Գլխավոր էջ » Առողջություն
Բազմաթիվ կանայք բախվում են այս տհաճ խնդրին... ի՞նչ պետք է իմանալ արգանդի Միոմայի մասին  4430

Գլխավոր էջ » Առողջություն 

Խորագիրը՝  Առողջություն,   Dr. Pavel Sotskiy

Լսելով ախտորոշումը՝ արգանդի միոմա, շատ կանայք խուճապի են մատնվում: Հանգստություն: Միոման, իհարկե, հաճելի երևույթ չէ, սակայն նաև չի պատկանում «քաղցկեղ»  անվամբ հայտնի սարսափելի հիվանդությունների թվին:

Ինչ է միոման

Միոման (ֆիբրոմիոմա) մկանային հյուսվածքից առաջացած բարորակ ուռուցք է:   Արգանդի միոման առաջանում է այն պատճառով, որ արգանդի բջիջները ինքնաբերաբար սկսում են ակտիվորեն կիսվել:  Պատճառներն ամբողջությամբ հայտնի չեն, սակայն պարզվել է, որ այդ գործընթացը խթանում է էստրոգեն հորմոնների  չափից ավելի

արտադրությունը:  Կոպիտ ասած, էստրոգենները խթանում են միոմայի աճին, իսկ պրոգեստերոնը, հակառակը, հետաճ է առաջացնում:  Սա, սակայն, չի նշանակում, որ արյան մեջ էստրոգենների և պրոգեստերոնի նորմալ քանակությունը վկայում է միոմայի բացակայության մասին:  Արգանդում էստրոգենների մակարդակի փոփոխությունն  առավել հաճախ չի  ազդում կամ քիչ է ազդում արյան մեջ  այս հորմոնների պարունակության վրա:

 

Համաձայն բժշկական վիճակագրության՝ միոմա հանդիպում է 30 տարին լրացած կանանց 20 տոկոսի մոտ: Ընդ  որում, առավել հաճախ արգանդի պատին առաջանում է ոչ թե մեկ, այլ մի քանի ուռուցքային հանգույց՝ տարբեր չափսերի:

Միոմաները տարբեր են լինում, որոշները կարող են «նստե»  արգանդի պատին, կարող են աճել դեպի արգանդի խոռոչը կամ էլ դեպի  որովային խոռոչը:

Ինչը կարող է նպաստել միոմայի առաջացմանը

  • Ժառանգական նախատրամադրվածությունը (արգանդի միոմա ունեցել է մայրիկը կամ տատիկը),
  • Դաշտանային ցիկլի հետ կապված խնդիրները,
  • Անպտղությունը և վիժումները,
  • Նյութափոխանակության խանգարումը (ճարպակալում, շաքարային դիաբետ),
  • Բազմաթիվ աբորտները,
  • Գիտնականները վերջերս նաև պարզել են, որ միոմայի առաջացման և սթրեսի միջև ևս ուղիղ կապ կա:

Ինչպես գլխի ընկնել

Արգանդի միոման սովորաբար առանց ախտանշանների է զարգանում: Սակայն կան մի քանի նախանշաններ, որոնցով կինը կարող է ենթադրել, որ արգանդի միոմա ունի.

  • Դաշտանի ընթացքում չափազանց առատ արյունահոսություն,
  • Դաշտանային ցիկլի խանգարում,
  • Ցավեր որովային ներքևի մասում կամ գոտկատեղում:

Չնայած տարիներ շարունակ կարելի է ապրել՝ առանց կասկածելու միոմայի գոյությունը, սակայն հիվանդությունը կարող է մի շարք տհաճություններ պատճառել.

  • Ուժեղ արյունահոսությունը կարող է սակավարյունություն առաջացնել,
  • Մեծացած ուռուցքը կարող է ճնշել հարևանությամբ գտնվող օրգանները, այդ դեպքում կառաջանան ցավեր, միզարձակման  դժվարություն, փորկապություն,
  • Խնդիրներ են  առաջացնում բեղմնավորման, հղիության և ծննդաբերության ընթացքում:

Ախտորոշումը և բուժումը

Միոման ժամանակին բացահայտելու միակ ճիշտ տարբերակը տարին մեկ անգամ գինեկոլոգի մոտ ստուգման գնալն է: Այն առավել հստակ ախտորոշում են ուլտրաձայնային հետազոտության միջոցով: 
Բուժումը կախված է հիվանդի տարիքից և պլաններից:Եթե տարիներ շարունակ միոման չի աճում և կինն էլ հղիանալ չի պլանավորում, ապա կարելի է բուժել դեղահաբերի միջոցով: Հորմոնալ միջոցները թույլ են տալիս դանդաղեցնել և անգամ որոշ դեպքերում կանգնեցնել աճը:

Երիտասարդ կանանց, որոնք ուզում են երեխա ունենալ, բժիշկները խորհուրդ են տալիս  հնարավորինս շուտ վիրահատություն անցնել՝ հեռացնելու ուռուցքը: Սակայն եթե ուռուցքային հանգույցները չափազանց շատ են կամ էլ շատ մեծ են, բժիշկները ստիպված են լինում հեռացնել ողջ արգանդը:

Նյութն ըստ medportal.ru կայքի
 





Խորագիրը՝  Առողջություն,   Dr. Pavel Sotskiy


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Առողջություն բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017
Powered by Jasper Roberts - Blog