RSS բաժանորդագրություն 

Загрузка...

Գլխավոր էջ » Քրեական

Ընկերուհու հետ «ոչ բնական ճանապարհով սեռական հարաբերություն» ունենալու պատճառաբանությամբ որոշել էր ազատվել զինծառայությունից  1481

Загрузка...
 
 

Խորագիրը՝  Քրեական,   


Ընկերուհու հետ «ոչ բնական ճանապարհով սեռական հարաբերություն» ունենալու պատճառաբանությամբ որոշել էր ազատվել զինծառայությունից

  Հարցում

Դիտու՞մ եք հայկական սերիալներ


Կարդալ Top- հոդվածներ


Վերաքննիչ քրեական դատարանում քննվում է ժամկետային զինծառայող Նարեկ Հ.-ի գործով բերված վերաքննիչ բողոքը:

Սյունիքի մարզի ընդհանուր իրավասության դատարանը Սերգեյ Աղաբեկյանի նախագահությամբ 2012 թվականի դեկտեմբերի 3-ի դատավճռով Նարեկին մեղավոր է ճանաչել հետևյալ արարքի համար:

1993 թվականին ծնված Նարեկը՝ կոչումով շարքային, ծառայել է որպես զինվորական դասակի վարորդ: «Կարծելով, թե ոչ բնական ճանապարհով սեռական հարաբերություններ ունեցած անձինք ազատվում են զինվորական ծառայությունից և զորացրվում՝ 2012 թվականի ապրիլի 13-ին կարգապահական մեկուսարանում կարգապահական տույժ կրելու ընթացքում խաբեության միջոցով զինվորական ծառայության պարտականությունները կրելուց վերջնականապես ազատվելու նպատակով, վաղաժամ պահեստազոր զորացրվելու ակնկալիքով Նարեկը իր հետ տույժ կրող զինվորներին ու մեկուսարանի աշխատակիցներին սուտ տեղեկություններ է հայտնել, իբր՝ նախքան բանակ զորակոչվելն ընկերուհու հետ ոչ բնական ճանապարհով ունեցել է սեռական հարաբերություններ»:

Դատարանը եզրակացրել է, որ Նարեկին մեղսագրվող արարքի կատարման փաստը հաստատվել է դատաքննությամբ ստուգված և ձեռք բերված ապացույցներով:

Ինքը՝ Նարեկը, նախաքննության ժամանակ պաշտպանի մասնակցությամբ հարցաքննվել և իրեն լիովին մեղավոր է ճանաչել:

Նա պատմել է, որ ծառայության առաջին իսկ օրվանից չի կարողացել հարմարվել և ընտելանալ զինվորական կյանքին, մասնավորապես՝ առավոտյան վերկացին, ֆիզպատրաստությանը, հրամանատարների հրամաններին, զինվորական առօրյային և կարգապահությանը: Բարձրաձայն չի տրտնջացել:

2012 թվականի ապրիլի 8-ին ընկերուհու հետ հանդիպելու նպատակով ինքնակամ լքել է զորամասի տարածքը, բայց հետո մտքափոխվել է ու ժամը 19-ին նույնպես ինքնակամ ներկայացել զորամաս:

Հաջորդ օրը զորամասի հրամանատարի կողմից ենթարկվել է կարգապահական տույժի՝ 10 օր կալանքի:

Տեղափոխել են կարգապահական մեկուսարան: Խցում գտնվողների խոսակցություններից լսել է, թե ոչ բնական ճանապարհով սեռական հարաբերություններ ունեցած զինծառայողները ազատվում են զինծառայությունից ու զորացրվում պահեստազոր:

Մտադրություն ունենալով վերջնականապես ազատվել իր համար անցանկալի զինծառայությունից՝ ապրիլի 13-ին խցում հայտարարել է, թե ընկերուհու հետ ոչ բնական ճանապարհով սեռական հարաբերություններ է ունեցել:

Խցակիցները տեղեկացրել են մեկուսարանի հսկիչին: Ինքը նրա ներկայությամբ ևս հաստատել է ասածը, որից հետո իրեն տեղափոխել են այլ խուց:

