է նրա մեջքը ու ստիպողաբար նստեցրել է մեքենա:

Աղջկա կամքին հակառակ Արսենը նրան Երևանից տեղափոխել է Կոտայքի մարզում գտնվող «Օրրան» ռեստորանային համալիր:

Սակայն  հարսանիք այդպես էլ տեղի չի ունեցել: Արսենի հանցավոր արարքի արդյունքում ընտանիք չի կազմվել: Աղջիկը կտրականապես հրաժարվել է իր կյանքը Արսենի հետ կապելու առաջարկից ու պարտադրանքից:

Աղջիկը վերադարձվել է տուն, իսկ Արսենին մեղադրանք է առաջադրվել առջկան առևանգելու համար:

Ընդհանուր իրավասության դատարանում Արսեն Ա.-ն իրեն լիովին մեղավոր է ճանաչել: Նա հայտնել է, որ հաշտվել է տուժող աղջկա հետ: Վերջինս դատարանում հաստատել է, որ հաշտվել է Արսենի հետ, ներել է նրան, որևէ նյութական պահանջ չունի:

Պետք է ասել, որ տուժողն արդեն ամուսնացած կին է, բայց նա  ամուսնացել է ոչ թե Արսենի, այլ իր սիրած տղամարդու հետ, նույնիսկ արդեն բալիկի է սպասում ու երջանիկ է…

Ինչ վերաբերում է Արսենին, ապա նա, ամբաստանյալի աթոռին հայտնվելով, իրեն մեղավոր է ճանաչել ու միջնորդել է, որ գործն արագացված ընթացակարգով քննվի:

Եվ գործը քննվում է արագացված ընթացակարգով:

Մեղադրող դատախազը հանդես եկավ մեղադրական ճառով:

Նա նշեց, որ Արսեն Ա.-ի պատասխանատվությունն ու պատիժը ծանրացնող հանգամանքներ գործով ի հայտ չեն բերվել:

Որպես մեղմացուցիչ հանգամանք՝ արձանագրվեց այն, որ Արսենը նախկինում դատապարտված չի եղել:

Ըստ դատախազի՝ այն, որ Արսենը աղջկան առևանգել է ամուսնության նպատակով, էականորեն նվազեցնում է նրա արարքի հանրային վտանգավորության աստիճանը:

Մեղադրողը միջնորդեց՝ Արսեն Ա.-ին մեղավոր ճանաչել ՀՀ քրեական օրենսգրքի 131 հոդվածի 1-ին մասով, նրան դատապարտել  3 տարի ազատազրկման, նրա նկատմամբ պայմանական դատապարտություն կիրառել ու սահմանել  3 տարի փորձաշրջան:

Արսենի շահերի պաշտպան Գ. Սահակյանը թվարկեց իր պաշտպանյալի պատասխանատվությունն ու պատիժը մեղմացնող հանգամանքները: Արսենն ապրում է իր տարեց ծնողների հետ: Ընտանիքի միակ կերակրողն է:

2009 թվականին զինվորական պարտադիր ծառայության ժամանակ  զոհվել է Արսենի եղբայրը: Ըստ պաշտպանի՝ ցանկանալով ընտանիք կազմել՝ Արսենը փորձել է ինչ-որ կերպ մեղմել ծնողների վիշտը, միայն թե երիտասարդը միակողմանի է սիրել, չի կարողացել ստանալ սիրած աղջկա համաձայնությունը… Արսենը փորձել է առևանգել իր նախկին ընկերուհուն՝ տուժողը նախկինում ընկերություն է արել Արսենի հետ, հետո մերժել է…

Արսենին դրական էին բնութագրել հարևաններն ու աշխատանքային ղեկավարությունը:

Պաշտպանը միջնորդեց Արսեն Ա.-ին դատապարտել հնարավորինս մեղմ պատժի, պատիժն էլ պայմանականորեն չկիրառել ու սահմանել փորձաշրջան:

Տուժողը և նրա ներկայացուցիչը հավաստեցին, որ Արսենից բողոք, պահանջ չունեն, չեն առարկում, եթե նա մեղմ պատիժ ստանա:

Ինքը՝ Արսենն ասաց, թե զղջում է կատարածի համար, ընդգծեց, որ այդ արարքը կատարել է միմիայն տուժողի հետ ընտանիք կազմելու ցանկությամբ ու նպատակով…

Խորագիրը՝  Հետաքրքիր,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Հետաքրքիր բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017