Գլխավոր էջ » Գեղեցկություն
Ինչի՞ կարող է հանգեցնել որովայնային ճարպը և ինչպես ազատվել դրանից  751

Գլխավոր էջ » Գեղեցկություն 

Խորագիրը՝  Գեղեցկություն,   

 

Ավելորդ կիլոգրամները, հատկապես որովայնի տարածքում կուտակված ճարպը  կարող է շոշափելի վնաս պատճառել մարդուն:

 

zdorovie.com-ը ներկայացրել է այդ խնդրի պարզաբանման վերաբերյալ բավականին հետաքրքիր տեղեկատվություն:

 

Ինչու՞ պետք է տղամարդիկ ուշադրություն դարձնեն որովայնի հատվածում առաջացած ճարպակալման խնդրին

 

Նման խնդրի առաջացման դեպքում կտրուկ բարձրանում է հիպերտոնիայի, 2-րդ տիպի շաքարային դիաբետի, ինսուլինի նկատմաբ  կայունության, սրտանոթային հիվանդությունների, կաթվածի, քաղցկեղի որոշ տեսակների, նյութափոխանակային համախտանիշի, քնի ապնոեի առաջացման ռիսկերը: Այն նաև հանգեցնում է տրիգլիցերիդների մակարդակի աճի ու  բարձր խտության լիպոպրոտեինների  ցածր մակարդակի:

 

Ինչպե՞ս պարզել, որ ձեզ մոտ չափից շատ է որովայնի հատվածում ճարպային կուտակումները

 

Մարդու իրանի ծավալը բավականին լավ ուղղորդիչ  է: Կոնքերի ու իրանի  շրջագծի կամ հասակի ու զանգվածի  հարաբերակցությունը   թույլ կտա ավելի հստակ ցուցանիշներ ունենալ, իսկ իրանի  չափերի վերաբերյալ ցուցանիշները թույլ կտան հասկանալ,  թե ինչ վիճակում է գտնվում ձեր մարմնի նշված հատվածը:

Տղամարդկանց մեծ մասի համար սրտանոթային ու մի շարք այլ հիվանդությունների ռիսկի գործոնը  բարձրանում է, եթե իրանի չափերը հասնում են 102 սմ-ի:

 

Ազդում  է արդյոք տարիքը  ճարպային կուտակումների վրա

 

Տարիքի հետ մարդիկ կորցնում են  մկանային զանգվածը, հատկապես, եթե նրանք ֆիզիկաապես ակտիվ չեն: Իսկ մկանային զանգվածի կորուստը նվազեցնում է կալորիաների այրման արագությունը: Այսինքն, եթե դուք չնվազեցնեք օգտագործվող կալորիաների քանակությունը  կամ չավելացնեք ֆիզիկական ակտիվության մակարդակը, դուք կարող եք գիրանալ:

 

Գոյություն ունի արդյոք գենետիկ հակվածություն որովայնի տարածքում ավելորդ ճարպերի կուտակման նկատմաբ

 

Կառուցվածքն ու գիրության նկատմաբ հակվածությունը  կարող են գենետիկ լինել, սակայն տղամարդկանց մեծ մասի մոտ  այդ խնդրի առաջացումը պայմանավորված է վարած կենսակերպով:

 

Հնարավոր է  արդյոք  գարեջրի օգտագործման արդյունքում ձեռք բերել «գարեջրային որովայն»

 

Ալկոհոլի չափից շատ օգտագործումը կարող է դառնալ որովայնի հատվածում ճարպակալման առաջացման պատճառ: Սակայն նշել, որ «գարեջրային որովայնը»   առաջանում է միայն գարեջրի օգտագործման հետևանքով`  ճիշտ չէ: Ալկոհոլի չարաշահումը միշտ բարձրացնում է ճարպակալման առաջացման ռիսկը և այս պարագայում բացարձակ կարևոր չէ, թե ալկոհոլային ինչ միջոցներ եք օգտագործում: Բացառություն է կազմում միայն գինին, որի ոչ բացասական ազդեցությունը ապացուցվել է  մի շարք հետազոտությունների արդյունքում:

 

Այսինքն,  որքան քիչ է ալկոհոլը,  այնքան քիչ են կալորիաները և հետևաբար ավելի քիչ է ճարպակալման առաջացման ռիսկը:

 

Ինչպես ազատվել որովայնի հատվածում կուտակված ճարպից

 

Եթե ցանկանում եք ազատվել ավելորդ կիլոգրամներից,  անկախ նրանից, թե դա մարմնի որ հատվածում է, պետք է հետևեք հիմնական կանոններին:

 

1.    կրճատեք ալկոհոլի օգտագործումը

2.    կրճատեք սննդի չափաքանակը

3.    փոխեք սննդակարգը

4.    սննդակարգում ընդգրկեք  ճարպի ցածր պարունակությամբ առողջ մթերքներ

 

5.    ավելացրեք ֆիզիկական ակտիվությունը

 

Առողջության ու հասարակական ապահովագրության   վարչությունը խորհուրդ է տալիս  առողջ տարեց մարդկանց  շաբաթական 150 րոպե կատարել միջին ինտենսիվությամբ աէրոբիկայի վարժություններ, կամ 75 րոպե ակտիվ մարզումներ, որոնք հարկավոր է  համատեղել ուժային  վարժությունների հետ:

 

Հաճախակի քաշի պահպանման համար անհրաժեշտ է լինում ավելացնել ծանրաբեռնվածությունը, սակայն, եթե ժամանակը չի բավականացնում շարունակական վարժությունների համար, կարող եք օրվա ընթացքում կատարել  կարճաժամկետ մարզումներ: Աշխատեք նաև ընթրիքից հետո զբոսնել դրսում:

 

Ավելորդ քաշից ազատվելուց հետո աշխատեք պահպանել ձեր ձեռքբերած քաշը՝ առողջ դիետաների ու կանոնավոր ֆիզիկական վարժությունների շնորհիվ:

 

Կարելի է արդյոք ազատվել մեծ փորից ծնկածալումի միջոցով

 

Ծնկածալումն ամրացնում է որովայնային մկանները, սակայն արդյունքի հասնելու համար միայն առանձին վարժությունները   բավական չեն: Այդ ամենը հարկավոր է համատեղել առողջ սննդակարգի ու կանոնավոր ֆիզիկական ակտիվության հետ:

 

Հիշեք, որ որովայնի ճարպից հնարավոր է   ազատվել, հարկավոր է  պարզապես ցուցաբերել ծայրաստիճան համբերություն ու ջանասիրություն: Կարող եք ընդամենը մի քանի ավելորդ կիլոգրամների կորուստի շնորհիվ ունենալ հիանալի ինքնազգացողություն ու նվազեցնել առողջության հետ կապված խնդիրների առաջացման ռիսկը:

Խորագիրը՝  Գեղեցկություն,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Գեղեցկություն բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017
Powered by Jasper Roberts - Blog
Հաստատու՞մ եք, որ չափահաս եք


ԱՅՈ