RSS բաժանորդագրություն 

Загрузка...

Գլխավոր էջ » Գեղեցկություն

Երբ դժգոհ եք ձեր արտաքինից...  458

Загрузка...
 
 

Խորագիրը՝  Գեղեցկություն,   


Երբ դժգոհ եք ձեր արտաքինից...

  Հարցում

Դիտու՞մ եք հայկական սերիալներ


Կարդալ Top- հոդվածներ


 
Երբ դժգոհ եք ձեր արտաքինից...
 
Մեզանից քչերն են գոհ իրենց մարմնից, արտաքին տեսքից և միշտ էլ հնարավոր է գտնել աննշան կամ էլ վառ արտահայտված թերություններ, գծեր, որոնք կցանկանայինք չունենալ կամ գոնե փոխել: Իսկ ինչու՞ մենք չենք կարողանում մեզ ընդունել այնպիսին, ինչպիսին կանք:
Շատերս փորձում ենք դուր գալ շրջապատին, և այդ դեպքում, կարծես, արհեստականն ավելի շատ է և անձը զրկվում է «իր մարմինը զգալու զգացողությունից»: 
 
«Ինչպիսի՞ն եմ ես ուրիշների համար». այսպիսի հարց հաճախ ենք տալիս ինքներս մեզ, գուցե ոչ գիտակցորեն, բայց ենթագիտակցորեն` այո: Թերևս, այս որոնումներից, ծնվում են իդեալներ, և յուրաքանչյուրս իր մեջ ստեղծում է իդեալ, կերպար, որին ձգտում է նմանվել կամ պատկերացնում է իրեն այդպիսին: Սակայն եթե տարիները մեր հանդեպ անխնա են և կատարում են իրենց սև գործը, ապա իդեալը զերծ է ժամանակի ճնշումից. այն միշտ գեղեցիկ է և երիտասարդ: Իսկ միգուցե խնդիրը մե՞ր մեջ է, և նախ մենք պետք է սիրենք և ընդունենք մեր արտաքինը: Երևի ավելի ճիշտ է չվազել իդեալների ետևից, և փորձենք գնահատել ու ընդունել ինքներս հենց այսպիսին:
Այս դեպքում կհարցնենք ինքներս մեզ. «Ինչպիսի՞ն եմ ես ինձ համար»:
 
ՍԿՍԱԾ ԴԵՌ ՄԱՆԿՈՒԹՅՈՒՆԻՑ
 
Ե՞րբ ենք սկսում մտածել մեր արտաքին տեսքի մասին: Ինչպես նշում են հոգեբանները, սեփական անձի և արտաքինի նկատմամբ հարգանքը պետք  է սկսել ձևավորել դեռևս մանկուց, քանի որ մանկությունից երեխան զգում է շրջապատի վերաբերմունքը, տեսնում, թե ինչպես է մայրը խնամում, կերակրում ու վերաբերվում իրեն: Սա նշանակում է, որ նույնիսկ մոր հայացքը և, հատկապես, քննադատական հայացքը, շատ կարևոր է  երեխայի հետագա ինքնագնահատականի համար: Պակաս կարևոր չէ նաև խոսքերի դերը. ծնողները առավել հաճախ փորձում են ապահովել երեխաների բոլոր պահանջները, միշտ նշում են դրական կողմերի և լավ հատկությունների մասին, սակայն ճիշտ է երեխային տալ հավասարակշռված ինֆորմացիա, որպեսզի ավելի հասուն տարիքում կարողանա ճանաչել և շտկել բացասական կողմերը:
 
ԱՍԱ՛, ՀԱՅԵԼԻ՛, Ո՞Վ ԿԱ ԻՆՁՆԻՑ ԳԵՂԵՑԻԿ… 
 
Ին՞չ զգացողություն ենք ունենում, երբ նայում ենք հայելուն:
Գուցե շա՞տ գոհ ենք մեր տեսքից, թե՞ հակառակը` հիասթափված ենք և հուսալքված: Միգուցե վերջին տարբերակը ավելի հատկանշական է շատերին… և հայելուն նայելիս բախվում են երկու հակադիր իրականություն:
 
Բանն այն է, որ մենք մեր մարմինը չենք տեսնում, այլ զգում ենք ներսից: Հայելին մի գործիք է , որի միջոցով մենք կարողանում ենք տեսնել մեզ, սակայն` ուրիշի աչքերով:
Եթե այդ «ուրիշի աչքերովը» անվանենք երկրորդ հայացք, ապա ավելի քննադատաբար կվերաբերվենք մեր արտացոլքին, քանի որ որպես կանոն, ուշադրության են արժանանում ոչ թե դրական, այլ բացասական կողմերը:
 
