Գլխավոր էջ » Առողջություն
Ծխելու, ալկոհոլի և թմրանյութերի ազդեցությունը սեռական կյանքի վրա  2304

Գլխավոր էջ » Առողջություն 

Խորագիրը՝  Առողջություն,   

Ծխելու և ալկոհոլի և թմրանյութերի ազդեցությունը սեռական կյանքի վրաԱռողջ կենսաձևի վրա բացասական ազդեցություն են թողնում տարբեր գործոններ, բայց առաջին հերթին ծխելը, ալկոհոլի և թմրանյութերի օգտագործումը: Ծխելը վնաս է հասցնում ոչ միայն առանձին օրգաններին (սիրտ, անոթներ, թոքեր և այլն), այլև սեռական համակարգին: 

Երկարատև ծխելը ազդում է սեռական ակտիվության վրա, առաջացնում է տղամարդկանց տևական սեռական անկարություն կամ թուլություն: Հայտնի է, թե որքան վնասակար, կործանարար է ծխելը երիտասարդ աղջիկների, հատկապես հղի կանանց համար: Իզուր չեն ասում, որ հղիության ժամանակ ծխելն ու խմելը հանցագործություն են սեփական երեխայի նկատմամբ: Արդեն գիտականորեն ապացուցված է, որ նման վարքագծի և երեխաների բազմաթիվ ծանր հիվանդությունների միջև կա ուղղակի կապ: Ալկոհոլը պակաս վնասակար չէ նաև տղամարդկանց համար, չնայած ոմանք համարում են, որ սեռական հարաբերության ժամանակ նյարդային լարվածությունը և անինքնավստահությունը հանելու գործում ալկոհոլը լավ «օգնական» է: 

Այդ կարծիքը պարզապես թյուրիմացություն է: Առաջինը՝ հարբած մարդը համարձակի փոխարեն դառնում է գռեհիկ և կոպիտ: Բացի այդ, ալկոհոլը հաճախ ճնշում է սերմնազատման ընթացքը, քանի որ պահպանելով սեռական հակումը կամ նույնիսկ այն մեծացնելով՝ թուլացնում է սեռական կարողունակությունը:

Հայտնի է, որ ալկոհոլի պարբերական օգտագործման ժամանակ տղամարդու օրգանիզմում տեղի են ունենում փոփոխություններ, որոնք հանգեցնում են նրա բեղմնավորման ունակության անկման և միաժամանակ նպաստում են նրա սերնդում բնածին հիվանդությունների առաջացման:

Դեռևս Հին Հռոմում, մինչև 30 տարեկան տղամարդկանց արգելվում էր ալկոհոլ օգտագործել, իսկ մեր օրերում շատ ժողովուրդների սովորույթներում գործում է մի կանոն, որն արգելում է նորապսակներին ամուսնական առաջին գիշերվա նախօրյակին գինի խմել: Սեռական թուլությունը ժամանակի ընթացքում բերում է հոգեկան խանգարումների, խանդի զառանցանքի, որոնք հաճախ տղամարդու համար տխուր հետևանքներ են ունենում:

 

Երիտասարդների մի մասը հակված է տարբեր հոգեբանական խթանիչներ, թմրանյութեր օգտագործել: Սովորաբար դրանք առաջացնում են կենտրոնական նյարդային համակարգի խանգարումներ, որոնց հետևանքով փոփոխություններ են առաջանում մարդու ընկալումների, տրամադրության, մտածողության և վարքագծի մեջ: Երբ թմրանյութի ազդեցությունն անցնում է, մարդը շատ անհանգիստ է դառնում: Տհաճ զգացողություններից խուսափելու համար նա ստիպված է կրկին այդ չարիքին դիմել, բայց այս անգամ ավեփ մեծ չափաբաժնով: Այսպիսով, թմրամոլները դառնում են կոպիտ, կասկածամիտ, փնթի և եսասեր: Հետզհետե սկսվում է անձի վատթարացում, նրա հոգեբանական և ֆիզիկական լրիվ քայքայում, դրան միանում են սեռական համակարգի լուրջ ախտահարումներ, որոնք խիստ պակասեցնում են բեղմնավորման հնարավորությունը, բերում են սեռական թուլության, ինչպես նաև ազդում ապագա սերնդի առողջության վրա: Թմրամոլությունը մարդկության ամենացավոտ և ամենալուրջ հարցերից է՝ արժանի հատուկ լուսաբանման:


 


Подпишитесь на доски (Սեքս փաստեր, ուղեցույց) следующих пользователей Pinterest: Օգտակար.

 

Խորագիրը՝  Առողջություն,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Առողջություն բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017