RSS բաժանորդագրություն 

Загрузка...

Գլխավոր էջ » Առողջություն

Ինչպես խնամել յուղոտ մազերը  1094

Загрузка...
 
 

Խորագիրը՝  Առողջություն,   NEWS.am STYLE


Ինչպես խնամել յուղոտ մազերը

  Հարցում

Դիտու՞մ եք հայկական սերիալներ


Կարդալ Top- հոդվածներ



Չափազանց յուղոտ մազերը շատ կանանց ու տղամարդկանց խնդիրն է։ Ինչպես խնամել մազերը, որպեսզի դրանք գեղեցիկ տեսք ունենա։ Այս մասին կպատմի «Ազալեա» գեղեցկության սրահի վարսահարդար Գոհար Գրիգորյանը.

«Մարդու մազերի տեսակը որոշվում է դեռեւս վաղ մանկուց։ Եթե երեխայի մազերը յուղոտ են, ծնողները երեխայի գլուխը լվանում են շաբաթական չորս անգամ, առանց մտածելու, որ սեփական ձեռքով փչացնում են մանկական մազերի արմատները։ Նույն պատկերն է նաեւ յուղոտ մազեր ունեցող մեծերի մոտ։ Նման այցելուներին, ովքեր արդեն հասցրել են փչացնել թե իրենց եւ թե երեխայի մազերի արմատները, խորուրդ եմ տալիս գլուխը լվանալ շաբաթական երեք անգամ չորացած մազերի համար շամպույնով։

Հավատացեք, ձեր մազերի խնամված տեսքը կախված է միայն ձեզնից ու այն բանից, թե որքան շատ եք սիրում ձեր մազերը։ Դրանք չի կարելի հաճախակի լվանալ, քանի որ արդյունքը հակառակը կարող է լինել։ Օրինակ բերեմ. հաճախորդներից մեկը դժգոհում էր իր մազերից՝ պնդելով, որ դրանք շատ յուղոտ են եւ ինքը ստիպված է դրանք լվանալ ամեն օր։ Երբ ծնվեց նրա առաջին երեխան, ամբողջ ժամանակը նա տրամադրում էր երեխային։ Եւ հիշելով, որ մազերը լվացել է մեկ շաբաթ առաջ, շատ էր զարմացել դրանց գեղեցկությունից։ Այդ ժամանակ նա հիշեց իմ խոսքերն ու խորհուրդը։ Թեեւ, իհարկե, դեր ունեցավ նաեւ այն, որ երեխայի ծնունդը փոխում է օրգանիզմը, ինչն անպայման պետք է ազդեր նաեւ մազերի վրա։ 
Խնդրահարույց մազերի դեպքում կարելի է ճիշտ կտրվածք ընտրել թերությունները ծածկելու համար։ Սակայն ես հակված եմ մտածել, որ երկար թե կարճ՝ յուղոտ մազերը խնամելը շատ դժվար է։ Այդ պատճառով էլ հատուկ ուշադրություն պետք է հատկացնել գլխի մաշկի ճարպային հավասարակաշռության կարգավորմանը։ Ահա մի քանի խորհուրդ.

Մազերի արմատների չորության պահպանման բաղադրատոմս

Մեկ ճաշի գդալ ջուրը խառնեք մեկ բաժակ քացախի հետ։ Գլուխը լվանալուց հետո այս խառնուրդը լցրեք գլխին։ Դրանից հետո ծածկեք գլուխը սրբիչով, որպեսզի հեղուկը ներծծվի մազերի արմատների մեջ ու պահեք 10 րոպե։ 

Մազերի փայլը պահպանելու բաղադրատոմս

Այս դիմակը պատրաստելու համար մեկ ճաշի գդալ ջուրը պետք է խառնել մեկ ճաշի գդալ լիմոնաթթվի հետ։ Պատրաստելուց հետո այն քսեք մազերին, թողեք 10 րոպե ու լվացեք գլուխը։ Դրանից հետո գլուխը պետք է մերսել հատուկ փափուկ բարձիկներով, եւ ոչ մի դեպքում՝ ձեռքով կամ եղունգներով։

Խնձորի դիմակ յուղոտ մազերի համար

Մաքրած խնձորն անցկացրեք քերիչով, ավելացրեք երկու ճաշի գդալ լիմոնի հյութ ու մեկ ճաշի գդալ քացախ։ Խառնուրդով լավ տրորեք մազերի արմատները, ապա գլուխը ծածկեք պոլիէթիլենով ու սրբիչով։ Պահեք 30 րոպե։ Լվացեք առանց շամպույնի։

Մազերի յուղոտության դեմ պայքարի դիմակ

Այս դիմակը պատրաստելու համար մեկ թեյի գդալ մեղրը, նույնքան լիմոնի հյութը, սխտորի մեկ կտորը, մեկ թեյի գդալ ալոեի հյութը խառնեք ու քսեք թաց մաքուր մազերին։ Գլխարկ դրեք կամ գլուխը կապեք շարֆով՝ տաք պահելու համար։ Պահեք 30-40 րոպե ու լվացեք գոլ ջրով, առանց շամպույնի։ Արդյունքն ապահովված է։

Եւ, վերջապես, յուղոտ մազերի համար հինգերորդ բաղադրատոմսը

Այս դիմակը պատրաստելու համար մեկ ճաշի գդալ սպիրտը խառնեք մեկ ճաշի գդալ ջրի հետ։ Ապա մեկ ձվի դեղնուցն ավելացրեք այս խառնուրդին։ Լավ հարելուց հետո ստացված զանգվածը քսեք լվացած մազերին։ 30 րոպես հետո լվացեք տաք ջրով։ 
Այս բաղադրատոմսերի շնորհիվ կկարողանաք կարգավորել նյութափոխանակությունն ու միաժամանակ խնայել թանկ միջոցների վրա։ Եղեք խնամված ու գեղեցիկ»։

Գրի առավ Լաուրա Բալայանը


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ Ինչպես խնամել յուղոտ մազերը  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Առողջություն բաժնի ԱՄԵՆԱԸՆԹԵՐՑՎԱԾԸ՝ այստեղ




Աղբյուրը: http://style.news.am/arm/news/2576/inchpes-khnamel-yuxot-mazery.html
Կատեգորիա: Առողջություն | Ավելացրեց: haykblbulyan (13.05.16) | Հեղինակ: NEWS.am STYLE Դիտումներ: 1094 | Տեգեր: գեղեցկություն և առողջություն | - Վարկանիշ -: 0.0/0