Գլխավոր էջ » Առողջություն
10 կեղծ պնդում քաղցկեղի մասին  404

Գլխավոր էջ » Առողջություն 

Խորագիրը՝  Առողջություն,   

 
 
Այս հիվանդությունը մարդկանց շատ հաճախ անբացատրելի վախ է ներշնչում՝ բազմաթիվ կեղծ պատկերացումներ ստեղծելով:

 

Կարելի է, արդյո՞ք, վարակվել քաղցկեղով, ազդում են, արդյո՞ք, ուռուցքային հիվանդությունների զարգացման վրա վնասվածքները, դիետան և բջջային հեռախոսները:

Vokrugsveta.ru կայքը որոշել է պարզել դա:

1. Քաղցկեղով կարելի է վարակվել

Ոչ: Քաղցկեղն օրգանիզմի սեփական բջիջների վերասերումն է, այդ իսկ պատճառով դրանով ոչ ոքից վարակվել հնարավոր չէ: Թեև գոյություն ունեն բացառություններ:

Առաջինը թասմանյան սատանաների՝ խոշորագույն պարկավոր գիշատիչների քաղցկեղն է: Կենդանու մռութին մեծ ուռուցքները փոխանցվում են կենդանիների՝ միմյանց կծելու ժամանակ: Մարդու համար քաղցկեղի այս տեսակը վտանգավոր չէ:

Երկրորդը մարդու պապիլոմայի վիրուսի կամ հեպատիտ С-ի հետ կապված քաղցկեղի տեսակներն են: 
Այդ վիրուսները փոխանցվում են հիմնականում սեռական ճանապարհով և էապես մեծացնում են արգանդի վզիկի և լյարդի քաղցկեղի առաջացման ռիսկերը:

2. Քաղցկեղից մազաթափություն է առաջանում

Մազածածկույթի կորուստը ոչ թե հիվանդության, այլ քիմիաթերապիայի հետևանք է: Բացի այդ ժամանակակից մեթոդները թույլ են տալիս նույնիսկ չզրկվել մազերից:

3. Դիետան չի ազդում քաղցկեղի առաջացման վրա 



Ոմանք վստահ են, որ դիետան չի կարող ավելացնել ուռուցքային հիվանդությունների զարգացման ռիսկը: Սակայն բազմաթիվ ուսումնասիրություններ ցույց են տվել, որ որոշ մթերքներ բարձրացնում են վատ ախտորոշում ստանալու հավանականությունը: Դրանք են, օրինակ, թաք թավայի վրա պատրաստած միսն ու թռչնամիսը:

4. Քաղցկեղը միշտ կապված է ցավի հետ

Եթե այս պնդումը համապատասխաներ իրականությանը, քաղցկեղից ավելի քիչ թվով մարդ կմահանար միայն այն պատճառով, որ հիվանդներն ավելի շուտ դիմեին օգնության: Հաճախ ցավը հայտնվում է հիվանդության միայն վերջին փուլերում: Մյուս կողմից, քաղցկեղի որոշ տեսակներ ցավով են դրսևորվում արդեն սկզբնական փուլում, այնպես որ չարժե հետաձգել բժիշկի այցելելը ցավի ցանկացած դրսևորման դեպքում:

5. Բջջային հեռախոսները և էլեկտրոնային այլ սարքեր քաղցկեղ են առաջացնում



Ոչ մի ընդգրկուն հետազոտություն չի հայտնաբերել բջջային հեռախոսների և ուռուցքային հիվանդությունների հաճախականության միջև կապը:

6. Հոտազերծող դեզոդորանտների օգտագործումը բարձրացնում է կրծքի քաղցկեղի առաջացման հավանականությունը

Այս մտավախությունները չեն հաստատվել ստուգումներով և հետազոտություններով:

7. Վնասվածքներն ավելացնում են քաղցկեղի առաջացման հավանականությունը վնասված տեղում
  
Այս պնդումը հատկապես տարածված էր XIX դարում՝ այսպիսի տեսակետ էին հայտնում նույնիսկ որոշ բժիշկներ: Նորագույն հետազոտությունները հերքեցին քաղցկեղի առաջացման այս վարկածը:

8. Կրծքի քաղցկեղը միայն հանդիպում է կանանց մոտ

Դա այդպես չէ: Ամեն տարի ԱՄՆ-ում մոտ 1500 տղամարդկանց ախտորոշվում է <<կրծքագեղձի քաղցկեղ>>:

9. Ծխաշատ մեգապոլիսում ապրելն ավելի շուտ է թոքերի քաղցկեղ առաջացնում, քան ծխելը 
 



Ամենայն հավանականությամբ, այդ առասպելը հորինել են ծխողները՝ համոզելու համար իրենց, որ այդ սովորությունն արդեն այդքան էլ վտանգավոր չէ: Բայց վիճակագրությունը պնդում է, որ թոքերի քաղցկեղի հիմնական պատճառն առաջվա պես ծխախոտն է՝ այդ հիվանդության առաջացման բոլոր դեպքերի մոտ 87%-ը:

10. Դեղագործական ընկերությունները վաղուց հնարել են քաղցկեղի դեղորայք, բայց թաքցնում են դա:



Շատերը վստահ են, որ հրաշագործ դեղը դեռ չի գտնվել, բայց դեղագործական ընկերություններն այն թաքցնում են, որ շարունակեն աստղաբաշխական գումարներ վաստակել՝ հիվանդներին ոչ արդյունավետ դեղեր վաճառելով:
Դա կեղծ պնդում է՝ դեղերի ֆիրմաների ղեկավարները քաղցկեղից մահանում են նույն հաճախականությամբ, ինչ և սովորական մարդիկ:

Բացի այդ, քաղցկեղը չափազանց հետերոգեն է, այնպես որ ին-որ մի տեսակի դեղորայքը բավարար չէ դրա բուժման համար: 

Խորագիրը՝  Առողջություն,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...



Նոր հոլովակներ

 

Загрузка...

Առաջարկում ենք նաև...

loading...

Առողջություն բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика
Erkusov.com կայքը նախատեսված է երիտասարդ զույգերի և ամուսինների համար: Թեմատիկան է՝ սեր, սիրահարություն, կիրք, սիրախաղ, ինտիմ մերձեցման նրբություններ, հարցեր սեքսոլոգներին, հոգեբանություն: Որոշ բաժինների նյութերը թույլատրվում է կարդալ միայն չափահաս ընթերցողներին:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումը արգելվում է:

Գովազդների բովանդակության համար կայքի խմբագրությունը պատասխանատվություն չի կրում:
Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: erkusov@yandex.com

Copyright Erkusov.com © 2017