RSS բաժանորդագրություն 

Загрузка...

Գլխավոր էջ » Քրեական

Երևանում աները «կիսլատա» է լցրել երեխային տեսակցելու համար իրենց տուն եկած նախկին փեսայի դեմքին  2445

Загрузка...
 
 

Խորագիրը՝  Քրեական,   News365.am


Երևանում աները «կիսլատա» է լցրել երեխային տեսակցելու համար իրենց տուն եկած նախկին փեսայի դեմքին

  Հարցում

Դիտու՞մ եք հայկական սերիալներ


Կարդալ Top- հոդվածներ


Ավան և Նոր Նորք վարչական շրջանների ընդհանուր իրավասության դատարանում Արմեն Վարդապետյանի նախագահությամբ ավարտվել է Աշոտ Սուքիասյանի գործի դատական քննությունը:

62-ամյա Աշոտ Սուքիասյանը մեղադրվում էր տուժողի՝ իր դստեր նախկին ամուսնու առողջությանը դիտավորությամբ ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով:

Ամբաստանյալը ծծմբական թթու է լցրել նախկին փեսայի դեմքին ու ծանր վնաս է պատճառել նրան՝ չվերականգնվող վնասվածքների, ձախ աչքի տեսողության կորստի ձևով…

Ըստ մեղադրանքի՝ 2015 թվականի հուլիսի 6-ին, ժամը 17-ն անց 30-ի սահմաններում Աշոտ Սուքիասյանի տուն է գնացել նրա նախկին փեսան՝ Արտակ Ա.-ն՝ երեխային տեսակցելու նպատակով:

Երեխան քնած է եղել: Աշոտ Սուքիասյանը փեսային առաջարկել է իջնել նկուղում գտնվող իր արհեստանոց: Այնտեղ նրանք սուրճ են խմել, զրուցել են:

«Ելնելով նախկին փեսայի դրսևորած վարքագծից՝ Աշոտ Սուքիասյանն արգելել է Արտակին՝ հետայսու այցելել իրենց տուն ու տեսակցել երեխային»:

Արտակը, ըստ մեղադրանքի, «հակադրվել է, արտահայտել է վիրավորական խոսքեր, որը վրդովեցրել է Ա. Սուքիասյանին»: Նա Արտակին ծանր վնաս պատճառելու դիտավորությամբ վերցրել է ծծմբական թթվով լի տարան ու թթուն լցրել է նախկին փեսայի դեմքին՝ նրա առողջությանը պատճառելով ծանր վնաս:

Տուժողի՝ 36-ամյա Արտակի դեմքը լիովին աղճատված է ծծմբաթթվի ավերիչ ազդեցությունից: Մի աչքը չկա…

Ըստ դատաբժշկական փորձաքննության եզրակացության՝ ծծմբաթթվից վնասվել են տուժողի դեմքը, աչքերը, պարանոցը, վերին վերջույթները, կրծքավանդակը՝ մարմնի 20 %-ին 3-րդ, 4-րդ աստիճանի այրվածքներ է պատճառվել, քիմիական այրվածքների ձևով նրա առողջությանը կյանքին վտանգ սպառնացող ծանր վնաս է հասցվել:

Դեպքի արդյունքում ծծմբաթթվից վնասվել է նաև թթուն լցնողը՝ Աշոտ Սուքիասյանը: Նա ինքն իր առողջությանը պատճառել է միջին ծանրության վնաս՝ առողջության տևական քայքայումով:

Տուժողն ու ամբաստանյալի դուստրն ամուսնացել էին 2012 թվականին: 2014 թվականին ծնվել է նրանց դուստրը: 2015 թվականի սկզբին ամուսինները բաժանվել են:

Նրանց հարաբերությունները լարված են եղել: Երեխային տեսակցելու համար նախկին կնոջ ծնողների տուն այցելող Արտակը հաճախ վիճաբանել է նախկին կնոջ ու նրա մայրիկի հետ:

Դեպքի օրը Արտակը հերթական անգամ Աշոտ Սուքիասյանի տուն է գնացել՝ իր երեխային տեսակցելու նպատակով…

Ամբաստանյալ Աշոտ Սուքիասյանն իրեն մեղավոր չի ճանաչել առաջադրված մեղադրանքում՝ դիտավորությամբ տուժողի առողջությանը ծանր վնաս հասցնելու համար: Նա նշել է, որ Արտակն իր դստերը անհիմն խանդել է, նրան դաժանորեն է վերաբերվել:

Ըստ պաշտպանական կողմի դիրքորոշման՝ նկուղում Աշոտ Սուքիասյանի և Արտակ Ա.-ի միջև վիճաբանություն է ծագել, մեկը մյուսին անվանել է՝ դաժան: Արտակը շատ է բորբոքվել, վիրավորական խոսքեր է ասել նախկին կնոջ հասցեին: Աշոտ Սուքիասյանը ցանկացել է «սթափեցնել» նրան՝ դեմքին, իր կարծիքով, ջուր լցնելով: Բայց նա ջրով տարայի փոխարեն վերցրել է ծծմբաթթվով լի տարան ու շփոթմամբ, ոչ թե դիտավորությամբ՝ ծծմբաթթու է լցրել Արտակի վրա…

Տուժող Արտակը պնդել է, որ Աշոտ Սուքիասյանն ամեն ինչ նախապես ծրագրել էր: Վստահ լինելով, որ չի կարող ֆիզիկական ուժով կամ այլ միջոցով իրեն վնաս տալ՝ դիմել է այդ քայլին…

Մեղադրանքի կողմի միջնորդությամբ դատակոչված փորձագետը հայտնել է, որ ծծմբական թթուն ունի բնորոշ հոտ, բաց տարայում գտնվելու դեպքում գոլորշիանում է, օդում նրա հոտը զգացվում է: Փորձաքննությանը ներկայացված տարաները՝ ծծմբական թթվով ու ջրով, տարբերվել են. ջուրն ավելի պարզ է, իսկ ծծմբական թթուն ավելի խիտ զանգվածով է:

Դատարանը անհիմն է գնահատել ամբաստանյալի պնդումները, թե ինքը չի իմացել, որ «պայկայի հեղուկը»՝ ծծմբական թթուն, վտանգավոր է մարդու համար և այդ հեղուկը նախկին փեսայի դեմքին է լցրել սխալմամբ՝ ջրի փոխարեն:

Արհեստանոցում դեպքի պահին ծծմբական թթվի հոտ չի եղել, ուրեմն՝ ծծմբական թթուն փակ տարայում է եղել, ոչ թե բաց՝ ինչպես պնդում էր ամբաստանյալը: Թթուն լցնելուց առաջ ամբաստանյալը բացել է տարայի կափարիչը, հետևաբար իմացել է, թե ինչ է լցնում տուժողի դեմքին…

Դատարանը եզրակացրել է, որ Աշոտ Սուքիասյանը նախկին փեսայի առողջությանը ծանր վնաս հասցնելու դիտավորությամբ էլ վերցրել է սեղանին դրված տարան՝ ծծմբական թթվով լի, ու հենց թթուն դիտավորյալ լցրել է տուժողի դեմքին:

Աշոտ Սուքիասյանը մեղավոր է ճանաչվել ՀՀ քրեական օրենսգրքի 112 հոդվածի 1-ին մասով և դատապարտվել է 4 տարի ազատազրկման: Պատժի սկիզբը՝ 2015 թվականի հուլիսի 9-ից:

Հօգուտ տուժողի՝ ամբաստանյալից կբռնագանձվի 435 հազար դրամ:

Դատարանն առանց քննության է թողել տուժողի ներկայացրած քաղհայցի մնացած մասը՝ 5 միլիոն 840 հազար դրամի չափով: Տուժողը հնարավորություն կունենա այդ մասով իր հայցը ներկայացնել քաղաքացիական դատավարության կարգով:


Օրվա նյութերը

  ՀԱՐՑՈՒՄ

Ինչպիսի՞ նյութեր եք կարդում համացանցում



Սիրելի՛ ընթերցողներ, խնդրում ենք ըմբռնումով մոտենալ առկա գովազդներին: 
Այսօրվա կոմերցիոն դարում ցանկացած աշխատանք պետք է փոխհատուցվի, այլապես, չի կարող շարունակվել:
 5-20 վայրկյանանոց գովազդները և առաջարկվող կայքերի հղումները, հուսով ենք, չեն շեղի բուն հոդվածից: Նշենք, որ գովազդները միայն ստուգված և վստահելի գործակալություններից են (վիրուսային կամ վնասարար հղումները բացառված են): Հաճելի ընթերցում :)

loading...
 

Այլ հոդվածներ Երևանում աները «կիսլատա» է լցրել երեխային տեսակցելու համար իրենց տուն եկած նախկին փեսայի դեմքին  թեմայով կարդա ԱՅՍՏԵՂ:


  ՀԱՐՑՈՒՄ

Հավատու՞մ եք, որ նոր վարչապետի գալով ինչ-որ բան կփոխվի



Загрузка...


на русском  In English

Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Առաջարկում ենք նաև...


Քրեական բաժնի ԱՄԵՆԱԸՆԹԵՐՑՎԱԾԸ՝ այստեղ


Կատեգորիա: Քրեական | Ավելացրեց: haykblbulyan (17.09.16) | Հեղինակ: News365.am W Դիտումներ: 2445 | Տեգեր: Երևանում, եկած, տեսակցելու, աները, «կիսլատա», տուն, լցրել, երեխային, ՀԱՄԱՐ, իրենց | - Վարկանիշ -: 0.0/0