Գլխավոր էջ » Առողջություն
Ալկոհոլը հանդիսանում է կախվածություն առաջացնող հոգեակտիվ նյութ  578

Գլխավոր էջ » Առողջություն 

Խորագիրը՝  Առողջություն,   med.tert.am

Ալկոհոլը հարյուրամյակներ շարունակ լայնորեն կիրառվում է բազմաթիվ մշակույթներում: Ալկոհոլի վնասակար օգտագործմամբ պայմանավորված հիվանդությունների զգալի բաժինը պայմանավորված է կանխատեսված և չկանխատեսված, ինչպես նաև սուիցիդալ մտադրությունների, բռնությունների և ճանապարհատրանսպորտային վթարների հետևանքով առաջացած վնասվածքներով: Ալկոհոլի օգտագործմամբ պայմանավորված մահացու վնասվածքները, որպես կանոն, հիմնականում հանդիպում են ավելի երիտասարդ տարիքի անձանց շրջանում:

Ամբողջ աշխարհում ալկոհոլային խմիչքների չարաշահման հետևանքով տարեկան գրանցվում է 3,3 մլն մահվան դեպք, որը կազմում է բոլոր մահերի 5,9%-ը: 20-39 տարիքային խմբի անձանց շրջանում մահվան դեպքերի 25% պայմանավորված է ալկոհոլի օգտագործմամբ: Գոյություն ունի պատճառահետևանքային կապ ալկոհոլի չարաշահման և մի շարք վարքագծային և հոգեկան խանգարումների, ինչպես նաև այլ ոչ վարակիչ հիվանդությունների և վնասվածքների միջև: Հաստատված է պատճառահետևանքային կապը ալկոհոլային չարաշահման և այնպիսի վարակիչ հիվանդությունների միջև, ինչպիսին են տուբերկուլյոզը և ՄԻԱՎ/ՁԻԱՀ-ը: Ալկոհոլի չարաշահումը զգալի սոցիալ տնտեսական վնաս է հասցնում առանձին անձանց և ողջ հասարակությանը: Ալկոհոլի չարաշահումն առաջացնում է ինտոկսիկացիա, նպաստում է կանխամտածված և ոչ կանխամտածված վնասվածքների առաջացմանը, ինչպես նաև բռնության և հանցագործության աճին:

 

ԱՀԿ կողմից 12 երկրում իրականացված հետազոտության արդյունքում պարզվել է, որ ալկոհոլային խմիչքնեի օգտագործման և ոչ մահվան ելքով վնասվածքների առաջացման տոկոսը կազմում է 6-45%, միջինում 20,4%:

 

Վիճակագրական տվյալների համաձայն ՀՀ-ում 2015թ-ին ալկոհոլային թունավորման հիվանդացության ցուցանիշը 100.000 բնակչի հաշվով կազմել է 13.6, որի 5%-ը արձանագրվել է մանկական ազգաբնակչության (0-14 տարեկան) շրջանում, 8%-ը՝ դեռահասների (15-18 տարեկան) շրջանում, 87%-ը՝ մեծահասակ ազգաբնակչության (18-70 տարեկան) շրջանում:


ՀՀ-ում 01.01.2016-01.10.2016թ. ընկած ժամանակահատվածում ալկոհոլային թունավորման հիվանդացության ցուցանիշը 100.000 բնակչի հաշվով կազմել է 11.3, որից 1-ը մահվան ելքով:

Ալկոհոլի սպառմանը նպաստող հանգամանքները կոչվում են ռիսկի գործոններ, իսկ ալկոհոլի կրճատմանը նպաստողները՝ պաշտպանության գործոններ:

Հաշվի առնելով 2015-2016 հիվանդացության ցուցանիշներն անհրաժեշտ է ալկոհոլիզմի կանխարգելում, որը նպատակ է հետապնդում ուժեղացնել պաշտպանական գործոնները և հնարավորության դեպքում վերացնել ռիսկային գործոնները:

 

Ռիսկի գործոնները.

 

• Մտավոր կամ ֆիզիկական խնդիրներով անհատներ

• Նորածիններ և երեխաներ, որոնց ծնողները չարաշահում են ալկոհոլը

• Անհատական որակ (ցածր ինտելեկտ, ինքնագնահատական, փոփոխական տրամադրություն, անվստահություն, սոցիալական կանոնների, արժեքների, պահվածքի և այլնի պահպանման դժկամություն)

• Վաղ սեռական կյանքի սկիզբ

• Ընտանիքում հաճախակի կոնֆլիկտներ և ցածր եկամուտ

• Դպրոցում վատ առաջադիմություն, սովորելու դժկամություն

• Հասակակիցների և հարազատների հետ շփվելու դժկամություն


Պաշտպանության գործոնները.

 

• Ընտանեկան բարօրություն, համերաշխություն, լավ կրթություն, ընտանիքում հակամարտության բացակայություն,

• Ինտելեկտի բարձր մակարդակ, ֆիզիկական և հոգեկան առողջություն, սթրեսի նկատմամբ դիմադրություն,

• Լավ եկամուտ, բնակարանային ապահովվածություն,

• Բժշկական կանոնավոր հետազոտություններ,

• Հասարակական և բնակության վայրում քրեականացման ցածր մակարդակ,

• Բարձր ինքնագնահատական, առաջացած խնդիրների արդյունավետ լուծման կարողություն, ճնշման դիմադրություն, բարքագծի և զգացմունքների վերահսկման կարողություն,

• Սոցիալական կանոնների պահպանում:

Խորագիրը՝  Առողջություն,   med.tert.am


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Առողջություն բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017