Գլխավոր էջ » Առողջություն
Ինչո՞ւ են տղամարդիկ խուսափում պահպանակ օգտագործելուց (18+)  2661

Գլխավոր էջ » Առողջություն 

Խորագիրը՝  Առողջություն,   

Սեքսոլոգիական պրակտիկայում մենք հաճախ ենք հանդիպում դեպքեր, երբ տղամարդիկ ուղղակի հրաժարվում են պահպանակից: Որքան էլ զարմանալի է, բայց որոշ տղամարդիկ (ինչու չէ նաև կանայք) այն համարում են անարգանք, վիրավորանք զուգընկերուհու նկատմամբ, հաճախ տղամարդիկ պահպանակ չկիրառելը մեկնաբանում են սեքսուալ զգացողությունների թուլացմամբ (այստեղ պետք է չհամաձայնել, քանի որ կան սիլիկոնային քսուքներով լատեքսային պահպանակներ, որոնք լիովին պահպանում են բնական զգացողությունները), իրավիճակային գործոններով (անհարմարություն, սեքսի անպատեհ ժամանակ):
 

Ինչո՞ւ են տղամարդիկ խուսափում պահպանակ օգտագործելուց (18+)
 

Կանայք, իհարկե, այս հարցում առավել պահանջկոտ են. հաճախ նրանք գերադասում են տարբեր քսուքներով, արոմատիզատորներով, անհարթություններով, բեղիկներով պահպանակներով էքսպերիմենտները (կանանց էրոտիկ երևակայությունը առավել զարգացած է): Այս բոլոր հավելումները օգնում են մաքսիմումի հասցնել սեռական հարաբերության ժամանակ փսիխոսեքսուալ բավականությունը: Իհարկե այստեղ չպետք է մոռանալ հոտավետ նյութերի և հավելանյութերի ալերգիզացնող կողմնակի էֆեկտի մասին, եթե կնոջ կամ տղամարդու լորձաթաղանթները ունեն գերզգայնություն տվյալ նյութերի նկատմամբ:

Պահպանակը մինչև այժմ մնում է անցանկալի հղիություններից և սեռական ճանապարհով տարածվող ինֆեկցիաներից պաշտպանվելու ամենաանվնաս մեթոդը: Արդյունավետությունը օգտագործման տեխնիկայի ճիշտ պահպանման դեպքում բավականին բարձր է (գիտությունը դեռևս չի ստեղծել առավել անվնաս մեթոդ): 

Այն հաճախ կարող ենք խորհուրդ տալ այն դեպքերում,  երբ կնոջը, բժշկական նկատառումներից ելնելով, հակացուցված է հորմոնալ և ներարգանդային պարույրների կիրառումը (բեղմնականխման էֆեկտը բարձրացնելու համար կիրառվում են սպերմիցիդ քսուքներ պարունակող պահպանակներ): Տարբեր տեսակի պահպանակները նաև կիրառվում են որպես բուժման միջոց. Օրինակ՝ տղամարդկանց վաղաժամ սերմնաժայթքման ժամանակ խորհուրդ են տրվում անէսթետիկներ (բենզոկային, քսիլոկային) պարունակող պահպանակները, որոնք լիարժեք են դարձնում սեռական ակտի տևողությունը:

Պետք է նկատել, որ Հայաստանում որոշակի քաոսային իրավիճակ է տիրում. պահպանակի չկիրառելը կամ օգտագործման տեխնիկային չտիրապետելը պայմանավորված չէ անհատի մասնագիտությունից, մտածելակերպից կամ ինտելեկտուալ մակարդակից, ավելին, հաճախ այս հասարակ մեթոդից չօգտվելու պատճառով անցանկալի հղիություն և սեռավարակներ են արձանագրվում բարձր ինտելեկտ և բարձրագույն կրթություն ունեցող անհատների մոտ, ինչը իմ կարծիքով պայմանավորված է նրանով, որ նրանք առավել հաճախ սեռական կապեր են ունենում իրենց կարծիքով վստահելի և լուրջ զուգընկերուհիների հետ, և ավելորդ են համարում պահպանակի օգտագործումը (թեթևաբարո կանանց հետ կենակցելիս նրանք անպայման կկիրառեին պահպանակ):

Պետք է հիշել, որ ներկայումս սեռավարակները դարձել են դեղորայքակայուն և ունեն խրոնիզացիայի հակում, ուստի չպետք է վտանգել առողջությունը. Այն շատ դժվար է վերականգնել։

Սևադա Հակոբյան


Sexual Health Protection

 

Խորագիրը՝  Առողջություն,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Առողջություն բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017