Գլխավոր էջ » Գեղեցկություն
Դիմակներ՝ ճարպոտ մաշկի համար  501

Գլխավոր էջ » Գեղեցկություն 

Խորագիրը՝  Գեղեցկություն,   

 

Մեղրը հիանալի փափկեցնում եւ մաքրում է մաշկը` սնուցելով այն։ Մեղրային դիմակներն ակտիվացնում են մաշկի արյան շրջանառությունը, լավացնում սնուցումը, բարձրացնում մաշկի տոնուսը, հարթեցնում կնճիռները, բարերար ազդեցություն թողնում դեմքի մաշկի եւ պարանոցի վրա։

Այդպիսի դիմակ կարող եք պատրաստել` ձվի սպիտակուցը հարել, ավելացնել 1 թեյի գդալ մեղր եւ մի քիչ ալյուր։ Դիմակը քսել դեմքին, թողնել 20 րոպե, ապա լվանալ դեմքը գոլ ջրով։

Վերցնել 2 ճաշի գդալ երիցուկ, լորենու ծաղիկներ, թանթրվենու եւ սոճու
երիտասարդ շիվեր, նաեւ 1 ճաշի գդալ ծեծած նուշ եւ պատրաստել եփուկ։
50 միլիգրամ տաք եփուկին ավելացնել 1 թեյի գդալ ալյուր, 1 թեյի գդալ մեղր եւ լավ խառնել։ Ստացված գոլ խյուսը 30 րոպե դնել դեմքին, լվանալ գոլ, իսկ հետո սառը ջրով։

 

1 ճաշի գդալ քերած բողկին ավելացնել 1 ձվի սպիտակուց եւ 1 թեյի գդալ մեղր։ Քսել դեմքին, պահել 15-20 րոպե, որից հետո բամբակը թրջել գոլ ջրի մեջ, մաքրել դեմքը եւ լվանալ ջրով։ Այս դիմակի արդյունավետության համար օգտագործեք այն 15 անգամ: Ծակոտկեն մաշկի դեպքում այն մաքրում, թարմացնում, թեթեւակի սպիտակեցնում եւ բարձրացնում է մաշկի տոնուսը։

1 թեյի գդալ ջրիկ մեղրին ավելացնել 30-40 կաթիլ կիտրոնի հյութ եւ 1 ճաշի գդալ սպիտակ կավ։ Կարելի է ավելացնել նաեւ քիչ ջուր, մինչեւ թանձր խյուս ստանալը, որը պետք է քսել դեմքին եւ պարանոցին։ 25-30 րոպե հետո դիմակը մաքրել գոլ ջրով, որից հետո մի կտոր կիտրոնով մերսել մաշկը։ Վերջում դեմքին դնել մի քանի սառը կոմպրեսներ։ Այն դնում են ծակոտկեն եւ թառամած մաշկի դեպքում։
Վերցնել 2 ճաշի գդալ ջրիկ մեղր, լորենու ծաղիկներից պատրաստած թուրմ եւ նույնքան կիտրոնի հյութ, լավ խառնել եւ դնել դեմքին 15-20 րոպե։ Դիմակը մաքրել գոլ ջրի մեջ թրջած բամբակե խծուծով եւ լվանալ սառը ջրով։

 

Հարթեցնող եւ սպիտակեցնող դիմակ, որը խորհուրդ է տրվում ծակոտկեն ու կնճռոտ մաշկի դեպքում. 1 թեյի գդալ մեղր, վրան ավելացնել գոլ կաթ, կարտոֆիլի օսլա եւ խառնել մինչեւ միատարր զանգված ստացվելը։ Պատրաստի խյուսը քսել երեսին բամբակե խծուծով, շերտ առ շերտ, մինչեւ վերջ։ 20-25 րոպե անց դեմքը լվանալ գոլ, իսկ հետո՝ սառը ջրով։

Հում կարտոֆիլը քերել եւ վրան ավելացնել 0,5 ճաշի գդալ մեղր, հարած ձվի կես սպիտակուց, մի պտղունց աղ, քսել դեմքին, պահել 20 րոպե եւ լվանալ սենյակային ջերմության ջրով։

1 ձվի հարած սպիտակուցին ավելացնել 2 թեյի գդալ դեղձի պտղամիս, 1 թեյի գդալ մեղր, խառնել եւ քսել դեմքին, 15-20 րոպե պահել, հետո այն մաքրել։ Այս դիմակը փափկեցնում է մաշկը եւ հարթեցնում կնճիռները։

Խորագիրը՝  Գեղեցկություն,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Գեղեցկություն բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017
Powered by Jasper Roberts - Blog