Այնուհետև ծառայությունը շարունակելու համար իրեն տեղափոխել են այլ զորամաս, որտեղ, իր կարծիքով, ծառայում էին այլ սեռական կողմնորոշում ունեցողները:

Հասկանալով, որ չեն զորացրելու, այլ ստիպված ծառայելու է իրեն «ոչ վայել» զորամասում, գնացել է հրամանատարի մոտ և պատմել իրականությունը:

Խնդրել է, որ իրեն անմիջապես տեղափոխեն այդ զորամասից:

Նույն օրը տեղափոխել են, բայց արդեն՝ ռազմական ոստիկանության ընդունիչ-բաշխիչ բաժին: Այդ ժամանակ է, միգուցե, հասկացել, որ զինծառայությունը տունտունիկ խաղալ չէ:

Դատարանում Նարեկը ժխտել է մեղքը, նշել, թե իրականում ինչ-որ աղջկա հետ, այնուամենայնիվ, իր ասած ձևով սեռական հարաբերություններ է ունեցել մեկ անգամ: Դա ուրիշների ներկայությամբ պատմելով՝ նպատակ չի ունեցել զինծառայությունից վերջնականապես ազատվելու: Գլուխ գովալու նման մի բան է արել, ցանկացել տղաների մոտ «փորձառու» երևալ:

Նարեկը հրաժարվել է նախաքննական ցուցմունքներից և ասել, թե դատարանում տված ցուցմունքներն են ճիշտ:

Դատարանը, սակայն, եզրակացրել է, որ ամբաստանյալի դատաքննական ցուցմունքներն արժանահավատ չեն, նա նպատակ է հետապնդում պատասխանատվությունից խույս տալու:

Վկաների նախաքննական ու դատաքննական, հենց իր՝ ամբաստանյալի նախաքննական ցուցմունքներով հաստատված է գնահատվել Նարեկի մեղքը, այն, որ խաբեության միջոցով ցանկացել է զինծառայությունից վերջնականապես ազատվել:

Դատարանը Նարեկին մեղավոր է ճանաչել և դատապարտել 3 տարի ազատազրկման: Պատժի սկիզբը՝ 2012 թվականի օգոստոսի 20-ից:

Նարեկի շահերի պաշտպանը վերաքննիչ բողոք է ներկայացրել՝ խնդրելով իր պաշտպանյալին արդարացնել՝ նրա արարքում հանցակազմի բացակայության հիմքով:

Երբ երիտասարդն անպատրաստ է գնում զինծառայության, երբ առաջին իսկ դժվարությունները՝ առավոտյան վերկացը, հրամանները, կարգապահական խստությունները նրան վախեցնում են, փախուստ տալու ամենաանհավանական միջոցների կարող է դիմել:

Նարեկի կատարածը ինքնավնասման տարբերակներից մեկը կարելի է համարել՝ բարոյական ինքնավնասում, ինքն իրեն պատրաստ է եղել զրպարտել՝ միամտության կամ գրագիտության պակասի, ծառայակիցների կատակները լուրջ ընդունելու և իր արարքի հետևանքների մասին չմտածելու պատճառով:

Այս դեպքը ևս մեկ անգամ ցույց է տալիս, որ թե ընտանիքում, թե դպրոցում տղաները պետք է նախապատրաստվեն զինծառայության առանձնահատկություններին, կոփված գնան բանակ և ֆիզիկապես, և բարոյապես, ու տարրական գրագիտություն էլ ունենան, որ պատասխանատու լինեն սեփական քայլերի համար, լուրջն ու անլուրջն էլ իրարից տարբերեն:

1in.am


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ Ընկերուհու հետ «ոչ բնական ճանապարհով սեռական հարաբերություն» ունենալու պատճառաբանությամբ որոշել էր ազատվել զինծառայությունից  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Քրեական բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Քրեական | Ավելացրեց: haykblbulyan (17.11.16) Դիտումներ: 1481 | Տեգեր: հետ, «ոչ, ունենալու, ընկերուհու, Բնական, պատճառաբանությամբ, հարաբերություն», որոշել, սեռական, ճանապարհով | - Վարկանիշ -: 0.0/0