Իսկ ո՞րն է պատճառը, որ մենք չենք ընդունում հայելու անդրադարձը:
 
Մենք ապրում ենք մի ժամանակահատվածում, որտեղ օրական տասնյակ գովազդային հոլովակներ և նկարներ ենք տեսնում, իսկ այդ նկարներում (որպես կանոն) կանայք են` իդեալական արտաքին և կազմվածք ունեցող մարդիկ, որոնք իրականում թվային ֆոտոխցիկի և համակարգչային ծրագրերի արդյունք են: Հայտնի մոդել Կլաուդիա Շիֆերը հարցազրույցներից մեկում ասել է. «Նույնիսկ ես նման չեմ Կլաուդիա Շիֆերին»: 
 
Երբ դժգոհ եք ձեր արտաքինից...Այնպես որ, մենք պարտավոր չենք նրանց պես լինել, քանի որ դրանք իրական կերպարներ չեն և գոյություն չունեն:
Գեղեցկության չափանիշները պայմանավորված են ինչպես պատմական անցյալով, ազգային մտածողությամբ, այնպես էլ անհատի աշխարհայացքով և կուլտուրայով:
Շատ տարածված է ասել, որ «կինը կարող է գեղեցիկ լինել»:
Սակայն սոցիալական ազդակներն այնպիսին են, որ «կարող է»-ն հետզհետե վերածում են «պետք է»-ի:
Ամենակարևորն այն է, որ կինը կարողանա դառնալ ինքն իրեն հաճելի, այդ դեպքում ներդաշնակությունն ապահոված է բոլոր հարաբերություններում:
 
Հաշտության 5 քայլ
 
Անգլիացի հոգեբան և փորձագետ Էմ Ֆարրելը  կարծում է, որ հնարավոր է սովորել, ընդունել և սիրել սեփական մարմինը: Նա առաջարկում է մի քանի վարժություն, որոնք կօգնեն փոխել վերաբերմունքը այդ հարցում:
 
1. Վերականգնել տեսողական ինքնագնահատականի հավասարակշռությունը
Հայելուն նայելիս փորձենք նայել մարմնի այն 3 մասերին, որոնք համարում ենք, գեղեցիկ: Նայեք դրանց, հրճվեք, զմայլվեք և մոռացեք այն մասերի մասին, որոնք տգեղ եք համարում:
 
2. Օգտագործե՛ք ձեր մարմինը նորովի: 
Փորձեք զբաղվել այնպիսի բանով, որ շատ կուզենայիք, բայց նախկինում չեք արել՝ ձեր տեսքից կամ մարմնի կառուցվածքից ելնելով: Կարելի է, օրինակ, պարի հաճախել:
 
3. Զգացեք մարմինը ուրիշի օգնությամբ  
Եթե մարմնի ինչ-որ մասեր ձեզ դուր չեն գալիս` կօգնի մասնագիտական 
մերսումը այդ մասերում, քանի որ այլ մարդու ուշադրությունը և խնամքը հետզհետե կբարձրացնի ինքնագնահատականը:
 
4. Նայեք ձեզ ուրիշի աչքերով: 
Առաջարկեք ձեր զուգընկերոջը (կնոջը կամ ամուսնուն) նկարել մեկդ մյուսին մերկ: Նպատակը ոչ թե արվեստի գործ ստեղծելն է, այլ փորձեք տեսնել ուրիշի աչքերով: 
 
5. Հայացք նետել դեպի անցյալ:
Օգտակար է կրկին նայել նախկինում արված լուսանկարները. որպես կանոն մենք մեզ դուր ենք գալիս հին նկարներում: Նայելիս կհիշեք, որ այդ ժամանակ էլ ձեզ դուր չէր գալիս եկել, թե ինչ տեսք ունեիք: Դա կօգնի ընդունել սեփական մարմինն այսօր:
 
Ի դեպ, մինչև օրս պահպանվել է մեկ ավանդույթ` հայելու առջև չուտելը: Մեկ էլ տեսար գեղեցկությունդ էլ կերար:
Կարծում ենք, որ այդ «պատուհանին» երկար նայելիս նա կարող է քաշել և տանել մեր գեղեցկության յուրօրինակությունը:
 

Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ Երբ դժգոհ եք ձեր արտաքինից...  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Գեղեցկություն բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Գեղեցկություն | Ավելացրեց: haykblbulyan (13.03.16) Դիտումներ: 458 | Տեգեր: Հոգեբանական | - Վարկանիշ -: 0.0/0