Գլխավոր էջ » ԳԻՏԵԻ՞Ք ՈՐ
Ինչպե՞ս ճիշտ կրել և «խնամել» զարդերը  3204

Գլխավոր էջ » ԳԻՏԵԻ՞Ք ՈՐ 

Խորագիրը՝  ԳԻՏԵԻ՞Ք ՈՐ,   

Երբեմն կրում ենք մեզ դուր եկած զարդերն ու չենք էլ գիտակցում, որ դրանք կարող են դրական և բացասական ազդեցություն, նույնիսկ բուժիչ հատկություն ունենալ:

Զարդեր

Պղնձե ապարանջանը բուժիչ հատկություն ունի: Ռեֆլեքսաթերապիայի կենտրոնական գիտահետազոտական ինստիտուտում պարզել են, որ պղնձե թիթեղները, ցանցերը, ապարանջանները ամրապնդում են օրգանիզմի պաշտպանողական հատկությունները: Դրանք օգտագործվում են սիրտ-անոթային, նյարդային համակարգի խանգարումների, ռևմատիկ, հիպերտոնիկ հիվանդությունների կոմպլեքսային բուժման մեջ: Օրգանիզմի ֆունկցիաների կարգավորման համար միկրոէլեմենտներից ամենաանհրաժեշտը պղինձն է, որի անբավարար քանակությունը բացասաբար է ազդում մարդու ինքնազգացողության վրա: Թե որքան է այն պակաս, կարելի է որոշել արյան անալիզի միջոցով: Աշխարհում ամենահանրահայտը պերուական «Ռեմուս» ֆիրմայի ապարանջաններն են, որոնց մեջ պղինձը կազմում է 99.9 տոկոս:

ՈՐՏԵ՞Ղ, Ե՞ՐԲ ԵՎ ԻՆՉՊԵ՞Ս ԿՐԵԼ ԶԱՐԴԵՐ

Ինչպես հագուստի, այնպես էլ զարդերի ընտրությունը կապված է տեղի, ժամանակի ու նորաձևության հետ: Սակայն գոյություն ունեն ընդհանուր կանոններ, որոնք պետք է իմանալ ու հաշվի առնել:

1. Զարդերի քանակը չի կարելի չարաշահել: Քաղաքի փողոցներում, տրանսպորտում և այլուր հաճախ կարելի է հանդիպել շուկայի պայուսակները ձեռքներին կանանց, որոնց մատները ծածկված են տեսակ-տեսակ մատանիներով: Դրանք ոչ թե զարդերի, այլ ոսկու կտորների տպավորություն են թողնում, որովհետև այդ համադրության մեջ զարդերից և ոչ մեկը չի առանձնանում, ուշադրություն չի գրավում ո՛չ իր գեղեցկությամբ, ո՛չ էլ յուրօրինակությամբ: Էլ չենք խոսում այն մասին, որ զարդարանքների այդ «ցուցահանդեսն» ամենևին էլ չի խոսում տիրոջ բարձր ճաշակի մասին: Եթե դուք ձեր պարանոցին կրում եք գեղեցիկ նուրբ մանյակ, ապա ականջօղերը ևս պետք է լինեն նուրբ, ներդաշնակ, միմյանց չխանգարող:

2. Զարդերն իրենց ոճով չպետք է տարբերվեն միմյանցից: Չի կարելի հնաոճ մանյակի հետ նորաձև ապարանջան կրել կամ արծաթյա ապարանջանի հետ` ոսկե մատանի: Զարդերը պետք է ներդաշնակ լինեն հագուստին, ինչպես նաև հասակին ու մարմնաձևին: Խոշոր զարդերը կամ զարդերի առատությունն ընդգծում են ցածր հասակն ու նիհարությունը: Եվ, ընդհանրապես, փոքրիկ, նուրբ զարդարանքը բոլորովին չի երևա բարձր ու խոշոր մարմին ունեցողի վրա:

Մարմնեղ կանանց խորհուրդ չի տրվում նաև շատ խոշոր զարդեր կրել: Նրանք իրենց ընտրության մեջ նախապատվությունը պետք է տան միջին մեծության զարդերին: Որևէ զարդարանք գնելիս նախապես մտածեք, թե ի՞նչ զգեստի հետ եք կրելու: Այլապես, այն կմնա զարդատուփում, կամ հարկ կլինի նրան հարմար նոր զգեստ գնել:

ԶԱՐԴԵՐԸ ԵՐԲԵՔ ՉԵՆ ԿՈՐՑՆԻ ԻՐԵՆՑ ՓԱՅԼԸ

Մարգարիտը հինգ րոպե պահեք փափուկ օճառ լուծած գոլ ջրի մեջ, որից հետո լվացեք այն մաքուր, սառը ջրով: Թեթևակի սրբեք փափուկ լաթով և թողեք չորանա:

Արծաթը հաճախ կրելով` դուք կպաշտպանեք խամրելուց, բայց եթե, դա այնուամենայնիվ պատահել է, փայլեցրեք արծաթը` հետևելով արտադրող ձեռնարկության հրահանգներին:

Ադամանդը և թանկարժեք այլ քարեր մեկ թաս գոլ ջրի մեջ ավելացրեք մեկ թեյի գդալ լվացող որևէ փափուկ նյութ, ընկղմեք թանկարժեք քարը լուծույթի մեջ ու թողեք տասը րոպե: Ատամի փափուկ խոզանակով շրջանաձև շարժումներով մաքրեք քարերը: Ապա լվացեք գոլ ջրով և չորացրեք մաքուր, չոր լաթով:

ՀԱԳՈՒՍՏԻ ՈՉ ԹԱՆԿԱՐԺԵՔ ԶԱՐԴԵՐԸ թափ տալով մաքրեք փափուկ լաթով, ապա` փափուկ, խոնավ լաթով:

ՈՍԿԻՆ և ՊԼԱՏԻՆՆ, ընկղմելով գոլ օճառաջրի մեջ, շփեք ատամի փափուկ խոզանակով:

Աղբյուր

Խորագիրը՝  ԳԻՏԵԻ՞Ք ՈՐ,   


Հավանաբար կհետաքրքրի նաև...


Կիսվիր հրապարակմամբ ընկերներիդ հետ...


Նոր հոլովակներ
 

Загрузка...

Առաջարկում ենք նաև...


ԳԻՏԵԻ՞Ք ՈՐ բաժնի ԱՄԵՆԱԸՆԹԵՐՑՎԱԾԸ՝ այստեղ

Яндекс.Метрика Free Page Rank Tool

Powered by Jasper Roberts - Blog